بطارية و لا دينامو

**mbaddar2** · 29-12-2015 04:17 PM

السلام عليكم
انا عربيتى يارس 2009 120 الف كم , جيت ادورها النهاردة الصبح - البطارية فاضية تماما فجأة و لا الهوا
جبت وصلة دورتها دارت على طول (قلت يبفى العيب مش من المارش - يا بطارية يا دينامو)
رحت لبتاع بطاريات قالى بطارية - رحت لكهربائى قالى نفس الكلام و قالى الدينامو تمام و شحنه مية مية
رحت لتوكيل غطاطى اللى فى عبد الناصر فى اسكندرية قالى البطارىة تمام شيك عالدينامو ؟؟
رجعت للكهربائى تانى قالى لو فيه مشكلة فى الدينامو ماكانتش شحنت اصلا
رحت لواحد تالت خالص كان معاه جهاز ديجيتال - قاس البطارية و العربية دايرة عطت 12 فولت - حط حمل زيادة نزلت ل 9 فولت
المهم جبتلها بطارية (القديمة بقالها فوق السنتين - هانكوك) و جبت بوش 60 امبير - بس المشكلة عند النور العالى بحس برجو فى الموتور بس النور ثابت مابيرعش , الكلام ده بعد ماركبنها على طول .. هل عشان لسة البطارية جديدة ملحقنش تشحن , هل كده العيب دينامو مش بطارية و هل صح انى غيرتها
اتمنى حد يفيدنى و شكرا مقدما

**mbaddar2** · 29-12-2015 05:33 PM

ملاحظة : انا جربت افصل البطارية و العربية دايرة و مابطلتش , هل ده معناه ان الدينامو سليم ؟

**mohamed sedaa** · 29-12-2015 05:43 PM

لازم شحن الدينامو يكون فوق 13,5 فولت والعربية دايرة . راجع علي كتاوت الشحن

**mbaddar2** · 30-12-2015 01:12 AM

@mohamed sedaa
على ما اتذكر زى مابتقول - و العربية دايرة عطط من 13 و نص ل 14 فولت مش 12 , هل فى اختبار تانى , و افحص كتاوت الشحن فين , عند كهرابائى و لا يفضل التوكيل و شكرا

**Mecha** · 30-12-2015 03:18 AM

لو جابت ١٤ فولت وهي دايره يبا الدينمو تمام وشيك بس علي السير
واتاكد القواطيش نضيفه
ومتحلش كبلات والعربيه دايره ابدا

**svneleven** · 30-12-2015 04:29 AM

طالما الدينامو اعلي من 13 فولت يبقي ما فيهوش مشكلة و كمان لو الدينامو مش شغال كانت بطلت اما تفصل البطارية و العربية دايرة. عربيات كتير بتحتاج ايدل ليرن او زي ؤيسيت اما تغير البطترية عشان الموتور يظبط علي السلانسيه. شوف دليل المالك.

**Fawzy.Abdelnour** · 30-12-2015 08:55 AM

اعتقد لو الدينامو فيه حاجه كانت لمبته نورت.
جرب تمشي بالبطاريه الجديده شويه و شوف هتعمل معاك ايه.
و قيس الشحن عند واحد بتاع بطاريات كويس، انا فيست هنا في مصر الجديده عند اشرفكو، محترم جدا و مارضيش حتي ياخد فلوس.

**mbaddar2** · 31-12-2015 12:29 AM

الف شكر يا جماعة عالردود
@ mecca قصدك ماشيلش الكابلات و العربية دايرة عشان مايعملش شرار لو لمس جسم العربية , و لا ممكن يكون بوظ حاجة
@svnleven مش فاهم قصدك بالضبط لو ياريت توضح
@mankindfoce انا من اسكندرية , بس ودتها التوكيل و بص عالدينامو و السيور و كله تمام

هو بس لسة عندى استفسارين
1-و انا واقف و مولع النور العالى الموتور بيترج ساعات و ساعات , رجة خفيفة جدا و بتروح , هل ده طبيعى
2-بطارية الياريس 45 و لا 60 امبير , انا جبت بطارية بوش الصنايعى(للعلم ب 550) يقولى ده 60 و مكتوب عليها 45 يقولى لا ده 60 , مين الصح (مع العلم ان البطارية مقاس القديمة بالضبط و القاعدة متشيلش بطارية اكبر)
و شكرا مرة تانية

**Mecha** · 31-12-2015 02:44 AM

باشا شيل الكبلات في العربيات الجديده ممكن يخرب ecu
والصنيعيه عقليتهم لسه في ١٢٥
نور عالي ع السلانسيه ، الدينمو خرجه عالي وبيحمل ع المتور غير مفضل, لكن لو المكنه برجلت تشوف السرفيس والايدل

**Fawzy.Abdelnour** · 31-12-2015 09:14 AM

الحجم مش بيفرق دلوقتي.
في بطاريات صغيره بس قدرتها عاليه.
الموضوع ده بهدلني في عربيه مرسيدس.
الراجل ركب علي المقاس، دارت 3 مرات و بعد كده ماتت.

الموضوع: بطارية و لا دينامو

LinkBack

أدوات الموضوع

عرض

-

-

-

المواضيع المتشابهه

عيب بطارية و ﻻ دينامو!!!!!

مشكلة بطارية ولا دينامو؟؟

بطارية ولا دينامو

ياترى مشكلة بطارية ولا دينامو ولا ايه؟؟؟

عاجل :: عطل محتار فيه ده دينامو ولا بطارية ولا ايه بالظبط

الكلمات الدلالية لهذا الموضوع

المفضلات

المفضلات

ضوابط المشاركة