مشكلة فى فرامل ماروتى 2009

السلام عليكم

انا معايا سيار سوزوكى ماروتى 2009 اشتريتها من سنة تقريبا
من فترة لقيت سحب العربية وحش ولما امشى بالعربية احس انها متكلبشة كانك شادد فرامل اليد نص شدة
رحت للميكانيكى رفع العجلتين اللى قدام وقالى فعلا العجلتين تقال فى اللف
فك ماسورة من ماستر الفرامل لاقها منزلتش زيت قالى الماستر ده لازم يتغير قولتله بس الفرامل كويسه معايا طيب بص ع التيل قالى التيل مليان مفيهوش مشكلة
المهم رحت أجيب الماستر مالقيتهوش والراجل بتاع قطع الغيار قالى صعب ان ماسترلعربية 2009 يبوظ بسرعه كده وقالى على ميكانيكى تانى نروحله .. رحت للميكانيكى التانى فك العجلتين ونضف البساتم بتاعة الفرامل وغيرلها الجلب وبعد كده مشيت بالعربية الوضع اتحسن شوية ... بس تانى يوم لقيت العربية نفس الوضع كأنه معملش حاجة وكنت ماشى مشوار بسرعة 70 وبعدين حطيت ايدى على الطنبور لقيته سخن جدا ولما حطيت عليه ميه لقيت الميه بتتبخر .
هل نجيب الماستر ونغيره وخلاص بس خايف انه ميكونش هو السبب وتمنه 400 جنيه
ولا رأيكم انى فيه سبب تانى هو اللى عامل المشكلة
يا ريت اللى عنده معلومة يقولى لو سمحتم

ممكن الكلابات قافشه
البنوز عاوزه نضافه وتشحيم
لو متخلتش بتغير الكلابات

وممكن يكون الماسورة مسدودة او الكلابات اعتقد من الافضل انه يتفك وتنضف وتجرب

بس متهيالي في الاخر برضو هاتغير الماستر بس لازم تتاكد من دورة الزيت والمواسير شغالة كلها كويس

اقتباس:

---

المشاركة الأصلية كتبت بواسطة pepo2011

وممكن يكون الماسورة مسدودة او الكلابات اعتقد من الافضل انه يتفك وتنضف وتجرب

بس متهيالي في الاخر برضو هاتغير الماستر بس لازم تتاكد من دورة الزيت والمواسير شغالة كلها كويس

---

المواسير مش مسدودة ولما فكيتهم من جنب العجل فضت زيت الفرامل ولما دوست فرامل الزيت كان بيندفع من الماسورة

اقتباس:

---

المشاركة الأصلية كتبت بواسطة abdoelhalawany

المواسير مش مسدودة ولما فكيتهم من جنب العجل فضت زيت الفرامل ولما دوست فرامل الزيت كان بيندفع من الماسورة

---

يبا الميكانيكي كداب؟؟
ومهش مشكلة فرامل خالص

الحل تغيير زيت الفرامل بالكامل عند متخصص و بعد كدا لو العطل استمر يكون العيب من حاجتين
1- ماستر فرامل
2- بستم الفرامل الخاصة بالعجلة اللى بتسخن جامد (امامى او خلفى)

اقتباس:

---

المشاركة الأصلية كتبت بواسطة mecha

يبا الميكانيكي كداب؟؟
ومهش مشكلة فرامل خالص

---

بص هو كلامه ان الماستر بيدى الزيت كويس بس البستم مش بيرجع كله بيكون محمل شوية ع الفرامل

اقتباس:

---

المشاركة الأصلية كتبت بواسطة alking_2006

الحل تغيير زيت الفرامل بالكامل عند متخصص و بعد كدا لو العطل استمر يكون العيب من حاجتين
1- ماستر فرامل
2- بستم الفرامل الخاصة بالعجلة اللى بتسخن جامد (امامى او خلفى)

---

انا فعلا غيرت الزيت
امبارح رحت لميكانيكا تانى قالى التيل الامامى محجر غيرت التيل
فك العجلتين اللى ورا لانهم كانو باردين مش سخنين فقال ان الفرامل بتاعت اللى ورا مش بتمسك فتحميل الفرامل على العجلتين اللى قدام بس فده اللى بيسخنهم
ولما فك اللى ورا لقى التيل متاكل وعامل ريجا فى الطنبور ورحت المخرطة مسحت الطنبور والميكانيكى سنفر التيل اللى ورا وركبه بس قال تبقى غير التيل اللى ورا قريب وقال كمان ان سخونية الجنط دى عادية مش اوفر يعنى
لما مشيت بالعربية الفرامل بقت بتمسك ورا وقدام بس برده محستش ان العربية رجعت زى الاول

هل ممكن تبقى مشكلة حاجة تانية غير الفرامل؟؟
وخايف انى نجيب الماستر وميطلعش هو السبب خاصة ان تمنه 950 جنيه لان بيتباع هو والسرفو مع بعض

اقتباس:

---

المشاركة الأصلية كتبت بواسطة abdoelhalawany

انا فعلا غيرت الزيت
امبارح رحت لميكانيكا تانى قالى التيل الامامى محجر غيرت التيل
فك العجلتين اللى ورا لانهم كانو باردين مش سخنين فقال ان الفرامل بتاعت اللى ورا مش بتمسك فتحميل الفرامل على العجلتين اللى قدام بس فده اللى بيسخنهم
ولما فك اللى ورا لقى التيل متاكل وعامل ريجا فى الطنبور ورحت المخرطة مسحت الطنبور والميكانيكى سنفر التيل اللى ورا وركبه بس قال تبقى غير التيل اللى ورا قريب وقال كمان ان سخونية الجنط دى عادية مش اوفر يعنى
لما مشيت بالعربية الفرامل بقت بتمسك ورا وقدام بس برده محستش ان العربية رجعت زى الاول

هل ممكن تبقى مشكلة حاجة تانية غير الفرامل؟؟
وخايف انى نجيب الماستر وميطلعش هو السبب خاصة ان تمنه 950 جنيه لان بيتباع هو والسرفو مع بعض

---

ياباشا مش الميكانيكي التاني قالك غير تيل خلفي
وقلنا شحم الكلابات, مهي لايمكن هتتظبط لوحدها

كانت عندى المشكلة دى و غيرت الكلاب بتاع الفرامل الأمامية يمين و تم حل المشكلة
العلامة اللى تأكدلك الكلام دا انك تلاقى لما تغير التيل الأمامى تلافى التيل بتاع ناحية متاكل جامد عن الناحية التانية

ملحوظة
الكلاب جبته استيراد ب 75 جنيه
جربت قبل الخطوة دى انى اروح لميكانيكى ينظف و يشحم الكلاب و يغير الأستك الخاص به و كانت النتيجة اسوء من الاول

اقتباس:

---

المشاركة الأصلية كتبت بواسطة alking_2006

كانت عندى المشكلة دى و غيرت الكلاب بتاع الفرامل الأمامية يمين و تم حل المشكلة
العلامة اللى تأكدلك الكلام دا انك تلاقى لما تغير التيل الأمامى تلافى التيل بتاع ناحية متاكل جامد عن الناحية التانية

ملحوظة
الكلاب جبته استيراد ب 75 جنيه
جربت قبل الخطوة دى انى اروح لميكانيكى ينظف و يشحم الكلاب و يغير الأستك الخاص به و كانت النتيجة اسوء من الاول

---

يعني ايه (الكلاب)