من 3 أيام كده
سمعت عن حملة خليها تصدي على الفيس
و وصل الناس فيها لحوالي 240 ألف
ممكن أعرف رأي الناس فيها
و هل ممكن نحوله بتكاتفنا لحركة مجتمعية
نضغط بها على التجار و على الإرتفاع الجنوني في الأسعار
عرض للطباعة
من 3 أيام كده
سمعت عن حملة خليها تصدي على الفيس
و وصل الناس فيها لحوالي 240 ألف
ممكن أعرف رأي الناس فيها
و هل ممكن نحوله بتكاتفنا لحركة مجتمعية
نضغط بها على التجار و على الإرتفاع الجنوني في الأسعار
والله المفروض برضه الحملة تكون ضد المستعمل برضه مش الجديد بس اصحاب العربيات المستعملة بقوا طماعين اكتر من التجار اللي شاري فيرنا مثلا ب 60 النهاردة عايز يبيعها ب 75 علشان لما يشتري عربية اعلي ميبقاش الفرق عليه كبير ياخد الفرق من اللي هيشتري عربيته القديمة محدش بيبيع بما يرضي الله
يا جماعة بمجرد ما تنزل أسعار الجديد مباشرة هتلاقي المستعمل سعره نزل
طيب يا جماعه ياريت كلنا ندعم #خليها_تصدى
بس ايه رأيكم ازاي تحولها لحركة جماعية مؤثرة فعلا
متهيألي لازم كلنا ندعو للموضوع ده
لأن بصراحة الأسعار و الإستعانة بالعميل و الخدمات بقت فوق السيئة
و بشوف على المنتدى شكاوي في جميع الأقسام في الموضوع ده
السلام عليكم ورحمة الله وبركاته انا معاكم خليها تصدى وياريت كمان لتجار الخضار والفاكة واللحوم يعنى كل المواد الغزائية برضة حملة تانية ونقول خليها تعفن لكل المستغلين والطماعين ربنا ينتقم منهم
لا مش مع الحملة طبعاً لأن زيادة اسعار السيارات مبررة و منطقية بالنسبالي.
لكن الحملة ممكن تكون ضد مستوى خدمات ما بعد البيع من خدمة العملاء و الصيانة اللي مستواهم سيء و لا يتناسب مع اسعارهم..
والله يا فندم انا استفزنى تعليقك مع احترامى ليك
ممكن اسال حضرتك سؤال
هوه ايه الى مبرر بالنسبه لزياده الاسعار - هيه السرقه و الاستغلال بقو مبررين ؟!
مثال
رينو ستيب واى
سعر للوكيل فى مارس 116000
سعر الوكيل فى نوفمبر 130000
سعر المعارض فى مارس 122000
سعر المعارض فى نوفمبر 142000
هوه الدولار زاد قد ايه علشان يحصل الفرق ده ؟!
مثال اخر
لما ال i10 تزيد نن 104000 الى 114000 و من 109000 للى 120000 لا و بتنزل من غير ايموبيليزر
امثله كتير - و الدولار سبب ده كله - هوه زاد قد ايه ؟!
بجانب انخفاض سعر الجنيه, ارتفاع تكلفة الاستيراد و صعوبة توفير العملة من الاساس لسداد مستحقات الموردين. دي اسباب كافية للمستوردين انهم ينقلوا الزيادة السعرية دي للمشتري و الا الموضوع هيقلب بخساير معاهم..
الموضوع مش مجرد سعر الدولار و لا اليورو بقى بكام النهاردة, في تكاليف و صعوبات تانية عمالة تزيد على المستوردين..
صعوبه توفير العمله مهو بيشترى سوق سوده و على فكرة متوفر بالسوق السودة يبقى نرجع و نقول هوه الدولار كان بكام و بقى بكام حتى لو سوق سودة - و بعد ازنك ايه هيه تكلفه الاستيراد الى ارتفعت من مارس حتى نوفمبر
متشرحلنا حضرتك بالتفصيل يمكن نكون فاهمين الموصوع غلط و لو انى معتقدش اننا فاهمينه غلط بس خلينا مع بعض كده واحدة واحده
مثال صغير
الهيونداى الاى تن الجراند الخليجى بكام و فيها ايه قصاد المصرى الى بيوزعها غبور - دى برضو صعوبات و عمله ؟
مثال, غبور مش هيروح لهيونداي كوريا يقولهم ابعتولي شحنة العربيات الفلانية على مصر و آدي اهو 5 مليون دولار على الترابيزة.. عمليات الاستيراد اللي على المستوى ده مبتمشيش كده, الموضوع لازم بيتم خلال التعامل بين بنك كل طرف, المورد و المستورد, بالاضافة لبنوك وسيطة في النص تضمن صحة الشحنة, الموضوع بيتم عن طريق حسابات مفتوحة او مستندات تحصيل و اعتمادات مستندية و دي تكلفتها بتبقى خزعبلية فوق ما تتخيل.
افتراض السوق السوداء كان هيبقى ليه معنى لو مكنش متطبق حد اقصى لايداعات العملة في البنوك, لكن بوجود حد اقصى للايداع 50k$ في الشهر فاللي معندوش دخل بالعملة كدة كل سنة و انت طيب ده بقى تحت ضرس البنك المركزي لما يعرف يدبرله عملة تغطي عملياته الاستيرادية..