محتار بين عربيتين الاسكودا فليشا والبيجو 504

السلام عليكم لو سمحتو انا محتار بين عربيتين الاسكودا فليشا والبيجو 504 وعايز اعرف انهى العربيه الاحسن فى كل شيئ وخصوصا ان الصفر حيكون بيهاكتير .وشكرا






تم تعديل العنوان ليتناسب مع المحتوىوالنقل لقسم المقارنات
م.ع 7

بئأ دا كلام !!!

و لا علشان السعر قريب يبقى ينفع يتقارنو...طيب انت شفت فيليشيا شغالة فى موقف بقالها 40 سنة و لا حتى 4 ايام ؟!

عامة لو ناوى ان شاء الله على ال504 خلى بالك جدا من الكارونة و الموتور لان قطع غيار العربية المحترمة بتشح و غالية

الكارونة لو فيها مشكلة هتدوخ عليها دلوقتى و مش هتلاقى حاجة نظيفة الا بالعافية ممكن تروح بلبيس علشان حاجة زى كدة...و الموتور معمر جدا بس لو هيحتاج عمرة كاملة هتتكلف 6 آلاف جنيه و يرجع زى ما خرج من المصنع

يعنى حضرتك ياهندسه .ترشح البيجو .مع انها قديمه قوى ..وكمان معنى كلامك ان لو العربيه عامله عمره دا يبقي كويس .صح يعنى اخلينى فى الببجو .اكيد .وعلى فكره انا من الشرقيه

وحاجه تانيه ازاى اعرف ان الكرونه تمام.وكمان ياريت تنصحنى بموضوع التكيف فى 504

ما هو أصل الفيلشيا برضه مش جديدة اوى

و بعدين العربية حديد ...لو الحديد مافيهوش بارومة ....يبقى كلمة قديمة تنحصر فى سنة التصنيع أو تكنولوجيا العربية...و دى ما تهمكش فى حاجة طالما هتاخد أداء من العربية....و فى عربيات منها بتشوفها ربنا يبارك لاصحابها كأنها خارجة من المصنع

موتور 2000 سى سى كاربيراتير - يقبل بنزين 80 - عفشة ناعمة و قوية فى وقت واحد - عالية عن الأرض - بساطة فى التصميم و الصيانة - سعة صالون و شنطة ممكن تخبى فيهم عربية

الشرقية من معاقل البيجو فى كل حاجة....صيانة ...تصليح قطع غيار ....سرقات ههههههه كل حاجة

الكارونة تاخد معاك ميكانيكى يكشف عليها و على العربية بوجه عام ...واوعى واحد يكون حاطط لك زيت جديد لحظة الكشف...لان دا مش بيكشف المكنة كويس ....و سيبها دايرة كتير و انت بتكشف عليها.....لو بياع غشاش ممكن يحشى الكارونة ردة....أيوة الردة بتاعة العيش ههههههه ......و يسيبك تغمس بعد كدة.......و الغرض علشان لو فيه ونة فى الكارونة صوتها ما يظهرش

بالنسبة للتكييف العربية فيها مكيف على ابوه و ممكن انت تكيفها ,,,و شاهر واحد فى الموضوع دا المراكبى فى شارع جسر السويس.....بيتكلف فى حدود 3000 جنيه

ربنا يوفقك و يبارك لك فى اللى هتجيبه إن شاء الله

٥٠٤ بس تحاول تستنضف العربيه قوي
خاصه ان الفليشيا مش العربيه الجامده اللي ممكن يكون ليها افضليه عن البيجو
وان كنت افضل الشاهين وتكون موديل عالي وحاله نضيفه عن الاثنين

والله يامهندس احمد انتا طمنتنى بجد وخلتنى افضل عند قرارى على البيجو ان شاء الله .وخصوصن اننا محتاجها فى مشاوير كتير وبعيده ونا شاكر ليك بجد.بس معلش برضو ايه رئيك فى الفيات سيينا .ياريت برضو تعرفنى بيها .ههههه .وكمان تقارنها ب504 ونا اسف للأطاله

وياريت كمان الفيات بيترا .وأسف مره تانيه

الفيات بترا مع زميل لى فى الشغل طلب منى كتالوج ليها قعدت ادور عليه مالقتهوش خالص و عربية نادرة جدا و دى أخدها فى حالة واحدة بس ، لو سعرها واقع علشان ، لو حبيت ابيع بعد كدة ان شاء الله او حتى ارميها ما يبقاش فيه خسارة...هوخدها ب 23 الف بس و دى سوقها ازيد من كدة ب 10 آلاف لظروف خاصة للبائع

السيينا اللى اسمعه عنها مقرفة جدا فى صياناتها علشان حوض العربية كنز و ممكن تدخل على قسم فيات تعرف عنها معلومات اكتر....بس

رانج التلاتينات دا فى عربيات كتير فيها طلبك

504 او 405
مرسيدس
شاهين
تمبرا

لاحظ انك بتختار عربية و بتختار برضه ظروف عربية....مين هيصلحها لك و هتجيب قطع غيار منين و بكام و مصنعية اللى بيصلح لازم تراعى العوامل دى مش بس عربية