هل السيارة تحتاج الزرجينة أرجو الرد لو تكرمتم

**ابراهيم70** · 29-12-2015 01:55 PM

بسم الله الرحمن الرحيم والصلاة والسلام على خير الخلق أجمعين سيدنا محمد وعلى آله وصحبه أحمعين
اﻷحوة الكرام السلام عليكم ورحمة الله وبركاته
سيارتى سيات ابيزا صندوق موديل 2001 ﻻحظت أن الفردة الأمامية الشمال بتسخن والسيارة بتحدف شمال بسيط رحت للميكانيكى رفع العربية على الكوريك ووجد الفردة تقيلة جدا فى الدوران بتاعها قالى الشاسية معوج وﻻزم يتعمله زرجينة عند سمكرى عشان ضاغط على الفردة والكوبلن
ما رأيكم فى هذا الكلام وهل الزرجينة حتضعف الشاسية وكم تكلفتها ؟
أرجوكم سرعة الرد
وجزاكم الله خيرا

**ashourashour** · 29-12-2015 03:09 PM

الميكانيكي يشكر لكن دي مش شغلته ومش هيعرف

لازم تروح لحد بتاع زوايا بس يكون كويس وعنده جهاز كويس بيعرف يستخدمه ( ده نادر قوي على فكره )

هو ده اللي يحدد العربيه فيها زوايا وتعديل الزوايا ده يتطلب زرجينه ولا لا

**tameem2010** · 29-12-2015 04:16 PM

بتاع الزوايا الكمبويتر هو اللى هيحدد
بس لو الشاسيه فيه حاجة فده هياثر على الكوبلن الداخلي ويخلي الغيارات صعبه او الكوبلن الخارجي وده هيخليه يطقطق
عموما روح اكشف عند حد بتاع زوايا بالكمبيوتر

**ابراهيم70** · 29-12-2015 06:01 PM

المشاركة الأصلية كتبت بواسطة ashourashour

الميكانيكي يشكر لكن دي مش شغلته ومش هيعرف

لازم تروح لحد بتاع زوايا بس يكون كويس وعنده جهاز كويس بيعرف يستخدمه ( ده نادر قوي على فكره )

هو ده اللي يحدد العربيه فيها زوايا وتعديل الزوايا ده يتطلب زرجينه ولا لا

مشكور وجزاك الله خيرا

**ابراهيم70** · 29-12-2015 06:04 PM

المشاركة الأصلية كتبت بواسطة tameem2010

بتاع الزوايا الكمبويتر هو اللى هيحدد
بس لو الشاسيه فيه حاجة فده هياثر على الكوبلن الداخلي ويخلي الغيارات صعبه او الكوبلن الخارجي وده هيخليه يطقطق
عموما روح اكشف عند حد بتاع زوايا بالكمبيوتر

شكرا على سرعة الرد

بس الغيارات ما فيهاش أى مشكلة أنا بس أحيانا بسمع طقطقة بسيطة عند صعود مطب
على العموم حروح بكرة لبتاع الزوايا وعفشجى

جزاك الله خيرا

**Ahmed abdkarim** · 30-12-2015 04:46 PM

متابع

**ابراهيم70** · 31-12-2015 07:37 AM

رحت بالعربية للعفشجى حل الفردة الى بتسخن وظبط فيها شوية حاجات ( الحقيقة مش عارف عمل ايه بالظبط ﻹن خبرتى ضعيفة جدا ) المهم هوه حل الفردة وتيل الفرامل والبستم والدركسيون وظبهم وعدل الزوايا
المهم طلعنا نجرب العربية ﻻحظت انها بقت ناعمة جدا فى الدركسيون حتى أنا قلتله أنا حاسس إن العربية عايمة
قالى دا بس عشان انت اﻷول كنت بتمشى بالعربية والفردة قافشة فكنت واخد على ان العربية تقيله
المهم العربية بقت مظبوطة تمام معدتش بتحدف شمال وﻻ يمين يعنى زى المسطرة والدركسيون ناعم جدا ومريح
بس موضوع سخونية الفردة الامامية الشمال دى عايزة مشوار عشان اقدر احكم عليه بكرة إن شاء الله حمشى بيها مشوار وأشوف كده ويارب ما نحتجش موضوع الزرجينة ده

**scientist9508** · 31-12-2015 07:00 PM

بسم الله الرحمن الرحيم

أخى الفاضل

تحديد الإنبعاج فى الشاسيه أمر شديد الدقه و بالغ الصعوبه. إن الإنبعاج أو الإنحراف فى الشاسيه يقاس بالميليمتر و ليس حتى بالسنتيمتر. و هناك جهاز مخصوص لقياس إنحراف أو إنبعاج الشاسيه

ما ذكرته يعنى أن سيارتك لا تعانى من مشكلة إنباعج شاسيه بل خلل فى العفشه و غالبآ التقسيمه الأماميه. إن إستمر ميل السياره لإتجاه معين من فضلك توجه للكشف عن إنبعاج الشاسيه بجهاز كمبيوتر متخصص

هداك الله لأرشد أمرك و أقومه

السلام عليكم ورحمة الله و بركاته

**ابراهيم70** · 01-01-2016 06:25 PM

المشاركة الأصلية كتبت بواسطة scientist9508

بسم الله الرحمن الرحيم

أخى الفاضل

تحديد الإنبعاج فى الشاسيه أمر شديد الدقه و بالغ الصعوبه. إن الإنبعاج أو الإنحراف فى الشاسيه يقاس بالميليمتر و ليس حتى بالسنتيمتر. و هناك جهاز مخصوص لقياس إنحراف أو إنبعاج الشاسيه

ما ذكرته يعنى أن سيارتك لا تعانى من مشكلة إنباعج شاسيه بل خلل فى العفشه و غالبآ التقسيمه الأماميه. إن
إستمر ميل السياره لإتجاه معين من فضلك توجه للكشف عن إنبعاج الشاسيه بجهاز كمبيوتر متخصص
اﻷخ العزيز جزاك الله خيرا على هذا التوضيح وأوضح لسيادتكم أن السيارة بعد الذهاب للعفشجى لم تعد تميل الى اليمين أو اليسار ولكنى ما زلت أعانى من سخونة الفردة الشمال ولو بمقدار ضئيل ﻻ يظهر إلا بعد مشوار طويل

هداك الله لأرشد أمرك و أقومه
وهداك لكل خير
السلام عليكم ورحمة الله و بركاته

وعليكم السلام ورحمة الله وبركاته