السلام عليكم (استفسار لاعضاء منتدي الدايو) ارجو النصيحه

**romrom** · 24-11-2008 06:15 AM

مش هطول عليكم يا شباب قولو طول:bigear:
انا عندي عربيه مازدا 323 مو 82 و الحمد لله بصراحه العربيه ممتازه جدا و ناعمه جدا :k18::k18:
بس المشكله في حاجتين مهمين التكيف و الباور بصراحه فرقه معايا كتير بالاضافه طبعا لحاجه تانيه مش مهمه اوي و هي شكل العربيه و علو موديلها
عشان كده فكرت اشتري حاجه فيها الامكانيات دي ناس كتير نصحوني بدايو لانوس 1
بصراحه العربيه شكلها كويس و فيها اللي عايزه
طب ايه المشكله
اني لاقيت عربيه دايو مو 99 كامله هيدروماتيك هو صاحبها بيقول كامله بس هي في الحقيقه الزجاج الامامي فقط كهرباء و مرايا واحده بس كهربا يمين طبعا و العربيه حلتها بيقول كويسه بس المشكله لما ركبتها لقيت و بكل امانه عربيتي اللي مو82 انعم منها بكتيييير و سحبها احسن قولت يمكن عشان العربيه الهيدروماتيك ما بتجمعش كويس طيب النعومه مفروض الكوري ناعم
في حاجه تانيه صوت الماتور جوه العربيه عالي جدا جدا جدا لدرجه الازعاج يا تري ده عيب ايه و بيقولي عامل عمره من 6 اشهرو عايز 40 الف في العربيه يا تري السعر ده مناسب
طبعا انا صدعتكوا بس انا محتار
1-كمل بالمازدا اللي معايا لاغايه ربنا يسهلها و اجيب زيرو(طبعا ده بدع كتتتتتتتتير)
2- اجيب ديه و امري لله و اتوكل عليه طيب لو ده تم ايه رائيكوا في موضوع
السعر
عمره الماتور
الموديل
موضوع ان العربيه فول ابشن و ازاي فيها الزجاج الخلقي عادي حتي الامامي الزراير جنب الهاندبريك الكلام ده صح
مش هطول عليكم شكرا جدا للي هيرد و يار يت تنصحوني بصراحه محتتاااااار جدا جدا
شكرا

**Sherif Khalifa** · 24-11-2008 09:46 AM

متجيبش لانوس اتوماتيك
ابدااا
مشاكلها كتير

**MMamdouh** · 24-11-2008 02:56 PM

اشترى لانوس بس تكون حالتها انضف من كدة... يعنى على الاقل مش عاملة عمرة

MMamdouh

**romrom** · 25-11-2008 12:48 AM

قين الردود شباب

**hdmrdash** · 25-11-2008 02:05 AM

انت معاك مازدا وتشترى عربيه أعلى منها وتدفع فلوس والموتور زفت والسحب ضعيف وأكيد العربيه منتهانه طب ليه يعنى؟ هو انت مش تعبان فى الفلوس
علشان تدفع فلوس فى موديل اعلى لازم تحس بالفرق فى كل حاجه صوت - هدوء - راحه -الخ
والعربيه من اولها باينه أنها سكه
حكم عقلك لو العربيه كويسه وزيرو كان ليه صاحبها قسطها؟
وكمان عامل عمره للموتور والموتور صوته كده؟
والفتيس الوتوماتيك ب 4000 جندى حتجيبه حتجيبه
واتسهلاك الانوس اتوماتيك مره ونص استهلاك المازدا
خليك فى المازدا وبلبل الميكانيكى أحسن
ملحوظه: أنا كان معايا 323 موديل 83 ودلوقتى معايا نوبيرا والحمد لله
ياريت تسمع كلامى

**romrom** · 25-11-2008 03:36 AM

المشاركة الأصلية كتبت بواسطة hdmrdash

انت معاك مازدا وتشترى عربيه أعلى منها وتدفع فلوس والموتور زفت والسحب ضعيف وأكيد العربيه منتهانه طب ليه يعنى؟ هو انت مش تعبان فى الفلوس
علشان تدفع فلوس فى موديل اعلى لازم تحس بالفرق فى كل حاجه صوت - هدوء - راحه -الخ
والعربيه من اولها باينه أنها سكه
حكم عقلك لو العربيه كويسه وزيرو كان ليه صاحبها قسطها؟
وكمان عامل عمره للموتور والموتور صوته كده؟
والفتيس الوتوماتيك ب 4000 جندى حتجيبه حتجيبه
واتسهلاك الانوس اتوماتيك مره ونص استهلاك المازدا
خليك فى المازدا وبلبل الميكانيكى أحسن
ملحوظه: أنا كان معايا 323 موديل 83 ودلوقتى معايا نوبيرا والحمد لله
ياريت تسمع كلامى

كلامك فعلا مقنع شكرا اخي جدا جدا لوجه نظرك و انا فعلا ابتديت اصرف نظر عن الموضوع ده و هشد عربيتي و ربنا يباركهالي عقبال ما يسهل و اجيب زيرو احسن و لا ايه