عرض للطباعة
السلام عليكم ورحمة الله وبركاته
انا محتاج مساعده في مشكله الحراره يا ريت تفيدوني يا شباب العربيه النهارده عدت ال ١٠٠ بحاجه بسيطه مع العلم ان الجو شتا ممكن تفيدوني يا جماعه جزاكم الله خيرا و سؤال تاني بسمع صوت تزيق وانا نازل الجراج او طالع منه او لو بدوس بنزين مره واحده بسمع سوت طقطقه العربيه اتوماتيك و شكرا
مؤشر الحرارة العادى المفروض يبقى ١٠٠ درجة أو زيادة شوية (١٠٢ درجة) الموتور متظبط على الحرارة دى - ولو هى أعلى من الـ ١٠٠ درجة بكتير يبقى تشوف الأتى:
- هل الميه بتنقص :
* ممكن يكون غطاء الرادياتير - الرادياتير مخروم - الخراطيم بتاعة الرادياتير مخرومة أو مسدودة أو متنيه وخانقة المية (خصوصاً الخرطوم التحتانى) - طلمبة المية باظت (هل بتسمع صوت ونه و الطلمبة بتنقط ميه)
- المية مش بتنقص :
* كلتش المروحة (لما بتمشى بسرعة بالعربية بتبقى كويسة ولما بتقف فى اشارة مثلاُ بتسخن) وكمان الكلتش بيعمل صوت أعلى من صوت الطلمبة.
دى الحاجات إللى لازم تبص عليها وإن شاء الله تكون حاجه بسيطة.
التزييق ده فى الغالب قواعد موتور او قواعد فتيس لازم يتكشف عليهم - وإحتمال تكون العفشة الأمامية إكشف عليها برضه لو قواعد الموتور والفتيس كويسين
زي ما قالك احمد باشا عبد الفتاح مش هضيف حاجه
متشكر يا احمد باشا ميتحرمش منك هو الميكانيكي قالي الغطاء بتاع الريداتير عايز يتغير وحروحله النهارده يبصلي على القواعد ممكن ترشحلي ميكانيكي كويس موثوق فيه يعني
معلش استفسار خارج الموضوعاقتباس:
المشاركة الأصلية كتبت بواسطة hero_01069
هيا الشيروكي 2000-2001 كويسه ولا لا سعرها تقريبا كام لو حاله نظيفه اوتو
استهلاكها للبنزين عامل ايه وتكلفة ترخيص السنه (ضريبه وتأمين اجباري)
وشكرا
العفو - عموماً أنا من إسكندرية - بس باسمع سمع خير عن محمد عبد الوهاب جنب سور مجرى العيون فى فم الخليجاقتباس:
المشاركة الأصلية كتبت بواسطة hero_01069
عربيه ممتازه استهلاك البنزين عالي عن ١٦٠٠ طبعا جوه البلد بتعمل من ١٢٠ ل١٣٠ كم في الصفيحه بره البلد يعني على طريق سريع من ١٥٠ ل ١٦٠ كم بس اهم حاجه الانجكشن يكون مظبوط بمعنى انه متنضف وحساس ال tps كويس و نضيف والحساس ده بتاع عداد ال rpm سعره من ٨٥ ل ٩٥ لو حالتها نضيفه جدا واهم حاجه تكون كهربتها سليمه يعني الضفيره نضيفه مش مطقطع منها حاجه الدينامو بتاع بلدها والريموت بتاعها مش الريموت العادي اللي بتشتريه من بتاع كمليات السيارات
الف شكر لحضرتكاقتباس:
المشاركة الأصلية كتبت بواسطة hero_01069