هل اللى عملته فى المرور اليوم صح ام خطاء ؟

**dser** · 30-12-2015 02:45 PM

السلام عليكم ورحمة الله وبركاته

اليوم روحت المرور علشان اطلب شهادتين بيانات واحده موجهه للشهر العقاري و شهادة موجهه الى المرور بالاضافه لشهادة براءة ذمة

المهم بعد معاناه وصلت للموظفه المسئولة وقالتلى مش هتقدر تحصل غير على شهادة بيانات موجهه للشهر العقاري فقط علشان أسجل السيارة بإسمي بعدها ابقى اطلب شهادة بيانات وشهادة براءة ذمه فى يوم اخر بعد لما اسجل العقد فى الشهر العقاري

بس هي طلبت مني ادفع الضريبة وكمان نموذج 51 و طوابع شرطه

المهم انا دفعت ضريبة 3 سنوات والايصال الاحمر طلع بإسم الراجل اللى الرخصه بإسمه وليس بإسمي

السؤال هنا

هل الضرائب دي هي فلوس ترخيص السيارة 3 سنوات ولا لسه هدفع فلوس تاني لترخيص السيارة

وهل بعد لما اروح اسجل العقد بإسمي فى الشهر العقاري اقدر احول الرخصه بإسمي خصوصا ان الرخصه منتهيه وانا عاوز اغير ملكيتها لي بعقد مسجل

واشكر حضراتكم

**Fawzy.Abdelnour** · 30-12-2015 05:57 PM

نقل الملكيه بتكمل مدة الرخصه, بش الدفع باسم صاحب العربيه القديم مش عارف.
لو ايصال الدفع مكتوب فيه رقم العربيه يبقي عادي مافيش مشكله.
و يمكن حد تاني يفيدك اكتر.