وصلت النترا hd 2016
وصلت النترا hd 2016
ياريت لو فى اى ملعلومة عن معاد طرحها فى السوق وسعرها ضرورى مستنيها بقالى مده ومش عارف هتظهر للنور امتى
شكرا على الصور
متخيلتش انها بتيجي كاملة بالشكل ده كنت فاكر ان الشاسية بس بيستورد والصاج بيتصنع هنا باسطمبات
شكرا
طبعا خط تصنيع صينى ويتم التصدير الى هنا والباقى غبور بيصنعه فيما عدا الموتور والفتيس ممكن يكونوا كورى
الا لو غبور اكد المعلومة انها كورى الصنع
البودي ده كأنه موديل 2010
هو هينزل تاني الشكل القديم
مش ده برضه بودى 2009
مش عارف بصراحة ايه الاسئله دى يا جماعه عايزين حد يقولنا بجد العربية ممكن تظهر للنور امتى واضح جدا والراجل كاتب انها hd
يعنى من 2007 : 2011
فى حاجة اسمها 2009 أو 2010 ما كلها شكل واحد
معلومة من احد العاملين بالشركة بيقول العربية النترا hd اجمعت وحتنزل اول 2016 بس السعر غير معروف بيقولوا كان مقرر 110 الف الكلام ده كان قبل موضوع رفع الدولار وبيخمنوا انها لن تقل عن 140 الف
ان شاء الله تعالى هيكون في تقرير قريب
لو 140 يبقى غبور يشربها و حتبقى فى مصلحه النيسان السنترا سعر متقارب مع اختلاف الصالون الاكبر و شكل جديد لصالح السنترا المصرى
مين يشترى عربيه شكلها عدى عليه 9 سنين ب 140 الف
الموضوع في مصر بيعتمد علي عوامل كتيراقتباس:
المشاركة الأصلية كتبت بواسطة muhamednabil
يعني مثلا مدة الحجز والتسليم للعملاء لو حتشتري من غبور
والاوفر برايس لو حتشتري من معارض
لان ممكن تكون عاوز تشتري عربيه ومقتنع بيها بس التوكيل يقولك الحجز ٦ شهور وانتا مستعجل فتصرف نظر عن العربية وتفكر في حاجه تانيه متوفرة وجاهزة للتسليم
سعر اعادة البيع
تتوافر قطع الغيار
وطبعا مواصفات ألعربيه بشكل عام
معاك بس فى حدود برده نيسان من الشركات الليها وزنها فى السوق المصرى و لو بصيت على ميبعات الصنى على كل ما قيل عنها من عيوب و عدم توافر قطع الغيار تعكسلك برده ثقة المستهلك فى نسيان.
بالنسبة لقطع العيار فهى مسألت وقت مش اكتر بعد لما العربية بقت بتتجمع هنا.
بصراحة انا شايف hd اخرها تبقى فى الفئة السعرية بتاعت الصنى من وجهة نظرى.
اصل انا عن نفسي لم اكن أعرف ما هو اسم الموديل ده بس منك نستفيد hd ده اكيد اسمها من زمان بس مش معروف لناس كتير و راكبينها كماناقتباس:
المشاركة الأصلية كتبت بواسطة mmedali1978
و السعر لو زاد عن 110- 120 تبقي الشارك احسن و ياباني و الفرق لا يذكر و الصني كمان منافس و السنترا وصفقة فاشلة لغبور
مع كل الأحترام لملاك النسيان الصني العربية دا بتبيع علشان مافيش غيرها في السوق متوافر و لما النيو لوجان نزلت بأعداد معقولة خذت من حصتها و لو غبور ذكي ينزل العربية دي في الرانج ال120 ألف ساعتها حيرجع يسيطر علي السوق أنما ينزلها بأعلي من كدا يبقي أن شاء اللة هيونداي تختفي بأسعارها الفلكية سولاريس ب150 ألف و الكريتا ال190 ألف !!!
اعتقد والله اعلم مش هتوصل للسعر ده وتقدير شخصى عندى الاكسنت والسولاريس قريبين من السعر ده مش هيضرب نفسه بنفسه والله اعلم ادينا صابرين وهنشوفاقتباس:
المشاركة الأصلية كتبت بواسطة shahen
الصاج علشان تصنعه محتاج استثمارات بمليارات و انتاج ضخم علشان يقلل التكلفةاقتباس:
المشاركة الأصلية كتبت بواسطة m.elwan
و كذلك الشاسيه و المكن
اكيد مش حتبقى كورياقتباس:
المشاركة الأصلية كتبت بواسطة miam0502788391
اعتقد انها حتكون مكان الفيرنا مش على خط الانتاج و لكن فى المبيعات و اعتقد حيكون فيها فئات تبتدى من 90s لحد 120s
اعتقد ان الصين بيبقى عندها النترا ابعدها مختلفة قليلا عن بقية دول العالم
فممكن الجسم يكون جاي من الهند لان هيونداى عندها مصنع ضخم جدا باحدث تكنولوجيا
و غبور بيجيب من الهند جراند اى تن و كريتا
المشكله ان الفيرنا النهارده وصلت 108 - 109 الف !!!
فماعتقدش الالنترا HD تنزل ب 110 - 120 ، كدا بقت تقريبا بتمن الفيرنا والجراند i10
وفى نفس الوقت الوقت ماينفعش تبقى ب 140 الف او اكتر ، لان من شهور قليله قبل زيادة الدولار كانت الالنترا MD بتبدأ من 150 الف بعد الجمارك ، وعربيه موديل السنه و 100 % كورى ، فمش منطق يبيع الموديل الأقدم وتقفيل محلى ب 140
لو عايز ينافس لازم ينزل الالنترا HD بسعر مايزدش عن 130 الف ، كدا بقت أرخص من المنافس المباشر وهى السنترا وهاتنافسها بقوة ، وبقت أرخص من عربيات تانيه كتير تقفيل بره زى الشارك والتوليدو وال 301 والأكسنت والريو والياريس
مفيش فرق ازاىاقتباس:
المشاركة الأصلية كتبت بواسطة محمود نجيب
الشارك اول فئة اليوم بحوالى 140 الف يعنى لو الالنترا ب 110 زى ما حضرتك بتقول يبقى 30 فرق وده مبلع مش هين على واحد بيشترى مش الف ولا اتنين يعنى
اقتباس:
المشاركة الأصلية كتبت بواسطة Hosam_Optrawy
بأقل من 100 مستحيل ، بغض النظر عن الفيرنا ، في منافسين تانيين زى الافيو اللى سعرها النهارده 110 الف ، يبقى ازاى النترا اقل من 100 ولا حتى 100 ؟اقتباس:
المشاركة الأصلية كتبت بواسطة mif
امتى حينزل شكل جديد الواحد كرهه شكل القديم مستفز زى زى سيراتو القديمه
انا شايف عن تجربه ان العربيه دى ممتازه ينقصها بس ثبات على الطريق وابشن عالى شويه
بنسبه للسعر معتقدش انها هتكون ب 110 زى مكان بيتقال وخاصه بعد ارتفاع اسعار كل العربيات
انا اقصد انه لازم يكون فيه فءة مانوال فاضية علشان التاكسياقتباس:
المشاركة الأصلية كتبت بواسطة hosam_optrawy
و هو دا اللى شهر الفيرنا فى بدايتها .... تهافت التاكسي و الشركات على سيارة اعتمادية و اقتصادية
و السعر اللى مالوش منافس
و انت عندك حق لان اللى بيتحكم فى اسعار السيارات مافيا المعارض
شفت فى مرة ورق شركة بتشتري 50 سيارة تجميع مصرى من المصنع و كانت ارخص من المعارض ب 20% تقريبا
اكيد هيبقى فى فئة مانوال زى ما حضرتك قولت وان شاء الله سعرها يبقى قريب من الفيرنا لانها لو عدت 120 اعتقد مش هتبقى سيارة الناس العادية زى ما اكن بيصرح وهيفقد الفئة السعرية دى لصالح المنافسين لانه معندوش حاجة قريبة من كده الا الجيلى اللى أكيد مهما عملت مش هتققه ربع مبيعات الفيرنااقتباس:
المشاركة الأصلية كتبت بواسطة mif
العربيه دى لو رجعت تانى وبسعر مناسب هيكون قرار صائب وهتحقق مبيعات كبيره
مفيش جديد ولا اخبار عن الاسعار ؟؟؟؟؟اقتباس:
المشاركة الأصلية كتبت بواسطة alaamousa
شكلها اشاعه
مش اشاعة العربية اجمعت وناس شافتها واحتمال تنزل فى شهر فبراير المشكلة ان غبور لم يحدد سعر حتى الان
مش اشاعة ابدا يا باشا فعلا هى قربت تنزل بس المشكلة ان مفيش اى اخبار عن السعر نهائى ولا حد يقدر يحدد رينج ليها كل يوم السوق بحالاقتباس:
المشاركة الأصلية كتبت بواسطة hossam_elwani
اعتقد انهم منتظرين لما يقدروا يبيعوا كل مخزون الفرنا اللي عندهم قبل ما تظهر الالنترا الشكل القديم لأنها هتكون منافس قوي لاختها الصغيرة فرنا و ده مش لصالح الوكيل
ده الفرنا الاوتوماتيك وصل سعر اعلي فئة 110 ألف جنيه
معني كده ان محدش هيقرب لها و هي بالسعر ده و يزود شوية و يجيب اي فئة بس اسمها النترا زيرو والاثنين انتاج محلي
و بكده اعتقد انه هيوقف خط انتاج الفرنا و تحل الالنترا الشكل القديم مكانها كعربية شعبية و للتاكسي كمان مع انتشار قطع الغيار اللي هتزيد اكثر
و اللي غاوي رفاهية هيشتري النترا تقفيل كوري و شكل جديد وكله بتمنه
و ده مجرد اعتقادي و الله عنده علم الغيب