تشحيم بلية الدبرياج

**tamim** · 24-11-2008 02:10 PM

فى الجرارات الزراعية لما الفتيس يتقل بروح اشحم بلية الدبرياج بعديها النقلة بتبقى اسهل
السؤال بقى البلية بتاعت العربية المفروض بتشحم انا عندى فى العربية فتحة عند الدبرياج بس مش عارف دى فتحة تشحيم ولا ايه؟؟؟

**ahmedsrs** · 25-11-2008 08:33 AM

بلية الدبرياش بيبقى فيها حز صغير داير ميدور البلية من الداخل متعرفش توصله الا لما تحل الدبرياش والبلية كمان ومش معقول هحل الموتور ودفع مصنعية 100 جنيه عشان اشحم البلية

**tamim** · 25-11-2008 10:11 AM

انا مبقولش الفتيس يتفك
البلية تشحم عادى من الفتحة دى زى ما بعمل فى الجرار ماهو اكيد العربية كده برضه
وعلى العموم دى صورة الدبرياج فى عربيتى

**ahmedsrs** · 25-11-2008 04:11 PM

الله واعلم انا لسة مغير طقم دبرياش كامل فى عربيتى 125 وتعتبر قريبة الشبه بعربيتك ولما سالت الميكانيكى عن تشحيم البلية قالى الكلام الى انا قلته فى الأول وورانى البلية ومكان الشحم

**tamim** · 25-11-2008 05:11 PM

على فكرة العربية جر امامى
والغطاء الاسود البلاستيك اللى فى الصورة بيشال وتحت الغطاء ده علطول البلية
بس مش عارف برضه ممكن يكون الشحم المفروض بيسقط على البلية
مستنيين حد يأكد المعلومة

**tamim** · 28-11-2008 10:02 AM

عايزين نعرف المعلومة دى بقى يارجالة

**tamim** · 04-12-2008 11:22 AM

معقول ياجماعة الموضوع يعدى كده ومنعرفش حاجة مهمة زى دى؟؟؟

**Nissan** · 05-12-2008 08:39 PM

بسم الله الرحمن الرحيم
أخى الفاضل من غير المعقول ان تقوم بفك الفتيس لكى تقوم بتشحيم بلية و حتى إن كانت تشحم
بلية الدبرياج لا تشحم إطلاقا و لكن الفتحة الموجودة بين المحرك و الفتيس لتوضيح الحدافة أو الفلام و ذلك لوجود علامات ترشدنا على مكان عمود الكرنك عند تغيير سير الكاتينة و ضبط وقت فتح الصمامات و ايضا تدلنا على توقيت الشرارة الصحيح

**tamim** · 05-12-2008 09:39 PM

شكرا يااستاذ nissan على ردك
الفتحة اللى بتوضح الحدافة دى الفتحة اللى الغطاء بتاعها اسود ومستطيلة بس انا ما اقصدش الفتحة دى
انا اقصد الفتحة المدورة المشار اليها بالسهم