ايه هي اهم التعديلات الممكنة
علي النترا 2010 تزيد من الاداء وتحسين في الشكل
والاسعار وطرق الشراء
عرض للطباعة
ايه هي اهم التعديلات الممكنة
علي النترا 2010 تزيد من الاداء وتحسين في الشكل
والاسعار وطرق الشراء
97 مشاهدة بدون رد
بص ياباشا بالنسبة للشكل مداها واسع جداا واذوواق بالنسبة للاداء راجع ع الصيانة و ع العفشة مع تركيب فلتر رياضي اصلي وشكمان رياضي اصلي مش الصوت وبس بس في الاول والاخر التعديل هيحسن الاداء حاجة بسيطة ترجع لمكنة عربيتك وحالتها
التعديل بحوره واسعه جدا وفيها متاهات
بس عموما خلينا في اللي علي قدينا
هاتغير الاتي :
- فلتر هواء رياضي
- بوابه هوا ( ثروتل بادي ) رياضي اكبر
- اقزوز رياضي كامل ( شكمان )
- بواجي رياضيه 2 شرز مع الاسلاك
- الردياتير والمراوح
الحاجات دي ممكن تحسن الاداء العزم والتسارع واكيد هاتزود عدد الاحصنه معاك
فيه حاجات تاني زي تربو او سوبر تشارجر. ودا بقي هايرتبط بقدرتك الماديه
الحاجات اللي فوق مش مكلفه قوي زي الترىو او الستوبرتشارجر بس هاتظبط معاك
يااااااااااااااه يا عبد الصمد
بص يا سيدى بما اننا اصحاب نفس الموديل
أول سؤال انت عربيتك هاى لاين ولا لأ
على العموم هاقولك كل اللى عندى
عليك وعلى الحرفيين
تقلب الدنيا لغاية لما تلاقى النترا 2010 هاى لاين اسبورت خليجى وتقلعها ملط (لأن عربيتنا اخرها بره 2010 مش 2011)
هاتاخد منها التالى
طاره مالتى وممكن تستبدلها بالطاره بتاعت i30 الاوروبى شكلها احسن بكتيييييييييييير وتاخدها بالشريط - هاتلاقى طارتين واحده فيها مثبت سرعه والتانيه فيها انك ترد على التليفون - هات ام تليفون
كاسيت تاتش بالجى بى اس اوريجنال مش اللى بيتباع فى السوق ولازم تجيبه بكل وصلاته
وحدة التكييف التاتش بالسناسر بتاعتها علشان تجيب لك درجة الحراره الخارجيه
لو معندكش الاستوب اللى على الزجاج ورا هاتوه
معندكش فوج لايت - هاته بالدراع والضفيره وابقى ركب عليه زينون
اوعى تنسى تجيب المرايات الضم بالاشارات وطبعا معاها وحدة الازرار اللى جنبك ووحدة الضم بتاعة المريايات
تجيب المرايا الداخليه ذاتية التعتيم بالجهاز بتاعها وبرضو علشان ترد على التليفون منها
معندكش جراب نظاره - واضاءه اماميه فى الصالون - هات الوحده بتاعتها
الجنوط ال 16 الاوريجينال طبعا ديه من اولاوياتك
عايز تجيب الدلايات والشبكه الاسبور والاسبويلر - ديه حاجه ترجع لك
لو بتسافر كتير ممكن تركب مثبت سرعه
شوية الرغى اللى فوق ده هايكلفك بدون اى دهانات حوالى 10.000 بشرط انك تشترى من واحد كل الكلام ده
طبعا لو مكانك هاشترى نص امامى واخد الكراسى الجلد بالمره
اهم تعديل علي الالنترا هو تعديل العفشه الخلفية بالذات متفرق معاك جدا في الثبات ودي اسوء ما في الالنترا الشكل ده بصراحة
محتاج مساعدين وسوست سبورت وطقم شدادات
ممكن تجيب كوني او فوجتلاند ألماني
شكرا يا جماعة