طلب مشورة بخصوص شراء تيجو 2000 اتوماتك 2009 او 2010

السلام عليكم
افي البداية انا متخوف جدا من تجربة شراء عربية صيني لا وكمان مستعملة واتوماتيك و محتار جدا في التيجو ال 2000 سي سي الاتوماتيك وكنت عايز راي الناس الي راكبينها في الحجات دي والي ممكن تكون صح وممكن تكون اشاعات لان اغلب الشعب المصري بيفتي بدون ميكون جرب العربية
هل هي عربية كويسة واعتمادية وقليلة الاعطال ولا فيها عيوب شائعة وملهاش علاج
و الفتيس الاتوماتيك في مشاكل ؟
وهي حوت بنزين زي مبسمع ولا معقولة يعني متوسطها كام كيلو في الصفيحة
و قطع غيارها موجودة جديد واستيراد وعمرها طويل وغالية ولا سعرها كويس؟
وهل فعلا لنها بتشنش بسرعة وبتفتح بقها وعمرها مبترجع زي الاول
السعر المناسب لموديل 2009 و 2010 ومين الي بيشتغل فيها وفين علشان لو لقيت عربية حلوة اكشف عليها عندو
وشكرا ليكم مقدما

لو ١٦٠٠ كنت افادتك
لكن علي حد علمي التيجو ممتازه
لكن فتيس الاوتو غير عملي علي حد علمي لانه نفسي
فتيس بيجو ٣٠٧ طبق الاصل

السلام عليكم ورحمة الله وبركاته،،،،،
انا هكلمك عن تجربتى الشخصية ، لانى اشتريت التيجو 2000 اتوماتيك زيرو وكانت اول دفعة تتسلم تقريباً ورخصتها يناير 2009، وفضلت معايا لغاية لما بعتها في مايو2013... وكانت ماشية حوالى50 الف كم..
وكل الصيانات والاهتمامات والتعامل مع التوكيل مباشرة، والعربية بعتها بدون اى دهان او سمكرة وحتى الاستبن مكنش اتفك من مكانة...
وهاحاول اكون صريح معاك واجاباتى في حدود تجربتى الشخصية.....

في البداية انا متخوف جدا من تجربة شراء عربية صيني لا وكمان مستعملة واتوماتيك و محتار جدا في التيجو ال 2000 سي سي الاتوماتيك وكنت عايز راي الناس الي راكبينها في الحجات دي والي ممكن تكون صح وممكن تكون اشاعات لان اغلب الشعب المصري بيفتي بدون ميكون جرب العربية
هل هي عربية كويسة واعتمادية وقليلة الاعطال ولا فيها عيوب شائعة وملهاش علاج
(عربية جيدة وليست ممتازة، واعطالها موش كتير لاكن اكتر من مثيلتها ، واعتقد الامر هيختلف كمان لو مستعملة)

و الفتيس الاتوماتيك في مشاكل ؟
(اكيد احتمالات مشاكلة اكتر من المانيوال ، ولو طلع فية مشكلة بتعور جامد)

وهي حوت بنزين زي مبسمع ولا معقولة يعني متوسطها كام كيلو في الصفيحة
(اى عربية نفس الاستيل suvكمان 2000سى سى بتكون اكثر استهلاك فى البنزين عن غيرها، يعنى الموضوع موش على قد التيجو ال 2000)

و قطع غيارها موجودة جديد واستيراد وعمرها طويل وغالية ولا سعرها كويس؟
(مفيش اكتر منها ،جديد واستيراد وسعرها معقول جدا، وموضوع معمرة ولا غير معمرة زيها زى اى قطع غيار ، بتعتمد على مصدر القطعة والاصلى والضمان عليها ... الخ )

وهل فعلا لنها بتشنش بسرعة وبتفتح بقها وعمرها مبترجع زي الاول
(بتحتاج تتربط كل 5000 : 10000 حسب استخدامك والطرق البتتعامل معاها، خد بالك استيل
العربية ناشف ودى في اى عربية suv حتى لو شيروكى)

السعر المناسب لموديل 2009 و 2010 ومين الي بيشتغل فيها وفين علشان لو لقيت عربية حلوة اكشف عليها عندو
وشكرا ليكم مقدما
نصيحة الاسبيرنزا متتجبش اكتر من 50 :60 الف كم وحالة ممتازة وخصوصاً ال2000 اوتوماتيك.
امة لا الة الا الله بتشتغل فيها ، تقدر تكشف عليها عند المتحدة ، الصفوة، محمد فكرى،،،،،،،،،،
السعر المناسب اعتقد في حدود 75 :80 الف لو حالة العربية ممتازة( موش متأكد قوى)
ال1600 اعتقد بتتباع بنفس السعر علشان مطلوبة اكتر، انا شخصياً من اسبوعين كنت بخلص لاخوايا الصغير في واحدة 1600 بس كان فيها شوية شغل لاكن سعرها كان كويس ودى الكان مشجعنى.

في الاخر العربية راحة نفسية، ورضا ولازم تكون عارف انك راكب عربية صينى ومدفوع فيها اقل من امكانيتها، ولو موش فارق معاك الاوتوماتيك .. خليك في ال1600 أمن.

اشكرك على ردك يا استاذ سيد
المشكلة اني عايز اركب اتوماتيك فال 1600 مش هتنفع معايا فعالشان كدا مركز علي الاتوماتيك
فالمجمل انت اية رأيك اجيبها ولا اصرف نظر

اقتباس:

---

المشاركة الأصلية كتبت بواسطة egytamer

اشكرك على ردك يا استاذ سيد
المشكلة اني عايز اركب اتوماتيك فال 1600 مش هتنفع معايا فعالشان كدا مركز علي الاتوماتيك
فالمجمل انت اية رأيك اجيبها ولا اصرف نظر

---

شوف ياتامر باشا ، لو محدد طلبك في عربية اوتوماتيك ، وتكون استيل الجيب اوsuv العربيات العالية يعنى، ولو الفئة السعرية البتدور فيها فى حدود من (70: 85 الف جم) ، طبعاً موش هتلاقى نفس الامكانيات وموديل 2010 او 2012 الا التيجو.

التيجو الاوتوماتيك لو بحالتها كويسة ، وعيبوها هتكون محسورة غالباً فى استهلاك البنزين العالى عن العادى، تكلفة الترخيص والتجديد، لو حالتها جيدة موش هتحتاج الا الصيانات الدورية العادية او لو ظهر مشكلة موش متكررة وموش كل يوم. علشان كدة باكد عليك الحالة الممتازة.

نصيحتى وانت بتدور اعلى بالموديل على قد ما تقدر (معاك لغاية 2012 على ما اعتقد)، ودور على عداد قليل على قد ما تقدر(اخرك 50 : 60 الف كم) طبعاً مرتبط بالحالة، ومن حد مضمون (موش لاعب فى العداد) ... لان الاسبيرنزا ميفضلش زى ما قلتلك قبل كدة تيجى عداد عالى.

موش مشكلة لو رشة اكصدام اومرمات او مغيرة فانونس ، محتاجة تغير كاوتش ، طقم سرفيس ، عافشة ومساعدين ، فانوس... (فى النهاية دى عربية مستعملة). المهم الاساسيات سليمة والحالة العامة ممتازة .

اكشف على الميكانيكا وخاصة الفتيس.

في الاخر التيجو المستعملة زيها زى اى عربيى مستعملة بتشتريها، لو طلعت حلوة هتبسطك ولو طلع فيها مشكلة هتكرهك في نفسك.

ربنا يوفقك للخير وان شاء الله هتلاقى العربية الهتريحك وتعجبك، واى استفسار او مشورة وانت بتشترى انا تحت امرك.لو حابب على الخاص على الموقع اليريحك.

استاذ سيد انا بشكرك علي ذوقك ولهتمانك وربنا يوققك ديما للخير.
ربنا ييسر هحاول اشوف احسن حالة متاحة قدامي لان بقارن بينها وبين عربيتين تانين مختلفين كل الاختلاف عن التيجو وهما الميجان والبيرسونا فربنا ييسر الخير لان اكتر حاجة مخوفاني من التيجو الفتيس الاتوماتيك والافورة في استهلاك البنزين

يا جماعة 165 قراءة ومفيش غير 2 بس الي بيردو
طيب حتي عايز اعرف متوسط استهلاك البنزين في الاتوماتيك كام في الليتر ؟
وياريت الي يعرف اسعار قطع غيار يقلنا علها لاني سمع ان الفتيس الاتو سعرو 15 الف

بص يا باشا انا معايه لانسر و كونت بفكر في التيجو هديك نصيحه لوجه الله عايز اتوماتيك يبقي يباني او الفتيس يكون يباني انسي التيجو اسبرانزا كلهه ماحدش عارف هاتكمل و لا لا يبقي الصح هات جين او بيرسونا استعمال نظيف فتسي يباني مستخدم في لانسر كريستاله و لو باظ هتلا قيه استيراد بلام فارغ ثبات نار نار مع عفشه ملتي لينك ماتور جامدددددددددد انا كونت هجيب الجين او البيرسونا بس لاني نتزوج لايتهم ضيقين شوه علي عيله علشان كده جبت لانسر الي كويس بروتون 85 الف هاتجيب و احده بيرسونا او جين جامده