عاوز اشترى جيب ومحتار بين الرانجلر 2010 والـ kk من 2008 حتى 2010 الأفضليه فيهم لمين باستثناء الشكل طبعا دى مسألة تختلف من شخص لآخر انا بأسأل عن الأفضليه من حيث تصميم الشاسيه - الإعتمادية والآداء (الموتور والفتيس والعفشة ..... الخ) التقفيل.
شكراً
عرض للطباعة
عاوز اشترى جيب ومحتار بين الرانجلر 2010 والـ kk من 2008 حتى 2010 الأفضليه فيهم لمين باستثناء الشكل طبعا دى مسألة تختلف من شخص لآخر انا بأسأل عن الأفضليه من حيث تصميم الشاسيه - الإعتمادية والآداء (الموتور والفتيس والعفشة ..... الخ) التقفيل.
شكراً
متابع معاك
الرانجلر ٢٠١٠ و ٢٠١١ بموتور ٣٨٠٠ سى سى ٢٠٢ حصان وفى سنة ٢٠١٢ نزلوا موتور جديد ٣٦٠٠ سى سى ٢٨٥ حصان اسمه بنتا ستار
الـ KK من ٢٠٠٨ الى ٢٠١٣ موتور واحد ٣٧٠٠ سى سى ٢١٢ حصان
الـراحة اكتر فى الـ KK عن الرانجلر
الكنبة الخلفية اريح فى الـ KK عن الرانجلر
الضوضاء اقل فى الـ KK عن الرانجلر
العفشة فى الرانجلر اقوى من الـ KK
التحكم وزوايا الرؤيا أحسن فى الـ KK
الرانجلر على شاسية والـ KK تعتبر unibody
اداء الرانجلر فى الـ offroad أحسن
قابلية الرانجلر للتعديل زى مانت عاوز ( كله بتمنه )
الإعتمادية فى الاتنين متقاربة
التقفيل فى الـ KK أفضل بكتير
أهم حاجه سواء فى الرانجلر أو الـ KK حالة العربية لأنك حاتشتريها طبعاً مستعملة ولو العربية ملعوب فيها حايبقى الاتنين حايتعبوك ولو الحالة كويسة والعربيتين مظبوطين مش حاتقابل مشاكل كبيرة فى المستقبل .
اهم حاجه ايه اللى انت عاوزه من العربية يعنى لوعاوز سيارة عائلية تروح بيك اى حته يبقى الـ KK ولو عاوز عربية بهدلة فى الصحرا يبقى الرانجلر - لو بتسافر كتير على طرق سريعة اسفلت يبقى الـ KK ولو بتنزل صحرا كتير يبقى الرانجلر - لو غاوى تعديل ورفع عفشة وتعريض كاوتش وحركات يبقى الرانجلر .
لو اخترت الرانجلر يبقى ٢٠١٠ او ٢٠١١ او ٢٠١٣
انا فتحتلك معظم النقط اللى اى حد بيفكر فيها وانت الحكم على الاختيار - ونصيحة سوق الاتنين وشوف ايه القصة .
وتحت امرك فى اى استفسار تانى . وبالتوفيق إن شاء الله
الرانجلر اعتمادية اكتر وحتستحمل معك البهدلة و فى نظرى شكلها احلى
أشكرك يا باشمهندس أحمد على المعلومات القيمة وبعد الكلام ده اللى يناسبنى اكتر الـ KK بس ليا ملاحظة مع استفسار ويهمنى أوى رأى حضرتك انا اتفرجت على كذا KK وتقريبا كلهم الجزء اللى حوالين الـ sun roof يا اما منشع او باين فيه صدأ أو مبهدل هو دا عيب تقفيل والا سوء استخدام والا دى حالات فرديه والا ايه ؟؟
شكراً لحضرتك مره تانية
اللى تلاقيها منشعة أو فيها بقع صدأ فى الفرش بتاع السقف يبقى حاجه من تلاتة :
- فيه خرطومين تصريف مياه لفتحة السقف ( لما تفتح الـsunroof وتطلع راسك منها حاتبص على الاتنين كورنر الاماميين حتلاقى ثقب فى كل كورنر دول خاصين بخراطيم التصريف للمياه بتاعة الغسيل او المطر ونهايتهم فى ارضية العربية من بره خلف العجلتين الاماميتين - بمعنى انك لو دلقت كباية ميه من الثقب حتلاقيها نزلت تحت العربية ورا العجلة الامامية) ممكن يكون الخرطومين مسدودين لأنهم بيتسدوا من التراب والمية فبيعملوا طينة تسد الثقب وبالتالى المية حاتقع على فرش السقف لما يتسدوا.
- تانى حاجه تبص كويس جداً على المجرة بتاعة الروف راك لأنها ممكن تكون مصدية واتخرمت
ونشعت على فرش السقف .
- تالت حاجه لو البرابريز الامامى متغير قبل كده ( حتلاقى الاصلى جريش والمتغير جريش برضه لأن البرابريز الامامى والاربع زجاج ابواب والزجاجين الجانبيين الثابتين اللى خلف الابواب الخلفية جريش - وحتلاقى برابريز الشنطة والشراعات بتاعة البابين اللى ورا امريكانى موبار - وخلى بالك من الامريكانى ده لأنه غالى جداً بمعنى مثال الشراعة بتاعة اى باب خلفى بتعمل حوالى ٣٥٠٠ جنيه وفردة الزجاج اللى قدها ٥ مرات بتعمل حوالى ٥٠٠ جنيه - والبرابريز الامامى إللى قدها ١٠٠ مرة بيعمل من ٤٠٠ الى ٥٠٠ جنيه - جنان :) ) - فى الغالب الصنايعية بيفشلوا فى تركيبه واحتمال كبير يجيب ميه برضه على فرش السقف .
نصيحة حاول تخليه يفكلك الروف راك وده فكه بسيط جداً وسهل حاتخلع البلاستكة اللى قدام والبلاستكه الى ورا ( بعتبروا غطا لقواعد تثبيت الروف راك ) ودول بيتخلعوا نطر باى مفك عادة وبعدين حتلاقى تحتهم صامولتين قدام وصامولتين ورا حاتفكهم يطلع معاك الروف راك (كل جنب لوحده) واتأكد إن مافيش صدا أو بارومة خصوصاً حوالين الاستدزات اللى مثبته الروف راك . وممكن برضه لما تروح تكشف عليها خلى اللى حايكشف يقوم بالمهمة دى.
كده الفرق وضح ﻷي حد فمصر
بس ليه حضرتك نصحته لو يشوف رانجلر يشوف مودلات انت محددها بعينها ايه المميز يعنى فيهم (2010و2011و2013)
تمام بس كان فى برضه حد قال تجربته هنا ان ال2010 كان فيها مشاكل برضه هل ده صحيح ؟
طب معلش بالنسبة لعفشة الرانجلر ملهاش حل عشان تكون انعم شويه يعني انا انسبلي الرانجلر بس ظهري بيوجعني منها في المسافات و هل ممكن تغيير الكراسي بتاعتها و الكنبه الي و را عشان تكون اريح
سمعت ان فيه ناس فى القاهرة بتعمل حاجه للكنبة اللى ورا تزود ميل ضهرها شوية علشان تريح اللى قاعدين ورا نوعا ما - وفيه ناس بتغير الكراسى الامامية - وفى ناس بتعدل شوية فى العفشة علشان تريحها شوية - بس رأيى الشخصى ان الكلام ده مش حايدى تأثير زى مالناس متخيله - العربية نظامها كده ولو كان فيه امكانية علشان تريح العفشة شوية كان المصنع عملها - هما يعنى غاويين وجع دماغ :) ( ده رأيى الشخصى ومن حق اى حد يقول رأى تانى )
- وطالما انت جربت ولقيت ضهرك بيوجعك منها فى المسافات يبقى بلاشها
حضرتك نسيت حاجه مهمه اوي ان ال kk زيرو في الثبات عربية امانها سيء جدا !!
مين اللى اقل لحضرتك كده ؟؟؟؟ العربية ثابتة لغاية ١٥٠ كم/ساعة وانا مجربتش اكتر من كده بصراحة - انا الاخر بتاعى ١٦٠ :) وكل العربيات الدفع الرباعى علشان عالية عن الارض بتبقى اتزانها مش زى السيدان وعلشان كده بتبقى تقيلة وفيها esp والباور ستيرنج متغير القوة وفيها وسادتين هوائيتين للركاب الاماميين ووسادتين فى القوايم ووسادتين جانبيتين بتغطى الكابينة بالكامل من الجوانب - كل ده علشان يزودوا امانها ومافيش عربية دفع رباعى فيها حاجه اكتر من كده
يا فندم كل الريفيوهات اللي شوفتها للعربية دي ولا للجراند شيروكي كلها بتتقلب في الملفات البسيطة
و كانت سمعة سيئة جداً حتى مع ال esp لدرجة إنهم إحتفلوا مؤخرا بآخر جيل من الجراند شيروكي قبل آخر facelift ده
إن أخيراً الجراند شيروكي وصلت لمعاير امان محترمة في الملفات و المناورات ..
تحياتي
http://g02.s.alicdn.com/kf/HTB1_EbsG...Xq6xXFXXXR.jpg
http://sc01.alicdn.com/kf/HTB157PsKV...eep-Willys.jpg
:tumb::tumb::Y_hi_3[1]::shine[1]:
ahmed_eng2001
رامي مصطفى
:tumb::bump2::tumb::bump2::tumb::bump2::tumb::bump 2::tumb::bump2::tumb: