استشارة في السباكة

**ahmed_eng2001** · 04-01-2016 06:42 AM

المشاركة الأصلية كتبت بواسطة mecha

مواسير 3/4'' اجهادهاا اعلي عشان كدا السباك خايف ليضرب اللحام اللي مش هيتعمل ميه ميه.
وطبع الصنايعي يكيف الامور حسب امكانياته. 3/4" طبعا افضل لمشاكل السدد وعلي سرعة الميه تركب متور.مظنش لو حطيت بيتومين او شيتات هيقدر يمنع ضغط الميه من مسوره.انا افضل المسوره تكون خارجيه
مكشوفه لاي تسريب او اصلاح.

من يومين كان عندى سدد فى المواسير الداخلية للشقة .... و كان نفسى اغيرها كلها من 1/2 بوصة .. الى 3/4 بوصة ... بس لازم اكسر السيراميك علشان اخلى المواسير مخفية جوة الحائط مرة اخرى ... و لكن لم اجرؤ على تكسير السيراميك :(
انا بفضل المواسير انها تكون خارجية لو زهر ... علشان تستحمل ... بس الستات مش بتحب شكل المواسير لو خارجية

**Mecha** · 04-01-2016 08:36 AM

المشاركة الأصلية كتبت بواسطة ahmed_eng2001

من يومين كان عندى سدد فى المواسير الداخلية للشقة .... و كان نفسى اغيرها كلها من 1/2 بوصة .. الى 3/4 بوصة ... بس لازم اكسر السيراميك علشان اخلى المواسير مخفية جوة الحائط مرة اخرى ... و لكن لم اجرؤ على تكسير السيراميك :(
انا بفضل المواسير انها تكون خارجية لو زهر ... علشان تستحمل ... بس الستات مش بتحب شكل المواسير لو خارجية

ازيك با بشمهندس
طبعا متكسرش ، تكلفه ووقت وحل غير جذري وياعالم تلاقي نقشة السيراميك القديم ومونه واسمنت وووووو. وانا شفت سباكبن بيحفر في الطوب عشان يداري المسوره واظن دا يضعف البنا .ومواسير pp لونها اخضر او ابيض جميل.مالها ماسوره تمشي في زاوية الحيط وتندهن لون مماهي للسيرامبك .مالو ورق حاءط يتلف ع المسوره بنقشة السيراميك. .
تحياتي

**ahmed_eng2001** · 04-01-2016 09:17 AM

المشاركة الأصلية كتبت بواسطة mecha

ازيك با بشمهندس
طبعا متكسرش ، تكلفه ووقت وحل غير جذري وياعالم تلاقي نقشة السيراميك القديم ومونه واسمنت وووووو. وانا شفت سباكبن بيحفر في الطوب عشان يداري المسوره واظن دا يضعف البنا .ومواسير pp لونها اخضر او ابيض جميل.مالها ماسوره تمشي في زاوية الحيط وتندهن لون مماهي للسيرامبك .مالو ورق حاءط يتلف ع المسوره بنقشة السيراميك. .
تحياتي

انا تمام الحمد لله .... انت اخبارك ايه ؟

اكبر مشكلة انى مش حلاقى بلاط السيراميك تانى .... ده غير انى حضطر افك المطبخ علشان اكسر تحته .. و الناس مش عاجبها ان المواسير تكون خارج الحيطة اصلا ...ربنا يسهل و اعرف اقنعهم

**amr011111** · 04-01-2016 09:22 AM

المشاركة الأصلية كتبت بواسطة ahmed_eng2001

انا تمام الحمد لله .... انت اخبارك ايه ؟

اكبر مشكلة انى مش حلاقى بلاط السيراميك تانى .... ده غير انى حضطر افك المطبخ علشان اكسر تحته .. و الناس مش عاجبها ان المواسير تكون خارج الحيطة اصلا ...ربنا يسهل و اعرف اقنعهم

لو المطبخ او الحمام اللى عاوز تغير فيهم المواسير على منور او على سلم ممكن تمشى المواسير فى المنور او تكسر فى حيطة السلم من بره وبعدين السباك يحفر بالشنيور لمداخل التغذيه

**A.Saad** · 04-01-2016 10:41 AM

فيه ناس للعزل مخصوص وده الافضل
وفيه سباكين بتعمله
ولو غيرت السباك هيكون افضل

النص بوصة هيديك مياه ضعيفة

**hugan** · 04-01-2016 11:17 AM

المشاركة الأصلية كتبت بواسطة amr011111

استخدم تلات تربع بوصه مواسير بى ار باننجر واعمل الصرف مواسير سمارت ولما السباك يخلص تتصل بالشركه تيجى تعمل اختبار كبس للمواسير وبتاخد ضمان خمسين سنه. وبالنسبه للعزل فيه نوعين فيه شيتات وفيه ناس بتستسهل وبتجيب جردل بيتومين بحوالى ستين جنيه. العزل فايدته ان لو حصل تسريب عندك فالميه متنزلش على الجار اللى تحت وطبعا ده بيحافظ على السقف الخرسانى وعلى الحديد من الصدأ. وساعتها البلاط عندك هيطبل. لو معزلتش العكس اللى هيحصل. المصنعيه بتختلف من مكان للاخر وبالتوفيق

اظن الشريف افضل مياه وصرف
ولا ايه رائيك

**ahmed_eng2001** · 04-01-2016 03:12 PM

المشاركة الأصلية كتبت بواسطة Mecha

باشا، ريح دماغك وخليك في المتاح.مش هتهد الدنيا عشان حتة مسوره قديمه مكتومه شغلانه رزله وهتفتح وتكلف الف مره تمنها بدون داعي.ركب 3/4 '' وضبط الدنيا وعندك تسعميت حجه بالسيراميك وغيره .وركب ورق زينه ملعلط ع المواسير ودمتم .
تحياتي

المشاركة الأصلية كتبت بواسطة amr011111

لو المطبخ او الحمام اللى عاوز تغير فيهم المواسير على منور او على سلم ممكن تمشى المواسير فى المنور او تكسر فى حيطة السلم من بره وبعدين السباك يحفر بالشنيور لمداخل التغذيه

بالفعل يا فندم انا فكرت فى كدة ... بس المشكلة انى حمشى على الحيطة شوية بالمواسير ... فلازم تكون خارجية ... و ده الى مش عاوزينوا فى البيت ( زوجتى ) ...
كان فيه سباك اقترح عليا ان المواسير تمشى فى المنور 3/4 .... و مكسرش فى الحيطة ... و اوصل المواسير ال 3/4 من الخارج بالمواسير 1/2 بوصة قبل ما تدخل الشقى مباشرة !!!!!
طيب كدة عملنا ايه !!!! اقتراح مش حيحل حاجة

علشان منخرجش عن الموضوع كتير .. و الاخ الفاضل صاحب الموضوع يزعل مننا

توكل على الله و ركب 3/4 بوصة .... لازم تركب محبس داخلى رئيسى يفصل المياه عن الشقة كلها
خلى السباك يوصل كل المواسير قبل المحارة و السيراميك .... و يعملها اختبار ضغط .... فيه شركة بتعمل اختبار و تديك شهادة ضمان ... و فيه مكن صغير بيستخدموه السباكين بيتباع فى السبتيه ... بيعمل بيه ضغط ل 100 او 150 رطل على البوصة ..... و يراقب الوصلات كلها لفترة
حاول متخليش الوصلات غاطسة داخل الحيط ... خليها بارزة شوية علشان لو حبيت تغير حاجة مستقبلا
لو عرفت تخلى المواسير خارجية ... و متأمنة و ممسوكة فى الحيط كويس ... حيكون افضل
اعمل مكان للشطاف الخارجى
تأكد على الراجل بتاع السيراميك فى عمل ميل مناسب للسيراميك على البلاعة
ياريت تركب بلاعة بغطاء فى الحمام ... و ياريت بلاعة كمان بغطاء فى المطبخ ... و سيبك من كلام السباكين ان ملهاش لازمة
حاول تخلى مكان تعمل فيع دولاب صغير فى الحمام ... تحط فيه الفوط و ممكن بعض الغيارات

ربنا يوفقك