الافادة فى اختيار موتور مياه و اوتومتيك

**checo4lamor** · 04-01-2016 06:33 PM

بسم الله الرحمن الرحيم

لو سمحت يا جماعة انا ساكن فى الدور ال7 و عندى موتور صينى 3/4 و للاسف اتحرق بسبب انى نسيتو مفتوح و مفيش عليه اوتومتك لان ايام ما كنت بركبو كان الاوتومتك الموجود وقتها يعتبر مشروع فاشل و مش بينجح لما تكون المية ضعيفة فا انا حاليا بفكر اشترى موتور جديد هل فى اقتراحت مع العلم انى شالت و لقيت المواتير الاتية هل ممكن اعرف افضل حاجة فيهم ايه طبعا الكلبيدا غالى جدا فا صعب انى اشتريه

ماتركس : 750

رفائولو : 750

منترا : 800 و عليه ضمان صيانة لمدة 5 سنين على كلام البائع انه لو حصلو اى حاجة على مدار ال 5 سنين هيتم عمل الصيانة مجانا و لكنى شاكك فى الموضوع ده لانى سالت فى محلات تانى كتير و كل الناس قالولى ان مفيش حاجة اسمها كده

ياريت تفيدونى هل المركات دى ايطالى فعلا و ايه افضل مركة فيهم

**ahmed_eng2001** · 04-01-2016 07:18 PM

انصح حضرتك بتركيب موتور اقوى شوية عن ال 3/4 حصان ... و اسأل عن ال 1 و 1/2 حصان ...

الاوتوماتيك بيحتاج يتنضف كل فترة ... و بتعرفه لما يتأخر فى فتح و قفل الموتور بالرغم من انخفاض او ارتفاع الضغط
فيه نوع ايطالى كان فى السوق ... شغال معايا من اكتر من 3 سنوات

فيه كمان حاجة اسمها فلوك .... انا مجربتوش ... بس الناس بتشكر فيه و مفيد فى حالة انقطاع المياه

**checo4lamor** · 04-01-2016 11:44 PM

المشاركة الأصلية كتبت بواسطة ahmed_eng2001

انصح حضرتك بتركيب موتور اقوى شوية عن ال 3/4 حصان ... و اسأل عن ال 1 و 1/2 حصان ...

الاوتوماتيك بيحتاج يتنضف كل فترة ... و بتعرفه لما يتأخر فى فتح و قفل الموتور بالرغم من انخفاض او ارتفاع الضغط
فيه نوع ايطالى كان فى السوق ... شغال معايا من اكتر من 3 سنوات

فيه كمان حاجة اسمها فلوك .... انا مجربتوش ... بس الناس بتشكر فيه و مفيد فى حالة انقطاع المياه

شكرا اوى يا باشا و فى انتظار رد من باقى الاعضاء

**abokoko** · 05-01-2016 12:08 AM

كالبيدا هو الافضل يعيبه سعره العالي
عندي داب ايطالي ممتاز بقاله اكتر من 7 سنوات بدون شكوي
انا مش مركي اتوماتيك الفصل
مركب مفتاح عادي اسود كان ب35 جنيه وركبت عوامه وغيرت لها الكاوتش وبعدين غيرت العوامه بواحده جديده نوع تيوبلس
لكن انا مركب مفتاح فصل كهربا. لما بنطلع مشوار او نسافر او نروح الشغل او قبل النوم بنفصل الموتور منه

**Elawany13** · 05-01-2016 07:43 AM

انا لسه شايل الكالبيدا من عندى 3/4 حصان بدون تحضير ذاتى
وركبت صينى بتحضير ذاتى 1 حصان سعره 480 جنيه وده انظف حاجه فى الصينى لاقيته على بالونه واتوماتيك بقالهم عندنا اكتر من 20 سنة
وبسم الله ماشاء الله مشكلة وقرف المياه اللى بعانى منه بقالى سنين صيفا وشتاءا اتحلت تماما