عندى مشكلة وعاوز اتاكد منها بخصوص بطارية العربية

**zendo** · 04-01-2016 02:18 AM

الوقتى من سنة ونص كده جبت بطارية جافة اسمها كوبا قعدت شغالة تما م لحد من شهرين فاتو تعمل حركة كده كل عشرين يوم فجاءة تنام وبحس بتعتيلة سنة فى الدوارة والحكاية دى محصلتش الا من بعد ما سافرت بالعربية من شهرين وجيت ابتدت المشكلة دى المهم هى عملت معايا كده امبارح وقومتها بوصلة ومشت والنهاردة عملتها تانى الدوارة كانت بتعتل بس الحمد لله دارت على اخر لحظة ومشيت بيها وشحنت عادى عاوز اعرف بقى البطارية كدة بتودع ولا الدينامو ولا في اية وعندى فيه خشونة كده فى العربية

**Mecha** · 04-01-2016 03:02 AM

هتشيك علي شحن الدينمو والسير والقواطيش
لو كلو تمام ، غير البطاريه

**zendo** · 04-01-2016 03:43 AM

المشاركة الأصلية كتبت بواسطة mecha

هتشيك علي شحن الدينمو والسير والقواطيش
لو كلو تمام ، غير البطاريه

انا شيكت على القواطيش والارضى وتمام بس سير المجموعة عندى مشقق ومن اول ماجبت العربية مغيرتوش هل ممكن يعمل المشكلة دى

**pepo2011** · 04-01-2016 08:03 AM

المشاركة الأصلية كتبت بواسطة zendo

انا شيكت على القواطيش والارضى وتمام بس سير المجموعة عندى مشقق ومن اول ماجبت العربية مغيرتوش هل ممكن يعمل المشكلة دى

لا سير المجموعة مالهوش دعوة الاول تروح لكهربائي يقيس الشحن وبعد تشوف اذا كان دينامو ولا بطارية

**rotanamasoud** · 04-01-2016 04:34 PM

لو لاقيت كل حاجه تمام اشحنها كويس على التونجر(المعلومه دى من بتاع البطاريات ومش متاكد من صحتها ان البطاريه الجافه لو فرغت عمر ما الدينمو يظبطها وتعمل مشاكل لاكن لو شحنت شحنه مظبوطه من التونجر تكمل عادى)

**fathiazab** · 04-01-2016 05:42 PM

الكلام السابق صحيح ..من كام يوم البطارية عملتها معايا نفس اللي حصل معاك..روحت لكهربائي وقاس شحن الدينامو طلع تمام...روحت لبتاع البطاريات لقى البطارية لا تستقبل كهرباء من الدينامو ..قالى كدة البطارية شكرا...فروحت لمكان محترم اديته القديمة واخدت جديدة وكتبت التجربة في المشاركة من يومين