ساتحدث بمعلومات عامه تقريبيه .. ( يتوجب عليك التدقيق فى بعض التفاصيل ) .. للمصريين حاملى الجنسيه الامريكيه
1- الشحن من امريكا حوالى 2,000 دولار
2- الافضل هو تكليف مكتب تخليص جمركى بالمتابعه قبل وصولك .. اعتقد يلزم توكيل ( غير متأكد )
3- المتابعه لتخليص العربيه من الجمرك بعد وصولك ستكون حوالى اسبوع تقريبا لاستكمال جميع الاجراءات
4- العربيه المفروض تستعمل لفتره لا تزيد عن فتره التخزين .. بمعنى العربيه المخزنه فى التريبتك 3 شهور .. لا يسمح باخراجها و استعمالها اكثر من 3 شهور .. و نفس الامر بالنسبه ل 6 شهور
5- المخلص الجمركى يستطيع ادخال السياره للتخزين فقط .. لاخراج السياره يتوجب تواجدك انت شخصيا ( مهم جدا جدا انك تنتبه للنقطه دى .. لان دى ممكن تجبرك للرجوع لمصر فى ميعاد خروج السياره من مخزن التريبتك )
6- سياره اخى مرسيدس gl450 موديل حديث نسبيا .. كانت تكاليفها كالتالى ( غير متأكد )
.. التكلفه النصف سنويه حوالى 7,000 مرور و تراخيص و اعتقد شامله برضه التخزين فى نادى السيارات
.. يتوجب دفع تأمين يظل موجود فى نادى السيارات طوال تواجد السياره فى مصر .. مبلغ التأمين على المرسيدس gl450 كان خمسين الف جنيه .. لا اعلم طريقه حساب مبلغ التأمين
.. و فيه برضه رسوم سنويه لتجديد دفتر التريبتك ( حوالى 5,000 جم ) لنادى السيارات
7- خلى بالك فى بعض اماكن التخزين غير أمنه .. يعنى مفيش ضمير .. ممكن عربيتك تطلع و تستخدم بدون علمك .. نادى السيارات منطقه تخزين محترمه ما بيحصلشى فيها حاجه زى كده
8- يمكنك الاحتفاظ بالسياره فى مصر لعده سنوات .. بشرط حضورك الشخصى لاخراج السياره من منطقه التخزين فى الميعاد المطلوب ( الموضوع ده تسبب فى رجوع اخى لمصر بعد سفره ب 3 شهور فقط لاخراج السياره من التخزين .. فأنتبه جدا لذلك )
9- لا يمكن لاحد قياده السياره الا مالكها فقط .. حتى لو قمت بدفع رسوم اضافيه لاضافه اسم أخر على دفتر التريبتك كالاخ مثلا .. لا اعلم ما هو وضع الزوجه فى هذا الموضوع .. الحل الوحيد هو اضافه الاسم على الرخصه الكمبيوتر نفسها ( و لا اعتقد ان هذا مكن ) .. غير كده مهما حد قال لك حتى لو ظابط مرور .. يمكن سحب الرخصه و عمل قضيه لمن يستعمل السياره حينها ( يعنى بهدله و مشاكل )
10- ادخال السياره للمخرن يتم فى نفس اليوم بسهوله ( باعتبار ان هناك مكتب تخليص يقوم بالاجراءات لك ) .. مكتب التخايص له الحق فى ادخال السياره بعد سفرك .. و ليس له الحق فى اخراجها
11- تكلفه المخلص الجمركى فى حدود 1,000 جم عن كل مره تعامل .. سواء المساعده فى ادخال او اخراج العربيه
12- مبلغ التأمين سيظل موجود فى نادى السيارات طوال سنين تواجد السياره فى مصر
13- لك الحق للتنازل لاقارب الدرجه الاولى او شيى من هذا القبيل .. اعتقد الموضوع ده تسأل فيه حد متخصص و ايه هى شروطه و هل قريب الرجه الاولى ده لازم يكون اجنبى ؟؟؟؟ .. الله اعلم
و برضه البيع ليه اجراءات خاصه لازم تسأل فيها بتدقيق شديد و اعتقد انه لازم العربيه تطلع منطقه حره للبيع لاجنبى .. او خارج مصر ليتم البيع لمصرى ؟؟؟؟ .. الله اعلم
14- يعنى بالتقريب بالنسبه لسياره اخى كانت التكلفه السنويه حوالى 20 الف او 22 الف ( تخليص و مرور و تخزين ) .. هذا بالاضافه لمبلغ 50 الف تأمين تم ايداعها فى حساب نادى السيارات طوال سنوات تواجد السياره .. يعنى الاجمالى التكلفه السنويه حوالى من 25 الى 27 الف باعتبار الارباح الضايعه لمبلغ التأمين
انا شايف ان الموضوع ما يستأهلشى الدوشه دى الا لو عربيه مميزه جدا تستاهل .. الافضل ايجار او اشترى سياره من مصر
المفضلات