-
الفتيس بيهيس
السلام عليكم
الفتيس بتاع العربية ابتدا يهيس الاول لما اكون واقف على d سعات يمور لوحده وسعات ادي r العربية تبطل لوحدها
السؤال بقا هل الزيت كدا وحش ولازم يتغير هو والفلتر
العربية لانسر 1990 اتوماتيك 1500
ولو الزيت يتغير تنصحوني اغير بأي نوع و الفتيس ياخد كام لتر وبكام اللتر
مع الشكر
-
السوال هما اخر مره اتغيروا امته
لو حالتهم جديده وعلي كلامك في مشكلة فالف بادي
وغالبا كم كتير علي العربيه
لو مبتجبش سرعه عاليه الفتيس انتهي
-
اولا شكرا على سرعة الرد
ثانيا : العربية معايا من حوالي سنة ونص وماشي بيها تقريبا 10 الاف كيلو ومعرفش اخر مرة متغيرين امتا بالضبط
معلش انا عايز اعرف اقيس زيت الفتيس ازاي وتكلفة تغير الزيت وايه نوع الزيت
وشكرا
-
في اغلب اللانسر فيه مقاس ، بتدور وتسيبها ع p
وتقيس.
نوعه في كتاب العربيه وغالبا atf dexron
والكميه بردك, عن نفسي بجيب جركن 5 لتر والزياده
ان في تنفع للباور . وكدا كدا الزيت في البنزينه مش
هيطير.والتكلفه ممكن تغيره بنفسك
-
-
تمام الله ينور
العربية ماشية 200 الف كيلو
استعمال خارج
-
الحمد لله الموضوع اتحل
الحكاية كلها طلعت جوان وش السلندر والتقسيمة كانت مش مظبوطة
اللي حصل اني كنت ماشي ع البحر ومرة واحدة العربية بطلت ومش عايزة تدور قطرتها لحد الميكانيكي
وبعد الفحص والمحاولات اكتشفنا ان العيب من جوان وش السلندر فتم الاتي :
- فك الوش واخذه الى الخراط مسحه وغير اربع صبابات وطقم اولسيلات للصبابان
- وضع جوانين لوش السلندر
- غيار الزيت للموتور
- غيار مياة التبريد
- صيانة للمارش (تغيير شربون و عمل جلب)
- تزويد زيت الفيتيس
النتيجة
العربية بسم الله ما شاء الله صوتها بقا اهدا بكتيير
والسحب اتظبط جدا
كان في ريحة زيت محروق بتدخل الصالون اختفت
كان الموتور بسقف جامد الحمد لله التسقيف راح
نقلات الفتيس بقت اهدا
التبطيل مع قفل الدريكسيون اختفا الحمد لله
تفسيري للعطل :
وش السلند قفع شوية نتيجة سخونية زيادة - ودة بسبب عمال الجراج وانا مسافر الفترة اللي فاتت بيدوروها فترة كبيرة جدا مع عدم مرعاة سؤال التبريد وبعدين بيقرصوا على الموتور جدا في الطلعة وبيمشوا وهما مشعريين سنة فرامل بالرجل الشمال
المهم انها عدت على خير والحمد لله
واسف على الاطالة
م/ ايهاب يوسف
-
الحمد لله
الحكايه كلها زيت الفتيس ناقص ويعمل الاعراض دي
وش السلندر يعمل حاجات تانيه
طالما كدا غير زيت وفلتر فتيس
Content Relevant URLs by
vBSEO 3.6.0 PL2