طالع عمرة الشهر الجى ونقصنى معلومات كتتتير

**يارب سامحني** · 28-12-2015 12:22 PM

الحمد لله ربنا كرمنى وهطلع عمرة الشهر الجى

عندى كام سؤال بعد اذنكم

انا صحيا وجسمانيا تعبان . يعنى بتعب من المشى لو حتى 500 متر ركبى بتوجعنى .. ومعدتى من الموصلات بتقلب جامد وببقا عايز ارجع طول الطريق ومن اققل حاجة معدتى بتاخد برد

بالنسبة للطيارة فى علاج معين اخدة علشان موضوع قلبان المعدة دا وهل هتعب زى تعب الموصلات ولا هيبقا اكتر

غير الطيارة .. انا خايف لتعب هناك لان فعلا معدتى بتتاثر اوى من الهوا لو خففت فى الايام العادية فى اى وقت لبسى او خت دش سخن لازم اخد برد فترة فى المعدة وقلبان بقا وافضل ملازم السرير ومتحركش ومشربش غير سوايل انا دلوقتى هحرم من المطار .خايف لاخد برد اية الى ممكن اعملة علشان طبعا مش هكون لابس غير لبس الاحرام

سؤال تانى . لبس الاحرام ذات نفسة
علشان موضوع البرد دا امتى اخلى كتفى يبان وامتى اغطى الكتف والطريقة ازاى لانى مش عارفها بصراحة

وانة كتف الى بيبان اليمين ولا الشمال ؟

عندى اسئلة تانية بس مش فكرها بصراحة لما افتكرها هكتبها وشكرا

**يارب سامحني** · 28-12-2015 12:43 PM

انا لسة جى من الصحة وادونى حقنتين فى الكتف واحدة للانفلونزا والتانية مش فاكر لاية بالظبط
هل التطعيم دا كويس ويخفف مشكلة البرد دى

**حسام الغرباوي** · 28-12-2015 01:19 PM

المشاركة الأصلية كتبت بواسطة يارب سامحني

الحمد لله ربنا كرمنى وهطلع عمرة الشهر الجى

عندى كام سؤال بعد اذنكم

انا صحيا وجسمانيا تعبان . يعنى بتعب من المشى لو حتى 500 متر ركبى بتوجعنى .. ومعدتى من الموصلات بتقلب جامد وببقا عايز ارجع طول الطريق ومن اققل حاجة معدتى بتاخد برد

بالنسبة للطيارة فى علاج معين اخدة علشان موضوع قلبان المعدة دا وهل هتعب زى تعب الموصلات ولا هيبقا اكتر

متقلقش الطيارة مش زي المواصلات ...الطيارة اكنك قاعد في الانترية يعني مفيش اهتزازات ولا الكلام دا ..انتا لو بترجع كتير متكلش وتملى معدتك ..

غير الطيارة .. انا خايف لتعب هناك لان فعلا معدتى بتتاثر اوى من الهوا لو خففت فى الايام العادية فى اى وقت لبسى او خت دش سخن لازم اخد برد فترة فى المعدة وقلبان بقا وافضل ملازم السرير ومتحركش ومشربش غير سوايل انا دلوقتى هحرم من المطار .خايف لاخد برد اية الى ممكن اعملة علشان طبعا مش هكون لابس غير لبس الاحرام

عادي احرم من المطار ولف الحرام كلو عليك كامل مفيش مشكلة .....يعني استخدمه كبطانية ..وفي حرامات شتوية تقيلة ...بخصوص مكة وجده ..متقلقش درجة الحرارة عالية طول السنة ...

سؤال تانى . لبس الاحرام ذات نفسة
علشان موضوع البرد دا امتى اخلى كتفى يبان وامتى اغطى الكتف والطريقة ازاى لانى مش عارفها بصراحة

وانة كتف الى بيبان اليمين ولا الشمال ؟

دا اسمة (الاضطباع )...ودا بتكشف كتفك اليمين باالشكل دا

ودا مبتعملوش خاااالص غير اثناء الطواف فقط ....ومتقلقش العمرة كلها اصلا بتاخد حوالي نص ساعة ...
7 اشواط طواف
صلاة ركعتين امام مقام سيدنا إبراهيم
السعي بين الصفا والمروه 7 اشواط
التقصير
التحلل بالاستحمام بعد التقصير وتلبس زي منتا عايز ...

عندى اسئلة تانية بس مش فكرها بصراحة لما افتكرها هكتبها وشكرا

اتفضل لو في أي اسئلة تانية وعمره مقبولة مقدما

**غزلة** · 28-12-2015 03:52 PM

https://youtu.be/IauKCR8Qjlc مناسك العمرة خطوة خطوة - تعليم مناسك العمرة

**volociximab** · 28-12-2015 04:28 PM

العملية بسيطة استمتع بالعمرة
و الجو بالنسبة لمصر جميل

**Ayoob** · 28-12-2015 06:04 PM

ماتقلقش من حاجة ان شاء الله اول ماتوصل هناك بتلاقي كل حاجة متسهله
بالنسبة للشعور بالتعب ممكن تستريح بعد الطواف وقبل ما تبدأ السعي وحاول ان تعمل كل حاجة على مهلك خالص

**ahmed_eng2001** · 28-12-2015 06:15 PM

ربنا يتقبل منك ... اوصيك بالدعاء لنا جميعا

**acura** · 28-12-2015 06:53 PM

عمرة مقبولة ان شاء الله ربنا يرزقنا بها وجميع المسلمين .. آمين

**إنسانة** · 30-12-2015 10:29 PM

الكراسي المتحركة موجودة للمرضى شوفتهم بيستخدموها ممكن تستخدمها لو الامر مرهق عليك

اسال عن طريقة الحصول عليها في الفندق

**إنسانة** · 30-12-2015 10:44 PM

المشاركة الأصلية كتبت بواسطة يارب سامحني

غير الطيارة .. انا خايف لتعب هناك لان فعلا معدتى بتتاثر اوى من الهوا لو خففت فى الايام العادية فى اى وقت لبسى او خت دش سخن لازم اخد برد فترة فى المعدة وقلبان بقا وافضل ملازم السرير ومتحركش ومشربش غير سوايل انا دلوقتى هحرم من المطار .خايف لاخد برد اية الى ممكن اعملة علشان طبعا مش هكون لابس غير لبس الاحرام

لو معدتك حساسة كدا ماتكلش

بس اشرب سواخن بعد ماتطلع الطيارة تدفيك لان جوها بارد وخلي معاك كيس احتياط "موجود غالبا في الطيارة" ممكن تستفرغ اللي شربته اثناء الرحلة عند الهبوط

سلامتك

بالتوفيق