الموضوع: سوزوكي التو و لا عربية صيني

السلام عليكم و رحمة الله
انا كنت عاوز اشتري عربية اتوماتيك و هاتشباك و شايف كلو غالي و اللي يعتبر مناسب سوزوكي التو اتوماتيك او عربية صيني زي جيلي و سينوفا و بريليانس اختار اية ساعدوني
التو و لا صيني .... و لو في نوع صيني مضمون دلوني
مع العلم اني مش بسافر و لا حتي نادرا و مشاويري قليلة جدااااااا
و جزاكم الله خيرا مقدما

المشاركة الأصلية كتبت بواسطة amrnagar

ميزانيتى لا تسمح بأكثر من 97 الف دول الى ممكن استغنى عنهم وبسوق من وانا عندى 11 سنه وكنت مستنى أوصل ل18 سنه بالعافيه واخر. 9 سنين في حياتى بركب اوتو لان ظروف أيام شقاوة المانيوال خلاص راحت انا يوم ما كنت بجرى في طرق فاضيه كنت مش بزود عن 110 دا كان أخرى لكن يهمنى التسارع الانسر 2006 /1300 مانيوال كانت بتعلنى في التجميع ل 120 عربيه عليله معمرتشى معايا شهريين وبعديها ركبت تيوتا اتو 1300 سى سى دى اعلى عربيه ركبتها بصراحه كانت تحفه في التسارع والثبات ولما بعتها مكنتش ناوى اركب عربيات تانى والا مكنتش بعتها دى اكبر غلطه في حياتى لان القياده بقت شيىء روتينى وممل عايز أوصل من النقطه الف الى ب وخلاص وبعد ما صفونى من الشغل بيعت العربيه وقولت إن شاء الله لما اشتغل هشترى كرولا موديل السنه لكن اتصدمت من كمية المحسوبيات والوضع الزباله ..... اسف على التطويل لكن انا عايز عربيه مش هتنقل . بيها كتير وانا بطبعى محافظ على اى عربيه معايا تنقلاتى بسيطه لكن عايز عربيه متعلنيش لو قررت اطلع مشوار طويل ,,سيادتك تنصحنى بأيه جاك 3 مثلا ولا ايه . والشفريليه لانوس ركبتها مع واحد صاحبى وهيا زير على الزراعى على 90 كان الهوا بيوادينا ويجبنا وتكييف يقرف مقارنه بتجربتى لسينوفا تضربها بالجزمه الوحيده الى فكرتنى بمشى الكرولا وحتى استهلاك الوقود مع انها 1500

صاحبى بيعيط دلوقتى بقوله ليه يا ابنى منا مجربها وكانت زى الفل قالى ابتدت تظهرلى مشكله ورا التانيه في السينوفا يا ريتنى ما شتريتها دى عربيه زباله وكل كام يوم اروح التوكيل من طنطا لابو رواش لحد ما طلع عينى اول حاجه بيقولى كل ما احط المفتاح في اكونتاكت اتكهرب اروح ضبطولى الموضوع وبصراحه تحس انهم بيعملوك كملك في التوكيل ولكن ... لكن ايه يا ابنى
تانى حاجه باخد يو ترن بيقولى قرصت سنه بس الكوبلن ضرب راح غير كوبلن وبعدين قالى
السحب بقى مش كويس على الاربى ام الضعيف لازم اكبس بغباء وانا طالع الزراعى والفرامل بقت تصفر مع كل ضغطه وتخيلو بيقولى التيل خلص بعد 10 الاف ك
وابتدا يظهر صوت عالى جداا وتكته وانا سايق ... فأبدأت ادخل على جروب الملاك وفعلا لقيتهم
بيقولوا حاجات زى كده كتير وازيد شويه ... بصراحه صديقى حزين للغايه لدرجة انى بدأت اكره كلمه اى عربيه صيني فعلا تخيلوا دافع تقريبا 95 الف في عربيه جديده ومش ملاحق على مشاكلها ...... انا كنت عايز اشترى زيرو علشان اريح نفسى لفتره لذالك قررت بالمبلغ ده واشترى لانسر 2007 او 2006 على الأقل هشيك عليها واظبطها من ورا اللى كان راكبها مره واحده واخلص وانسى على الأقل هلاقى فلوسى لو حبيت احدث تحياتى
ويا صاحب الموضوع التو ولا حتى 28 احسن لك من الارف بتاع الصينى
تحياتى