ارجوكم .. الرطوبة بهدلتلي الشقة اللي مكملتش فيها سنة

**mohawebas** · 06-01-2016 12:02 AM

السلام عليكم

كما موضح بالعنوان يا جماعة انا الشقة اللي ساكن فيها شاريها من ناس هي قديمة مباني ثمانيات في الدور الرابع .. كانت الحيطان لما اشتريتها متبهدله كلها الرطوبة مبوظاها

جبت نقاش وقعد فيها كتير اوووي وحط مواد عزل وسيلر ومعجون اسمنتي وحاجات كده مبفهمش فيها بصراحة وقالي تمام وانسي

عدي شهر واتنين و5 والدنيا تمام وفجأه وانا معدي في الصالة لقيت المنظر ده

زي مانتو شايفين .. الارتفاع حوالي متر .. يا تري هل دا بسبب ..

سوء تعامل النقاش مع الرطوبة الموجوده اساسا ف رجعت تاني ؟ لأن المنطقة عندي الرطوبة فيها عالية جدا والجزء دا بالذات وانا بشتري كان متبهدل رطوبة

ولا دا عيب في الحيطة ولا دا تسريب ولا ايه سببه ؟؟ وليه انا حاسس انه بيزيد وبيتفرد مع الوقت

والاهم بقي ايه علاج الكلام دا .. تخيلو انا صرفت قد ايه وتعبت قد ايه عشان بعد كام شهر الاقي المنظر دا .. بالله عليكم اللي يقدر يفيد يقولي اعمل ايه

**mr_green** · 06-01-2016 08:09 AM

مبدأيا ربنا معاك و يعوضك خير

شوف - أنا الصور مش ظاهره عندى دلوقت بس لو الرطوبة فى الحيطان مش فى السقف يبقى إمشى معاها و شوف أكثر مكان فين أكيد بالقرب من الحمام أو حمام الجار و ساعتها حلك إنك تصلح تسريب الماء أولا

مهما عزلت الماء هايفضل موجود لو ماتصلحش و هايلف و يطلع فى أى مكان فى الشقه

يبقى أولا تصلح التسريب ثانيا العزل السليم

العزل الصح بقى فكك تماما من كلام النقاشين بالسيلر و معجون مش عارف إيه و الكلام ده

إطلع على كيماويات البناء الحديث و قوله هايديلك ماده عازله محترمه و دمتم

لكن لازم تصلح التسريب و تصبر فتره حلوة بتاعت الصيف على ما كل الماية تنشف عشان متطلعش فى حته تانية

**ahmedwagdy03** · 06-01-2016 08:45 AM

لازم توضح إيه اللى خلف الحائط . حمام أو مطبخ أو صرف غسالة . هل الرطوبة فى هذا الحائط فقط أو فى الحوائط الأخرى من الغرفة .

100% طالما مافيش رطوبة من أعلى الحائط يبقى مش تسريب من الجار .

لازم تعرف سبب الرطوبة قبل أى علاج .

**megaarts** · 06-01-2016 10:58 AM

لو في حمام خلف الحيطه دي يبقا اكيد في مشكله في العزل بتاعه وهو الي محتاج يتعزل كويس و مهما عملت في الحيطه الي في الصوره المشكله مش هتتحل

**hugan** · 06-01-2016 08:42 PM

لو رطوبه قديمه مالهاش علاج غير ان المحاره تتكسر وتتعمل من جديد
اي حل تاني مالوش لازمه
ومصاريف علي الفاضي
لو جديده والحوائط منشعه وطريه
يبقي لازم تعالج سبب النشع الاول
وبعد كده بردو تكسر المحاره وتعملها من جديد