فين الاقي حد يصلح شاشه تابلت لينوفو

Lenovo tab s8

مكملش اسبوعين والشاشه اتكسرت من غير ما يقع او يتخبط

حد يعرف مكان اصلحه فيه

لو في اسكندريه يبقي تمام اوي

ولو القاهره ممكن لاني بسافر كل شهر مره

مشاهدات فقط !!!

انزل مول سموحه محلات كتير للصيانه هناك

شاشة ابن عمي اتحرقت ( شاشة تلفزيون lg ) كلم التوكيل قالوا له خارج الضمان وتكلفة الشاشه 1300 جنيه

فمحتاج يغيرها خارج التوكيل اكيد هتبقى ارخص من كده

فمحتاجين نعرف حد كويس ممكن يغير له الشاشه

لو يتنزل الققاهرة انزل شارع العطار في العتبة دور في المحلات بتاعة قطع الغيار واشتريها بنفسك وما تسترخصش وانت بتشتري قولهم عايز الاصلية وركبها عند اي حد بيركب من هناك برضو الموضوع مش هياخد منك ساعة هناك
احسنلك تروح بالمترو او مواصلات لان مفيش ركنة هناك خالص

يعني لو ركبت القطار ونزلت رمسيس ممكن تقولي اركب المترو منين وانزل محطه ايه ؟

انا معرفش اي حاجه في القاهره ولما بروح مش بتعمق جوا هوا يدوب الداءري والاتوستيراد

معلش لو فيها غلاسه ممعكش رقم اي محل هناك اسأله لاني بنزل بالعربيه وفي حاله الشاشه هنزل مواصلات ف بدل ما اروح علي الفاضي

نفس التابلت برضه فيه شرخ فى الشاشة بس بتهيألى فى التاتش الخارجى مش الشاشة ومش عارف اعمل ايه !

اعتقد التابلت نفسه فيه مشكله لان ناس كتير بتشتكي منه

انا بتاعي اتكسر ومحطوط في جراب وعليه اسكرينه زجاج وموقعش

منهم لله

لو حضرتك وصلت لحاجه يا ريت تقولي

انا لقيت واحد في اسكندريه وتمنها ٧٣٠ بس لسه موصلتش من الصين

التوكيل ب ١٤٠٠ تقريبا

هو لو اتباع علي حالته يجيب كام ؟

لا استنى وان شاء الله فيه حد ممكن يشوف صرفة للموضوع ده
اى جديد هعرفك ان شاء الله

صباح الخير يا أستاذ punisher

شارع العطار فى العتبة فيه ناس بتغير الشاشة والأسعار تتراوح من 550 الى 800 جنيه كل محل ومزاجه...تغيير الشاشة بالكامل بالتاتش بالجزء الأمامى (الوش) للتاب.

شكرا لحضرتك استاذ محمد

حضرتك غيرتها ولا لسه ؟

يا ريت لو غيرتها تقولي اسم المحل اللي غيرت منه وبكام

لو مينفعش تكتب اسم هنا استأذنك تبعتهولي علي الخاص

العفو يا باشا على ايه

لا انا مش ناوى اغيرها خلاص اسيبه يجيب اخره وممكن ابقى اغير بعدين ان شاء الله
هو مش محل معين... حضرتك بتروح شارع العطار تسأل على الناس اللى شغالة فى شاشات تابلت اللينوفو بيبقوا كذا محل هاى تك وواحد اسمه وجيه وكذا محل. بتسمع من كل واحد وتشوف انه الأنسب وفى الغالب مفيش فصال. انا مرحتش لكن الكلام ده من صديق لى كان هناك امبارح ولف لفة هناك.

بالتوفيق ان شاء الله.