استفسار عن المرتب المناسب للعيشه في مصر

**mikho83** · 02-01-2016 10:17 AM

لو عيشة متوسطة 5000 جنيه، لو عايز يعيش عيشة كويسة مش اقل من 10 الاف

**msobhy** · 02-01-2016 04:18 PM

متوسط دخل الفرد المعدم 300-800 جنيه
متوسط 800 -1500
فوق المتوسط (بداية الحياه الاداميه) 1500 - 2500

يعنى من الاخر اخوك لازم دخله يتراوح بين 6000 الى 10.000
مشكلته انه علشان يوصل نفس المستوى اللى كان عايش بيه هناك لازم يحصل على سكن فى منطقه راقيه - وعلشان يسكن فى منطقه راقيه مصاريفه ومصاريف اهله هاتزيد وفى النهايه هايلاقى نفسه مضطر انه يدفع مبلغ فلكى علشان يسكن فى مكان محترم بالاضافه انه هايحتاج دخل لا يقل عن 15.000 جنيه

خليه قاعد هناك احسن
انه تبقى نفسيته منيله بستين نيله ومعاه فلوس احسن الف مره ان نفسيته برضو منيله ب 50 نيله وممعهوش فلوس

**punisher** · 03-01-2016 12:29 PM

ده غير ان في ناس كتير مشوها من شركته واحتمال الشركه نفسها تتباعةفي خلال سنه

**dongol123** · 03-01-2016 12:54 PM

انا في الامارات و متفهم احساس اخوك خصوصا بعد اللي بيحصل في الخليج السنة اللي فاتت بسبب اسعار البترول.
المشكلة مش هو هيعرف يعيش بكام في مصر بعد ما ينزل المشكلة في سقف التطلعات اللي عليت عنده و عند اسرتة بسبب المعيشة في مجتمع مرفه زي دبي.
يعني مثلا في دبي هتلاقية ممكن يغير موبايلة كل سنة و عربيتة كل 3 او خمس سنين طبعا ده مش هيكون متاح في مصر.
المدارس الدولية اللي بيعلم فيها ولاده برضه مش هتكون متاحة بنسبة كبيرة في مصر و ده طبعا للفجوة الكبيرة بين مصاريف المدارس اللي من النوع ده و بين دخلة الشخصي
انا رايي ان لازم ياخد فترة انتقالية ينزل فيها عيلتة مصر و يشوف هما هيتأقلموا علي العيشة في مصر ولا لا و طبعا هو يفضل في دبي.
لو العيشة في مصر كانت كويسة يبقي ينزل و الحمد لله علي كده
لكن لو حصلت مشاكل بسبب انخفاض المستوي المعيشي يبقي لازم يستمر في الامارات و يستحمل شوية علشان ولاده

**elrasy** · 13-01-2016 11:05 AM

المشاركة الأصلية كتبت بواسطة رحالة

مصر مش دولة طبعا

بس دول الخليج حاجه مؤقته من ناحيتين

انك طول عمرك فيها وافد عيشتك مرتبطة بالوظيفه فقط

والناحية التانية ان بعد انهيار اسعار البترول هيكون في تقشف وشد الحزام اول المتضررين منه الاجانب

وفي اسباب تانيه ما احبش ادخل فيها بس اعتقد هنشوف نتايجها قريب خلال العامين القادمين

الفكرة انك تمشي من هناك برغبتك قبل ماهم يقولولك باي باي وتتضطر ترجع مصر وانت عندك خمسين سنة ومش عارف حاجه في البلد

الله ينور عليك جبت من الاخر

انا في الخليج و حاليا الامور غير مستقرة نهائيا
تنزل بمزاجك احسن

**sherifahmed** · 13-01-2016 11:57 AM

حضرتك ينزل اجازة و يشوف الدنيا و الصرف و اهم حاجة البشر اللى اخلاقهم حدث و لا حرج

**volociximab** · 13-01-2016 12:20 PM

المشاركة الأصلية كتبت بواسطة elrasy

الله ينور عليك جبت من الاخر

انا في الخليج و حاليا الامور غير مستقرة نهائيا
تنزل بمزاجك احسن

بالعكس
يستمر قدر الامكان لانه لو نزل ممكن ميعرفش يرجع
و اذا كانت الامور الى اسوأ فمصر الى هباب

**elrasy** · 13-01-2016 12:38 PM

المشاركة الأصلية كتبت بواسطة volociximab

بالعكس
يستمر قدر الامكان لانه لو نزل ممكن ميعرفش يرجع
و اذا كانت الامور الى اسوأ فمصر الى هباب

اللي بيفكر ينزل و في دماغه العودة يبقي مينزلش احسن

-

الموضوع: استفسار عن المرتب المناسب للعيشه في مصر

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار عن زيت الماتور المناسب للسيارة

محتاج مشوراتكم فى المرتب المناسب فى السعودية او الامارات

استفسار عن زيت الموتور المناسب

استفسار عن ضغط الهواء المناسب للاطارات

استفسار عن حجم ال usb المناسب

الكلمات الدلالية لهذا الموضوع

المفضلات

المفضلات

ضوابط المشاركة