-
مشوره محل فى ميدان الجيش
السلام عليكم
كل سنه وانتو طيبين يا شباب
انا مجتاج مشورتكم ضروري
عندي محل فى القاهره وسط البلد تحديدا فى ميدان الجيش هي منطقه تجاريه جدا لو حد يعرفها المحل فى اول الشارع
جنبى مطاعم كبيييره زي بابا عبدو وكافيهات وافران وحواليا كل حاجه..
انا عاوز افتح المحل بس مش عارف افتح ايه لان الشارع فيه محلات كل حاجه اولا وثانيا الشارع موازي لشارع النزهه يعني الشارع الى جنبي وما ادراكم من شارع النزهه ده شارع ده شارع كبيييير وطويل جدا وطول مانا ماشى شمالك ويمينك محلات بتبيع كل حاجه مشيت كتير فيه وكل حاجه مفتوحه وحسيت باحباط عايز افتح المحل ومش عارف افتح ايه اعمل ايه فى المحل ساعدوني ربنا يباركلكم
واحد قريبي قالي افتح منظفات مفيش حد فاتح منظفاط فى المنطقه خالص ولا حتي فى الشارع الى جنبي
بس انا متوقع ان المنظفات مش بتكسب يعني ممكن 2000 مكسب فى الشهر هو 2000 طبعا مبلغ مش وحش وفى ناس فاتحين بيووت باقال من كده انا عارف والله بس انا معايا شريك ولسه شاب عندي 27 سنه وعاوز اكون نفسى واعزروني لجهلي بس محتاج مساعدتكم وافكاركم فى حاجه مناسبه راس المال تقريبا 25 الف
-
مش لازم تفتح حاجة مش موجودة. افتح حاجة موجودة بس اتميز في اسعارك و بضاعتك و أمانتك و معاملتك. ممكن تفتح كاوتش سيارات او ادوات منزلية لو مش موجودين. ربنا يوفقك و يكرمك.
-
-
Svneleven
اشكرك لردك وربنا يباركلك انا فاهم قصدك بس كان في كذا حاجه فدماغي ولما نزلت وشفت ان كل حاجه موجوده وكمان فى اكتر من محل بيبيع نفس الحاجه كل الى كان فدماغي طااار ومبقتش عارف اعمل ايه ومحتار.
Yasser farid
مش عارف انت بتتكلم بجد ولا لاء
بس ياراجل هو فى حد بيسافر يصيف دلوقتي شماسى ايه :D
-
-
انا قولتلكم ان كل حاجه مفتوحه فى المنطقه
انا عايز افتح ايه تاني ويشتغل كويس؟
يعني هابيع حاجه متكرره وموجوده بس ايه الى يبقى عليه طلب ورجل بعيدا عن الاكل والشرب
-
بما أنى كنت ساكن هناك
فأنا رأيي تفتح محل بيع أجهزه كهربائيه ( تلفزيون, ريسيفر, بوتاجازات,....)
و كمان ممكن تعمل جزأ لتركيب الدش و تصليحه
أنا مش فاكر أن فيه محل هناك بيبيع أجهزه , يمكن عامر سعيد ( مش عارف هوا قفل ولا لأ ) بس هوا كان مش شغال أوى
-
Tmhami
متشكر لردك بس الموضوع ده محتاج راس مال كبير وبعدين المحل صغير فاكنت بدور على حاجه يبقى فيها دوره راس المال سريعه لو فاهم قصدي بس فا اديني بفكر وربنا يساهل :)
-
طالما المنطقة تجارية جدا ممكن محل مشروبات تيك اواى بس مشروبات ساخنة وساقعة ( الاتنين )علشان تلاقى اقبال صيف وشتاء
قهوة ( بانواعها ) وباكتات شاى بانواعها ( ينسون وكركديه .. الخ) ونسكافية وكاكاو والعصائر بانواعها سواء فواكه او العصائر التانية زى البوريو والزبادى
المشروع مش محتاج راس مال كبير ومش محتاج بضاعه غالية ومش محتاج مكان كبير بالاضافة ان معظم البضاعة لا تتلف سريعا
اللهم الا الفواكه ودى طبعا بتجيب كميات قليلة فى الاول لحد ما تعرف استهلاكك بالاضافة انك ممكن تشتريها فريش اثناء العمل
طبعا انا بقول مجرد فكرة وفى اعتبارات تانية لازم تسال فيها زى الترخيص والتعامل مع الصحة
وربنا يكرمك ويوفقك
-
Amr.elsayed
فكره جميله يا باشا
بس المنطقه مافيهاش اكتر من القهاوي والكافيهات وقدام المحل فى محل كبير بتاع ايس كريم ومشروبات للاسف
متشكر لرد حضرتك عليا
Content Relevant URLs by
vBSEO 3.6.0 PL2