الموضوع: الحل - لمبة التشيك إنجين نورت - إلنترا 2009 خليجى

http://www.nilemotors.net/Nile/386156-2009.html

المشاركة الأصلية كتبت بواسطة xero4zero

السلام عليكم جميعا

عربيتى إلنترا 2009 خليجى فجأة نورت (وفضلت منوره بدون تقطيع مش بتطفى و تنور) و أنا ماشى من حوالى 3 أسابيع روحت مودرن سيرفيس (ش جوزيف تيتو عند السندباد) كشف بالكمبيوتر كان ال error :
evaporative emission system high purge flow
وطفا اللمبه وقاللى إن دى حاجه مؤقته بسبب بخار البنزين اللى عامل ضغط فى الموتور ... ولو نورت تانى تعالى لنا ... إمبارح بس ... اللمبه نورت تانى ؟؟

حد عنده تجربة ناجحة فى الموضوع ده ؟؟ أو فاهم يعنى إيه ال error message دى أو إيه المفروض يتعمل ؟؟؟ وهل فيه خطر الواحد يمشى بيها كده ؟؟

مشكورين جميعا و آسف للإطاله

الحل

للإفاده ... كل اللى أنا عملته فوق فى البوست الأصلى ما عملش حاجه و اللى نجح الآتى

الباشمهندس العبقري وليد في مودرن سيرفيس ربنا يباركله .. روحتله مستعجل قاللي سيبنى لقيته عمال يدور على حل على الكمبيوتر أو النت و بعدين بعد حوالى ساعة و نص قاللى فيه جزء عاوز يتغير (بلف الكانستر - Canister Valve) بس هو مش موجود و حيجيبوه مستعمل ... ركبته بعد شهر و اللمبه طفت و أستهلاك البنزين بقى أقل و اللى فهمته أن وظيفته هو تجميع بخار البنزين من الموتور و إعادة إستخدامه وواضح إن القديم كان مش بيؤدى وظيفته عشان كده لمبة التشيك إنجين نورت و رسالة الخطأ دى ظهرت evaporative emission system high purge flow

ربنا يباركلك يا باشمهندس وليد