خليها تصدي

**mmtronic** · 09-01-2016 02:55 PM

المشاركة الأصلية كتبت بواسطة dede_dodo88

بجانب انخفاض سعر الجنيه, ارتفاع تكلفة الاستيراد و صعوبة توفير العملة من الاساس لسداد مستحقات الموردين. دي اسباب كافية للمستوردين انهم ينقلوا الزيادة السعرية دي للمشتري و الا الموضوع هيقلب بخساير معاهم..
الموضوع مش مجرد سعر الدولار و لا اليورو بقى بكام النهاردة, في تكاليف و صعوبات تانية عمالة تزيد على المستوردين..

صعوبه توفير العمله مهو بيشترى سوق سوده و على فكرة متوفر بالسوق السودة يبقى نرجع و نقول هوه الدولار كان بكام و بقى بكام حتى لو سوق سودة - و بعد ازنك ايه هيه تكلفه الاستيراد الى ارتفعت من مارس حتى نوفمبر

متشرحلنا حضرتك بالتفصيل يمكن نكون فاهمين الموصوع غلط و لو انى معتقدش اننا فاهمينه غلط بس خلينا مع بعض كده واحدة واحده

مثال صغير

الهيونداى الاى تن الجراند الخليجى بكام و فيها ايه قصاد المصرى الى بيوزعها غبور - دى برضو صعوبات و عمله ؟

**dede_dodo88** · 09-01-2016 05:44 PM

المشاركة الأصلية كتبت بواسطة mmtronic

صعوبه توفير العمله مهو بيشترى سوق سوده و على فكرة متوفر بالسوق السودة يبقى نرجع و نقول هوه الدولار كان بكام و بقى بكام حتى لو سوق سودة - و بعد ازنك ايه هيه تكلفه الاستيراد الى ارتفعت من مارس حتى نوفمبر

متشرحلنا حضرتك بالتفصيل يمكن نكون فاهمين الموصوع غلط و لو انى معتقدش اننا فاهمينه غلط بس خلينا مع بعض كده واحدة واحده

مثال صغير

الهيونداى الاى تن الجراند الخليجى بكام و فيها ايه قصاد المصرى الى بيوزعها غبور - دى برضو صعوبات و عمله ؟

مثال, غبور مش هيروح لهيونداي كوريا يقولهم ابعتولي شحنة العربيات الفلانية على مصر و آدي اهو 5 مليون دولار على الترابيزة.. عمليات الاستيراد اللي على المستوى ده مبتمشيش كده, الموضوع لازم بيتم خلال التعامل بين بنك كل طرف, المورد و المستورد, بالاضافة لبنوك وسيطة في النص تضمن صحة الشحنة, الموضوع بيتم عن طريق حسابات مفتوحة او مستندات تحصيل و اعتمادات مستندية و دي تكلفتها بتبقى خزعبلية فوق ما تتخيل.
افتراض السوق السوداء كان هيبقى ليه معنى لو مكنش متطبق حد اقصى لايداعات العملة في البنوك, لكن بوجود حد اقصى للايداع 50k$ في الشهر فاللي معندوش دخل بالعملة كدة كل سنة و انت طيب ده بقى تحت ضرس البنك المركزي لما يعرف يدبرله عملة تغطي عملياته الاستيرادية..

**mmtronic** · 09-01-2016 06:05 PM

المشاركة الأصلية كتبت بواسطة dede_dodo88

مثال, غبور مش هيروح لهيونداي كوريا يقولهم ابعتولي شحنة العربيات الفلانية على مصر و آدي اهو 5 مليون دولار على الترابيزة.. عمليات الاستيراد اللي على المستوى ده مبتمشيش كده, الموضوع لازم بيتم خلال التعامل بين بنك كل طرف, المورد و المستورد, بالاضافة لبنوك وسيطة في النص تضمن صحة الشحنة, الموضوع بيتم عن طريق حسابات مفتوحة او مستندات تحصيل و اعتمادات مستندية و دي تكلفتها بتبقى خزعبلية فوق ما تتخيل.
افتراض السوق السوداء كان هيبقى ليه معنى لو مكنش متطبق حد اقصى لايداعات العملة في البنوك, لكن بوجود حد اقصى للايداع 50k$ في الشهر فاللي معندوش دخل بالعملة كدة كل سنة و انت طيب ده بقى تحت ضرس البنك المركزي لما يعرف يدبرله عملة تغطي عملياته الاستيرادية..

و ايه الى جد جديد ما هما طول عمرهم بيستوردو بالشكل ده - الى فرق سعر العمله ؟ و توفيرها ؟ يبقى نرجع للمربع صفر العمله بكام ؟

يا باشا - الحرامى لما بيجى يسرق بحط لنفسه ميت مبرر علشان يبرر سرقته