الموضوع: مغامرة حقيقية فى اقدم كهف فى صحراء مصر الشرقية بالتفاصيل والصور والفيديو

المشاركة الأصلية كتبت بواسطة hobiko

تسلم ايديك يا مصطفى ........ انا كالعادة اعمل لايك الأول و بعدين اقعد اقرا الموضوع على رواقة :)

فى السعودية عاملين برنامج اسمه ....... اكتشف السعودية

مذيع و معاه فريق مصورين كل يوم يعملوا مغامرة زى ديه و يروحوا مكان جيد فى السعودية

عايز اقولك ...... الأماكن اللى هناك لا تقارن اصلا بحجم الأماكن اللى فى مصر و جمالها و روعتها

ليه احنا مانعملش برنامج زى ده .......... او حتى قناة تلفزيونية كاملة ....... كلها برامج عن السياحة و الأماكن الجميلة فى مصر ...... و تتذاع بعدة لغات جمب العربى عشان نوصل لأكبر عدد من الناس حول العالم

الأفكار كتير اوى بس اللى ينفذ

ياريت والله يتعمل برنامج ذى دة فى مصر

احنا عندنا فوق 25 محمية طبيعية وكلهم اجمد من بعض بس للاسف مفيش عندنا اهتمام بسياحة المغامرات

انا بتكلم على الناس العادية انا وانت وغيرنا

شوية اهتمام بس من الدولة وان شاء الله تظبط

المشاركة الأصلية كتبت بواسطة Abdm

بصراحه موضوع مثير لكن أنا منبهر جدا بجرأتك على أقتحام أماكن سواء أنت لواحدك أو معاك بعض الآصدقاء لكن أكيد كنت معاك وسائل دفاعيه عن النفس لصد أى هجمات من حيوانات أو عدم خوفك من أماكن مهجوره من الممكن أن تكون ساكنه بالجن لكن مع ذكر الله ربنا هو الحافظ لكن كان فى خطوره كبيره جدا وشكلك متأثر بأفلام الرعب الآمريكى وكمان أذاى مش كنت خايف تتوه فى الصحراء أو تعرض نفسك لمسئوليه أمنيه أو خلافه . موضوع مقلق جدا لكن بالتأكيد الموضوع مفتقد لكيفيه الوصول لهذا المكان وهل هناك بشر هناك وهل كان معك أصدقاء أو وسائل تأمين لكم نريد مزيد من الشرح والتفاصيل وشكرا على سردك الموضوع

1 - مكانش معانا اى وسائل دفاعية ولا حاجة
2 - كل اللى كان معانا فى شنطة العربة هيا شنطة اسعافات اولية فقط
3 - واحنا نازلين الكهف فى الظلام الدامس كنت مقلق شوية بس من الحشرات مش من الجن
4 - انا مش متأثر بافلام رعب ولا حاجة بس انا بصفة عامة بحب خروجات المغامرات والتحدى ومليش فى جو ستى ستار ومول العرب وملاهى 6 اكتوبر والكلام دة
5 - كل شبكات المحمول بتقطع وكل برامج gps مبتنفعش جوة الصحرا وجربتها
6 - اعتمادى كلة على ذاكرتى الطبوغرافية وبرنامج الجوجل ايرث علما بان النظر على الخريطة شيى والسير على الارض شيى تانى

والصورة دى احدى صور المحاولة التانية الفاشلة بعد ما توهنا فى وديان الصحرا الشرقية ولو عرفت تشوف عربيتى واحنا واقفين جنبها فى الصورة فى اول ثانيتين يبقى انت قوى الملاحظة علما بان الصوة دى كانت قبل غروب الشمس بساعة والليل نزل علينا وطلعنا نص المسافة فى الظلام الدامس