موضوع جميل بالتوفيق
عرض للطباعة
موضوع جميل بالتوفيق
فكره هايله
الفكرة جميلة و ممكن نستغنى عن جوجل
www.wikimapia.org
و تاخد اللينك و تضعه فى الصفحة
فكرة جيدة لبرنامج جوجل ايرث اللي اقترحها الاخوة بس مش كل الاعضاء ملمين بهذا البرنامج فياريت نبذة ولو بسيطة عن طريقة استخدامه ولكم تحياتي :innocent:
يعني يا جماعه خمس صفحات و مافيش حاجه اتعملت و لا انا مش بشوف
على العموم الي اتعاملت معاهم كالاتي
اولا في فولكس فاجن محمد سمير 0122354589 وراء حديقه بدر جسر السيويس
ثانيا احمد عزت برضه نفس العنوان اسمه فولكس هوم بس نصيحه ماتاخدش قطع غيار من عنده هاتها انت
في الهرم سمكره واحد اسمه عمرو في ابو اتاته
فعلا صعبة أوي حكاية جوجل ايرث دي مش بتوضح اي عنوان
وكمان الملفات باسماء الورش اللي منعرفش اماكنها يعني ممكن بعد مافتح الملف يطلع العنوان بعيد عني جدا...
ياريت يكون الموضوع متقسم مناطق ومذكور في كل منطقة اسامي الورش اللي فيها
مع ذكر العنوان كتابة ووصفا
يا ريت لو حد يعرف مكان ميكانيكية و سمكرية فولكس فاجن بيتلز قديمة يكونوا شطار و عندهم ضمير يقولنا عليهم
و شكرا
بص يا باشا الموضوع جميل اوى اوى وفكره ممتازه بس عندي اقتراح صغير اوي ياريت تتقبله فى جوجل ايرث بالامانه بيطلع عينك علشان تعررف اسم الشارع ايه يعني ممكن حضرتك تعمل تعديل بسيط وتكتب العنوان ويبقي موضوع جوجل ده وصف تأكييدي للعنوان ده اولا ثانيا انا اتعاملت مع ميكانيكيه كتير اوي ده بيان بالميكانيكيه الكويسين والورش بردو :
1- ورشه الجيش المتكامله :دول ممتازين فى السمكره والدوكو ومش حراميه وعندهم جهاز ظبط الشاسيه دخول العربيه عليه والظبط ب 300 جنيه طبعا انت هتدي صف الظابط 20 جنيه هيخليهالك ب 150 جنيه :laugh6: بس دي الحقيقه ...نصيحه مني بلاش تتعامل معاهم فى التكييف خالص لان تقريبا العساكر مبيعرفوش يظبطوا التكييف او داعيين على الشغل بتاعهم او مجرد بيأدو الخدمه العسكريه بتاعتهم ولا ميكانيكا خالص ...يعني من الاخر سمكره ودوكوا وفيبر اكصدامات وريدايتيرات وبس ..ملحوظه بس ملحوظه رخمه شويه لازم تدخل العربيه باسم ظابط لانها لظباط الجيش بس يعني ياباشا لو ليك قريب ظابط جيش خليه يجي معاك بس وهما مش بيشوفوا الرخصه ولا حاجه يعني ممكن تدخل عليهم تقولهم انا النقيب فلان الفلاني وخلاص اشطه بس حاسب لحد يفقسك جوه وتبقي مشكله :laugh6:
2- اعرف ميكانيكي فوق الممتاز وراجل سعره فى الحنين اوى اوى اوى اسمه سعيد ده فى مكرم عبيد وده الوصف بالظبط انت هتدخل شارع مكرم عبيد هيبقي سيتي سنتر على شمالك امشي على طول لحد اول متلاقي يو تيرن شمال ادخل اليوتيرن ده وادخل اول يمين (اليمين مش بعيد عن اليوتيرن يعني من الافضل تاخد يوتيرن وتدي اشاره يمين على طول ) المهم هتدخل فى الشارع ده تمشي لحد اخره وتكسر يمين اخر اليمين ده بقي هتلاقي ورشه سعيد جوه فى عماره انت تركن وتناديله وهو يتعامل بقي :sifone:.
3- الكهربا :فى ورشه سعيد دي فى واحد اسمه محمود ده كهربائى كويس .
ده الى انا اتعاملت معاه لحد دلوقتي بس التكييف بظبطه فى التوكيل بتاعي بالامانه بيظبطوه اخر حاجه
انا كان عندى عربيه بيجو 504 بس انا بعته منذ 3 اشهر قبل القانون الجديد والحمد لله المهم
انا تعبت على اللف على الميكانيكيا علاشان كنت بدور على واحد فاهم فى البيجو لحد ما سالت سائق تاكسى فرشحلى ميكانيكى على كوريش المعادى واسمه احمد لا يعمل الا فى البيجو والحق يقال انهو رجل فاهم فى العربيه ويحب ان يعمل بيد هو وليس الصنيعيه وفى نفس الوقت سعره حنين
عنوانه لا يتوه عرفين مدفن الشيخ او الجنيرال الفرنساوى هو امامه بظبط والعايز يرحله يبعت لى على الخاص وانا هكون معه فى كيفيه الذهب اليه والسلام علفيكم
انا بقترح انا كل ما نضيف حد جديد يتحط في اول صفحة اسم و عنوان ورقم تليفون
انا اتعاملت مع واحد بتاع ريداتيرات كويس جدا وناس محترمة في الزيتون اسمه احمد عيد
وده رقمه 0101689452
السلام عليكم ورحمة الله وبركاتة
أنا أحب أطلب من الشباب المحترمين وبما إنكوا خبرة في مجال السيارات أرجو إفادتي.
أنا عندي سيارة 127 توب ايطالى 4 باب موتور 1050 سى سى وعاوز أظبطها كلياً ، بمعنى عاوز أغيير المساعدين والكبالن والسوست وعلبه الدريكسيون ،.....ألخ ، يعنى عاوز أشتري كل حاجة جديدة وممكن كمان طقم جنوط . وبصرف النظر عن الأشياء الموجوده فيها دلوقتي اذا كانت سليمة أو لاء
علشان كده أنا عاوز منكم النصيحة من حيث نوع وصناعة الأشياء التى سوف يتم تغييرها ، ومقاس الجنوط بحيث لا تؤثر على حاجة تانية ، وياريت عنوان ميكانيكى محترم وخبرة وعنده ضمي.
أنا عندى موقع فيه سكريبت ممكن يتضاف فيه بيانات الورش والحاجات دى بكل سهولة, وفيه إمكانية البحث بالمحافظة والمنطقة وعندى كمان إمكانية إظهار مكانه على جوجل إيرث من غير ما تستخدم البرنامج, بالإضافة لكل ده إمكانية تقييم الورشة وطريقة تعاملهم مع الزباين وأمانتهم بحيث يبقى كل الكلام ده متاح لأى حد بيدور على ورشة مناسبة.
لو مفيش أى مشكلة عند إدارة المنتدى أنا ممكن أشرح كل حاجة عشان الكل يستفيد, ياريت أعرف رأى الإدارة تسمح بنشر عنوان الموقع ولا لا وطريقة استخدامه, وشكراً.
أنا لسة شاري بونتو موديل 2000 عربية تحفة والله المهم صاحب العربية عرفني علي ميكانيكي أستاذ في تصليح الفيات وشغال أصلا في التوكيل أسمة صابر
ورقم تليفونة 0163610448
ممكن اللي عايز يكلمة وهو يشرحلة مكان الورشة فين بالظبط أنا رحتلة بس مش هارف أوصف المكان صح وأي خدمة
:original:
ممكن تقوللولى ورشة الجيش المتكاملة دى فين بالضبط علشان عندى فى الكورولا الاكصدام واقع شوية وعايزة اضبطه او اى حد كويس فى الحرفيين او غيره وانا عايزة مكان قريب انا اسكن فى مصر الجديدة
السلام عليكم
ياريت ياجماعا اللى يعرف الورش دى يقولى ايه رايه فيها اولهم رأفت اللى عند جامعه حلوان وواحد تانى عنده مركز كبير فى حدائق حلوان
ولو فى ورش تانى فى حلوان ياريت تقولولى عليها .. وشكراا
فكرة هايلة وننتظر المزيد منكمك شكرا للجميع
ana hamot wa3mel abwab el optra bttrf3 lfo2 3ayz a3rf el tklfa wl mkan
يا جماعة
الموضوع ممتاز ومهم جدا
وخصوصا للي لسه جايب عربية جديد
بس ياريت يكون في تنسيق شوية
ممكن نقسم الورش إما بالتخصصات (دوكو- سمكرة - كهرباء - تكييف . . . ) أو بالموديلات |( فيات - بيجو - هيونداي . . . )علشان الموضوع يكون فعال ومفيد
وبالمناسبة دي
أنا عرفت عن طريق المنتدى الجميل دة ورشة صيانة لموديلات فولكس واجن وأودي وسكودا وسيات
أقل ما يقال عنهم "ناس محترفين"عارفين شغلهم كويس ومابيفتحوش في حاجة مالهاش لازمة(عندهم ضمير يعني) وعندهم قطع الغيار بأسعار ممتازة
وعلى فكرة هما بيعملوا كل حاجة في العربية (دوكو - سمكرة - كهرباء - تكييف - عفشة - تغيير زيوت - صيانة شاملة . . .)
الورشة إسمها ( ماستر فولكس ) وهي موجودة في أمام مدارس نزلة البطران - ش المجزر الآلي - المريوطية - الهرم
فكرة جاااااامدة اوى بتاعت جوجل دى ياريت نعملها عشان الكل يستفيد
فكرة جيدة جداً ياشباب
ياريت نعمل القائمة ونعرضها على الموقع ويكون فيها تصنيف تبعاً للماركة وتوضيح الورش العادية من مراكز الصيانة وياريت كمان يكون فيه أسعار تقريبية للتكلفة وفقاً لنوع الصيانة والسيارة وده هيكون مفيد جداً.
شكراً لصاحب الفكرة وللجميع.
يا جماعة انا مش عارف أنزل الـ Attachment
ممكن حد يقولي المشكلة فين
أو يبعتلي طريقة التنزيل !!
السلام عليكم
الأخ الفاضل OldVic بعد السلام والتحية أنا بقالي فترة بدور برضه علي محل جنوكط يكون كويس بس بصراحة أنا بدور علي جنط مقاس 15 يكون محترم مش أي كلام مع العلم أني ساكن في وادي حوف (قبل جامعة حلوان) بالنسبة لو حضرتك عايز تركب جنط 16 فيما فوق يبقي عندك أأقرب واحد اللي هو علي الناصية اللي قدام جنينة الحيوان وده أأقرب واحد ليك وبعدين متخصص في المقاسات الكبيرة وأنا رحتله بس للأسف أشكال ال 15 اللي عندة تعبااانه....... ده رقم 1
أما بقي اللي يليه هو أرابكوم اللي في مصر الجديدة ودة بالظبط تفضل ماشي علي الأوتوستراد لحد لما تلاقي النادي الأهلي علي يمينك أول فاتحة شمال علشان ترجع تاني في أول يمين هتلاقي أرابكوم علي شمالك ودة برضة متخصص في ال 16 وخصوصا ال17 وال 18
المقاسات الكبيرة وبرضه للأسف لاقيت أشكال ال 15 عنده محدوده ومش حلوه ولما سألت الأخ الفاضل اللي شغال قالي أن أصلا أشكال ال 15 محدودة ومش كتيرة :11: ..... ده رقم 2
رحت بقي لواحد فاتح قدام أدريان اللي في مصر الجديدة بالظبط أدريان ده قدام البنزينة بتاعة Auto Run اللي ف أول صلاح سالم اللي من ناحية مصر الجديدة علي يمينك وأنت ماشي ... فيه بقي محل صغير كده بتاع كوتشات وجنوط محل صغير محدش ياخد باله منه في الشارع اللي قدام أدريان فبسأله عن جنوط مقاس 15 الراجل بمنتهي الأحترام جابلي كتالوج فيه أشكال كتير لجنوط تحفة وقالي ياباشا الجنط اللي يعجبك من دول شاور عليه وأنا أجيبهولك مقاس 15 مع العلم أن المقاسات اللي في الكتالوج مقاسات كبيرة 16 و 17 بصراحة كان فية أشكال كتير تحفة
ده بقي رقم 3 وبصراحة أنا برضه قلت قبل ما أشتر الف تاني يمكن أشوف اشكال أشد وإن شاء الله هاروح الأسبوع الجاي المهندسين سمعت أن هناك فيه واحد جامد بتاع جنوط وبعدين شارع أحمد سعيد في العباسية ودة آخر حاجة أنا ناوي أرحلها بالمناسبة في واحد برضة في ميدان السواح أسمة الروماني عندة حاجات شديدة وخصوصا عنده جنط نيكل تحفة في منه 15 و 16 وعلي فكرة الجنط دة الوحيد الياباني اللي شفتة
دة بقي من واقع لفي علي الجنوط وإن شاء الله هابقي أأقولك لو فيه أي جديد ول حضرتك أحتجت مني أي حاجة أنا تحت أمرك وده رقمي والإيميل بتاعي ( 0166614206) و
megasmartman@hotmail.com
وأتمني أن لو سيادتك يكون عندك أي معلومه تقدر تفيدني بيها
والسلام عليكم
أسف أني مأخدتش بالي من alignment :majd(4):
شكرا علي تعاون الجميع وننتظر الردود علي الاستفسارات:049:
فكرة أكثر من رائعة
thanxxxxxxxxx
هل يوجد لينك لموقع جوجل ايرث عليها البيانات والناوين بتاعة الورش؟
i cann't find any attachement please tell me about it's path
الموضوع دا كويس جدا ياجماعه خصوصا اللى مش من القاهره بس الموضوع عاوز ترتيب شويه لأن الموضوع ده لو اتنفذ مظبوط حيريح جامد جدا
بس زى ماقلت الموضوع دا عاوز تنسيق شويه....
يعنى الاول كل واحد جرب ورشه ولقاها كويسه وظبطط عربيته يكتبهالنا الأول ويكتب لنا عنوانها ويعرفنا نروحه ازاى
وبعد كده يكتبلنا رقم التليفون بتاع الورشه
بعد كده وصف للورشه دى هى كويسه فى ايه ووحشه فى ايه
وغاليه ولا لأ...........بإيجاز
أما بالنسبة لجوجل
فممكن يتجاب الإحداثيات لمكان الورشه ويكتبهالنا واحنا نجيبها من البرنامج
وممكن يعملنا اتاشمينت فيه صوره من جوجل ايرث ويشاورلنا على مكان الورشه......
بس خلاص كفايه بقى كده :36_1_37[1]:
عندى ليكو واحد بتاع دوكو ملوش حل العربيه بتخرج من عندة اكنها خارجه من المصنع وصنايعى ميه ميه لو حد عايز اى حاجه يكلمنى
فين واسمة اية وعنوانة من فضلك
انا اتكلمت مع مركز صيانه باتعامل معاه وهو هايظبت اى حد شخص تابع لنايل موتورز هو مركز صغير بس تخصص فى العربيات الحديثه وبيتعامل فى العربيات القديمة للمعارف
بيشتغل فى اى حاجه فى الميكانيكا والعفشه
واستاذ فى الانسر والاسبرانزا
مكانه فيصل ادخل شارع العشرين لاخره وبعد كده شمال هتلاقيه تانى عماره على اليمين (اول طريق صفط) الجميل فى الموضوع ان المكان مغلق والعربيه بيشتغل فيها جوه وصنايعى جدا ومعاه مساعد بس روقان وراحه بال وماشاء الله عليه سريع جدا ياعنى مابينامش فى العربيه
لو حد حابب يتعامل معاه يكلمنى او يروح علاطول ويقوله انا صاحب المهندس محمد عزت وهو اسمه على الوزير
وده رقم تليفونى 0125447733
بالنسبه للدوكو واحد ماشاء الله عليه باردوا نفس النظام بيشتغل بايده ومعاه مساعد مكانه فى مساكن عين شمس
خلف مبنى حى عين شمس الجديد اسمه عرفه والمركز اسمه النسر الذهبى بس للاسف مش بيتعامل الا فى السيارات الحديثه فقط
الناس دى بجد اللى طلعت بيهم من كل المراكز والورش اللى اتعاملت معاهم ايام ماكان عندى مكتب ايجار سيارات
ولو حد احتاج اى شىء يخص السيارات انا ممكن ادله واساعده وكتير من الاعضاء بيتصلوا بيا والحمد لله محدش اشتكى من الناس اللى بقوا بيتعاملوا معاهم :verygood:
لقاطنى عين شمس الشرقية و جسر السويس و النزهة الجديدة او اى مكان ولمن يريد ميكانيكى كويس ومحترم و عنده ذمة احسبه كذلك ان شاء الله وبيشتغل فى الأتى:
-الشيفورليت
-الميتسوبيشى
-الهوندا
-الكيا
-الدايو
-الهيونداى
يبعتلى على الخاص وانا هكتب اى معلومات عنه ودى خدمة بعملها لوجه الله تعالى و لا اجنى منها اى منفعة شخصية وانا مجرد زبون بتعامل معاه والله ولى التوفيق...
فى اسكندرية :
حد يعرف بتاع تكييف
أو سمكرى أو ميكانيكى أو أى حاجة