تجربة شراء موتور كالبيدا 1 حصان بالتفصيل

بفضل الله اشتريت بالأمس موتور كالبيدا 1 حصان تحضير ذاتي من أحد المحلات المعتمدة بسعر 1650 جنيه، وأوتوماتيك قال لي البائع انه (ضغط عالي) بسعر 190 جنيه مكتوب على علبته صنع في إيطاليا اسمه مينترا، وبالبحث عن الأوتوماتيك وجدت أنه صيني وليس إيطالي لكنه يبدو أنه نوع جيد لأن تقفيله محكم وله موقع على النت ونفس الشركة تنتج سويتشات وأدوات أخرى متعلقة بالمياه.

في البداية كنت متردد بين الكالبيدا وبين المواتير الأخرى الصيني بسبب ارتفاع سعر الكالبيدا والخوف من جودة المنتجات الصينية لكني اشتريت الكالبيدا عملاً بمقولة (الغالي تمنه فيه). الموتور سعره في توكيل الشرق بشارع الجمهورية 1848 جنيه وفي المحلات 1650 تقريباً ولا أدري سبب الفرق الملحوظ بين السعرين.

الموتور يأتي معه شهادة ضمان يحررها البائع بتاريخ الشراء وموديل الموتور والرقم المتسلسل لصيانته عند الحاجة، والكرتونة لا يوجد بها بها إلا الموتور فقط. وللتعرف على الموتور الأصلي سنجد الروزتة أعلى الموتور مصنوعة من المعدن ملحوم عليها قطعة نحاسية لامعة عليها البيانات الفنية للموتور ومحفور بجانبها calpeda بالبارز بالإضافة لملصق شركة الشرق والرقم التعريفي للموتور على خلفية سوداء، والموتور ثقيل وزنه 19 كيلو جرام.

والأوتوماتيك Mintra يرفع الماء من ضغط 1.2 بار إلى 10 بار وبه صمام عدم رجوع أو (سكس بلف) ومكتوب بالدليل أن المسافة بينه وبين الصنبور يجب ألا تزيد عن 15 متر. وأنواع الأوتوماتيك في السوق كثيرة جداً ومنه العادي ومنه الضغط العالي ولا أعرف الفرق بينهما.

أثناء مرحلة الشراء عرفت أن كل المواتير ذات الأسماء الكثيرة بالسوق المكتوب عليها إيطالي ليست إيطالية ولا تمت لإيطاليا بصلة بل هي صينية (وقد يكون منها الجيد) وبعض المحلات الكبرى تستورد مواتير من الصين بإسمها وتضع عليه شعار صنع في إيطاليا لمجرد ترويج السلعة وجذب الزبون. وأسعار المواتير الصيني تبدأ من 170 جنيه للنصف حصان وتصل إلى 1200 جنيه للحصان الواحد تحت أسماء لا حصر لها.

عموماً هذه تجربتي مع الشراء أحببت أن أضعها بين أيديكم ربما تفيد من أراد الشراء أو تضيف أي معلومة وأنا حتى الآن لم أركب الموتور وسوف أركبه قريباً إن شاء الله. وأنصح من يريد شراء موتور مياه أياً كان نوعه بالبحث عن الأفضل ومراجعة البيانات الفنية للموتور قبل الانصراف من عند البائع وتسلم شهادة الضمان وفاتورة الشراء واختيار فني جيد للتركيب. وفي النهاية إليكم بعض صور الموتور Calpeda NGM 4E والأوتوماتيك Mintra مقتبسة من النت وهي صور حقيقية ومطابقة مائة بالمائة للمنتجات التي معي، والسلام عليكم.

http://s7.postimg.org/ekb574pnv/image.jpg


http://s7.postimg.org/kjuax1l2j/image.jpg


http://s7.postimg.org/n7ocl53hn/image.jpg


http://s7.postimg.org/payrst3aj/image.jpg


http://s7.postimg.org/jy9xeofe3/image.jpg


http://s7.postimg.org/qnggup0q3/image.jpg

ياباشا اللى عايز يعمل بمبدأ الغالى تمنه فيه ويشترى كالبيدا اصلى يشتريه من التوكيل
بصراحة انا مش مصدق ان ده كالبيدا
والعينه بانت وظهر الغش فى الاتوماتيك !!!
الماتور اللى فى الصورة هو بالضبط الصينى اللى انا لسه جايبه ب 485 جنيه وبسم الله ماشاء الله ممتاز جدا
نفس الله ونفس التقفيل ونفس الفتحات التطابق 100%
حرام تدفع تمنه 4 مرات علشان حفرولك عليه كالبيدا !!!!
والراجل اللى بيبيعه اقسملى بالله ان الماتور ده بيتباع فى محلات أخرى على انه كالبيدا
وقالى لو عايز كالبيدا اوعى تجيبه الا من التوكيل

اقتباس:

---

المشاركة الأصلية كتبت بواسطة Elawany13[URL="http://www.nilemotors.net/Nile/members/82537.html"

[/URL];3876044191]
ياباشا اللى عايز يعمل بمبدأ الغالى تمنه فيه ويشترى كالبيدا اصلى يشتريه من التوكيل
بصراحة انا مش مصدق ان ده كالبيدا
والعينه بانت وظهر الغش فى الاتوماتيك !!!
الماتور اللى فى الصورة هو بالضبط الصينى اللى انا لسه جايبه ب 485 جنيه وبسم الله ماشاء الله ممتاز جدا
نفس الله ونفس التقفيل ونفس الفتحات التطابق 100%
حرام تدفع تمنه 4 مرات علشان حفرولك عليه كالبيدا !!!!
والراجل اللى بيبيعه اقسملى بالله ان الماتور ده بيتباع فى محلات أخرى على انه كالبيدا
وقالى لو عايز كالبيدا اوعى تجيبه الا من التوكيل

---

لا يا باشا متقلقش الموتور أصلي والله وإيطالي كمان :w6266d من شركة الشرق الهندسية عبد الحميد توفيق اللي في وسط البلد والتاجر اللي جبته منه موزع معتمد على مستوى المحافظة لمواتير كالبيدا فقط وانا قبل ما اشتريه شفت كل الصيني التقليد بتاعه عالنت وعالطبيعة كمان وشكل وتصميم الصيني فعلا مشابه جدا وده مقصود عشان الناس البسيطة تثق فيه وتشتريه لكن ليس له علاقة بكالبيدا الأصلي وكبيره سنة ولا اتنين ويشيع حسب كلام ناس كتير وسعره لا يتجاوز 400 جنيه. ومستحيل طبعا واحد من الصعيد مثلا ولا محافظة بعيدة يصرف قد تمن الموتور مواصلات وشحن عشان يشتريه من المقر الوحيد في شارع الجمهورية حسب كلامك عشان كدة في موزعين وتجار معتمدين حضرتك في كل محافظات الجمهورية واللي يشتري من حد غيرهم لازم يتأكد الأول من الفروق المعروفة بين الأصلي والصيني اللي ذكرتهم في أول مشاركة.

والأوتوماتيك البائع قالي انه ممكن يكون صيني مغشنيش يعني، أنا قلت إن العلبة مكتوب عليها إيطالي لكن بالبحث وجدت إنه صيني لكن نوعية محترمة والشركة المصنعة لها موقع على النت والمستورد في مصر كمان اسمه Mariam Co وله برضه موقع كويس على النت وخط ساخن وتليفونات وفاكس ومقره في شارع الجمهورية وشارع نجيب الريحاني.

ده ملصق شركة الشرق من على موتوري عليه كتابة بتختفي عند الحرارة وتظهر عند التبريد وده مش موجود في المواتير الصيني التقليد

http://s29.postimg.org/oa6ze8wo7/image.jpg


وده حضرتك السيريال نمبر محفور على الموتور مش هتلاقيه في الصيني

http://s29.postimg.org/zcc2coqqv/image.jpg


وده ملصق الكرتونة الخارجية عليه كود وبيانات وموديل وبيانات الموتور والسيريال

http://s29.postimg.org/womm2bxpj/image.jpg


ودي شهادة الضمان عليها البيانات والسيريال اللي مكتوب على الموتور والكرتونة

http://s29.postimg.org/56dnxwjtz/image.jpg


اما موتور حضرتك فربنا يبارك لك فيه وميضربش بعد كام شهر زي معظم المواتير الصيني اللي مغرقة السوق، وتقبل تحياتي.

تنبيه عن الفرق بين الكالبيدا الأصلي والتقليد من صفحة أحد الموزعين المعتمدين للموتور ياريت ناخد بالنا منها قبل الشراء

اقتباس:

---

المشاركة الأصلية كتبت بواسطة ;3876044302

موتور كالبيدا الإيطالي الأصلي:
1- اسم calpeda محفور علي الموتور من الأمام حفر وليس ملصق
2- يوجد على الموتور ملصق أبيض مكتوب علية شركة الشروق ( وهي الشركة المستوردة الأصلية)
3- الروزتة (مخرج الكهرباء) من الحديد ومدهونة بنفس لون الموتور وملحوم عليها قطعة نحاسية عليها البيانات بارزة أيضاً
4- الموتور له مسمارين في الطلمبة التحضير من فوق (جنب الفتحة الي بتخرج المياة لبيتك أو شقتك)
5- دور علي رقم الموتور المحفور عليه من المصنع نفسه لأن مفيش موتور بيطلع من المصنع غير لما يكون واخد رقم ومحفور
6- يوجد اسم الشركة المستوردة علي الكرتونة من الخارج واسم المهندس صاحب الشركة وعناوين الشركة في الخارج

أما الموتور التقليد فكلمة calpeda تكون ملصق وليس حفر والروزتة تكون إما أن تكون من البلاستيك ولونها أسود أو من الحديد ولكن لا يوجد بها أي علامة او اسم للشركة المصنعة سوي الملصق فقط وأحيانا لا يوجد لديه أي ملامح أنه إيطالي ولا صيني أصلاً.

---

ربنا يباركلك فيه
بالنسبه للصيني بيبدأ من 200 جنيه لحد 520 جنيه
واعرف ناس عندهم الصيني الرخيص بقاله 6 سنين
وبسم الله ماشاء الله زي الفل
انا لسه شايل الكالبيدا 3/4 حصان وجبت الصيني تقليد الكالبيدا 1 حصان اللي في الصورة والحمد لله مشكلة وقرف المياه انتهي من ساعتها

الف مبروك، ربنا يبارك لك فيه.
فرق السعر بين المستورد لصنف ما و الوكيل او التاجر ناتج عن نسبة الخصم التي يتمتع بها الوكيل او التاجر مثلا الشركة المستوردة (المستورد) تعمل خصم 20% للموزع او التاجر فيقوم التاجر بعمل خصم من نسبتة (مثال منتج ما سعره 1000 جنية و للتاجر بعد الخصم 800 جنية فيقوم التاجر بالبيع ب 900 جنية).
لا تقلق من فرق السعر.

موتورك اصلي و لو تقليد كان التاجر اكتفي بإعطائك الضمان خالي من اي ختم له او اشارة له لأنها غش تجاري و يحاول انه يبعد عن اي تهمه تمسه.

الفرق بين الايطالي و الصيني هو نفس الفرق في السيارات بين السيارة الايطالي و السيارة الصيني.
و في الاخر على قد الفلوس بتاخد خدمة بمعنى ان فرق السعر ليس كله هامش ربح فقط لكن خامات و خدمات بتحصل عليها.

انا شارى موتور واحد حصان من كام شهر فاتوا
محفور عليه made in italy ومش فاكر اسمه لانى عارف انه صيني وتقريبا جبته ب550 جنيه
وشغال كويس
بس الفكره انى مش مهتم انه صيني ولا ايطالي لانه فوق جنب التنك وبسحب بيه مياه لاسفل للشقه فمش عليه حمل

لكن لما اشتريت رفع لاعلى كنت شاريه ايطالى ومن كام سنه كان ب850 اسمه داب وشغال والحمد لله كويس


الف مبروك

اقتباس:

---

المشاركة الأصلية كتبت بواسطة elawany13

ربنا يباركلك فيه
بالنسبه للصيني بيبدأ من 200 جنيه لحد 520 جنيه
واعرف ناس عندهم الصيني الرخيص بقاله 6 سنين
وبسم الله ماشاء الله زي الفل
انا لسه شايل الكالبيدا 3/4 حصان وجبت الصيني تقليد الكالبيدا 1 حصان اللي في الصورة والحمد لله مشكلة وقرف المياه انتهي من ساعتها

---

الله يبارك في حضرتك
للاسف موتور المياه في البيت اصبح زي الخلاط ان لم يكن اهم
وربنا يسترها على مصر الفترة اللي جاية

اقتباس:

---

المشاركة الأصلية كتبت بواسطة kaizer

الف مبروك، ربنا يبارك لك فيه.
فرق السعر بين المستورد لصنف ما و الوكيل او التاجر ناتج عن نسبة الخصم التي يتمتع بها الوكيل او التاجر مثلا الشركة المستوردة (المستورد) تعمل خصم 20% للموزع او التاجر فيقوم التاجر بعمل خصم من نسبتة (مثال منتج ما سعره 1000 جنية و للتاجر بعد الخصم 800 جنية فيقوم التاجر بالبيع ب 900 جنية).
لا تقلق من فرق السعر.

موتورك اصلي و لو تقليد كان التاجر اكتفي بإعطائك الضمان خالي من اي ختم له او اشارة له لأنها غش تجاري و يحاول انه يبعد عن اي تهمه تمسه.

الفرق بين الايطالي و الصيني هو نفس الفرق في السيارات بين السيارة الايطالي و السيارة الصيني.
و في الاخر على قد الفلوس بتاخد خدمة بمعنى ان فرق السعر ليس كله هامش ربح فقط لكن خامات و خدمات بتحصل عليها.

---

الله يبارك فيك وشكرا لحضرتك على التوضيح وبالرغم من الجودة المعروفة للمواتير الايطالي لكن تظل اسعارها مرتفعة بشكل كبير بالمقارنة بالمواتير الأخرى بس الواحد عايز يشتري دماغه في النهاية من الأعطال والمشاكل وإن شاء الله يكون الموتور عند حسن الظن، الف شكر لحضرتك

اقتباس:

---

المشاركة الأصلية كتبت بواسطة abokoko

انا شارى موتور واحد حصان من كام شهر فاتوا
محفور عليه made in italy ومش فاكر اسمه لانى عارف انه صيني وتقريبا جبته ب550 جنيه
وشغال كويس
بس الفكره انى مش مهتم انه صيني ولا ايطالي لانه فوق جنب التنك وبسحب بيه مياه لاسفل للشقه فمش عليه حمل

لكن لما اشتريت رفع لاعلى كنت شاريه ايطالى ومن كام سنه كان ب850 اسمه داب وشغال والحمد لله كويس


الف مبروك

---

الله يبارك فيك أخي الكريم
داب من المواتير الشهيرة ذات السمعة المعروفة
وأكيد سعره زاد كتير في هوجة الأسعار الاخيرة مفيش كلام

كالبيدا حاليا - من وجهة نظرى وصداقتى لاشخاص يعملون فى هذا المجال - لا منافس له

اشتريتة من وكيله عبد الحميد توفيق اشتريته من حد تانى مضمون مش مغير حاجات فيه واخذت الضمان هى هى مفيش فرق
الصينى فى منه سىء جدا جدا جدا والسلك بتاعه الومنيوم وده رنجه 200 جنيه ومقامه الرمى فى اقرب سلة ( اعزكم الله) زباله
وفيه منه متوسط السلك بتاعه نحاس ويبدا من 400 جنيه وتقييم متوسط ده كرم اخلاق مننا

الى عامل حاجة محترمة ( لا تنافس كلبيدا ابدا ولكنها على قدر كبيرة من الاحترام ) هى شركة لورا بتاعة أحمد دواد وده ماركته لورا وسعره الرسمى 880 جنيه عند الوكيل ممكن من بره يكون اقل شوية بس انا بانصح تجيبه من الوكيل عشان فى ناس بتغير فيه حاجات طبعا سلك نحاس وريشة المياه نحاس مش بلاستيك والى يشتريه يجيب الاوتوماتيك بتاع عبد الحميد توفيق وده تقريبا سنغافورى وسعره حوالى 80 حتيه وممكن يجيب بالونة احمد داود ( معقوله قوى ) ونحاسة وعداد أحمد دواد مفيش منهم اصلا مشاكل فى اى نوع كده هتبقى وفرت عن كالبيدا حوالى 1000 جنيه وجبت جودة من وجهة نظرى 75 % من جودة كالبيدا

السوق ممكن يكون فيه بدائل تانىه لكن ديه مقارنة بين البدائل الى انا اعرفها مش كل البدائل المتاحة فى السوق رجاء الى عنده معلومات اضافية او يضيفها للإفادة

اقتباس:

---

المشاركة الأصلية كتبت بواسطة zkralla

كالبيدا حاليا - من وجهة نظرى وصداقتى لاشخاص يعملون فى هذا المجال - لا منافس له

اشتريتة من وكيله عبد الحميد توفيق اشتريته من حد تانى مضمون مش مغير حاجات فيه واخذت الضمان هى هى مفيش فرق
الصينى فى منه سىء جدا جدا جدا والسلك بتاعه الومنيوم وده رنجه 200 جنيه ومقامه الرمى فى اقرب سلة ( اعزكم الله) زباله
وفيه منه متوسط السلك بتاعه نحاس ويبدا من 400 جنيه وتقييم متوسط ده كرم اخلاق مننا

الى عامل حاجة محترمة ( لا تنافس كلبيدا ابدا ولكنها على قدر كبيرة من الاحترام ) هى شركة لورا بتاعة أحمد دواد وده ماركته لورا وسعره الرسمى 880 جنيه عند الوكيل ممكن من بره يكون اقل شوية بس انا بانصح تجيبه من الوكيل عشان فى ناس بتغير فيه حاجات طبعا سلك نحاس وريشة المياه نحاس مش بلاستيك والى يشتريه يجيب الاوتوماتيك بتاع عبد الحميد توفيق وده تقريبا سنغافورى وسعره حوالى 80 حتيه وممكن يجيب بالونة احمد داود ( معقوله قوى ) ونحاسة وعداد أحمد دواد مفيش منهم اصلا مشاكل فى اى نوع كده هتبقى وفرت عن كالبيدا حوالى 1000 جنيه وجبت جودة من وجهة نظرى 75 % من جودة كالبيدا

السوق ممكن يكون فيه بدائل تانىه لكن ديه مقارنة بين البدائل الى انا اعرفها مش كل البدائل المتاحة فى السوق رجاء الى عنده معلومات اضافية او يضيفها للإفادة

---

ما شاء الله على المعلومات الوافية جزاك الله خيرا. أكيد في مواتير جيدة كتير زي ما حضرتك ذكرت لورا أحمد داود وفيه ساير وكوميت وداب ونوع اسمه جراندفوس دانماركي بس غير منتشر في مصر لكن التجار حصرونا في أنواع معينة خاصة برة القاهرة الخيارات بتكون محدودة جداً للأسف وفي النهاية كل واحد بيشتري اللي بيناسبه، وتقبل تحياتي أخي الفاضل.

متابع

سلام عليكم
عاوز اعرف افضل مواصفات موتور مياه بالتفصيل ومقاسات المكونات وافضل الخامات لكل قطعه ياريت الرد علي ايميل shnodasdak@yahoo.com
شكرا