المفروض لما أستلم العربية تكون ماشية كام كيلو؟ !!
عرض للطباعة
المفروض لما أستلم العربية تكون ماشية كام كيلو؟ !!
في رأيي 80-90 كيلو بالكتير
انا استلمتها عامله 27 كم من الصحراوى
يعنى لو حتستلم من اى فرع هنا يبقى المفروض فى حدود الــ 70م بالكتيير
-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
*****
ممكن نحسبها سوا
1- العربية بتخرج من المصنع والعدادت متصفرة (صفر)
2- الشحن من المصنع حتي الميناء علي ناقلات (صفر)
3- الشحن بلد المنشأ حتي ميناء الوصول علي السفن (صفر)
4- الشحن من ميناء الوصول حتي التوكيل علي ناقلات (صفر)
5- من التوكيل للمعرض اللي أنت بتشتري منة هي دي المسافة اللي بتمشيها العربية
**** يعني أنا لما اشتريت الماتريكس كانت عاملة 23 كم وهي دي نفس المسافة من المعرض ف شارع فيصل اللي إشتريتها منه وتوكيل هيونداي في أبي رواش***
****يعني ممكن سيادتك تحسب المسافه من التوكيل والمعرض اللي انت اشتريت منة وهي دي المسافة المفروض تكون مشيتها العربية ****
حلو الموضوع دة
بس أنا شايف إن حتى الناس إللي بتستلم من التوكيل في الصحراوي بتكو العربية عملت في حدود ال 30 كلم !!!
ال 30 كلم دول إتعملو أزاي. يعني هل العربية بتمشي شوية في المصنع علشان تتجرب ولا إيه !!!
لو هاتشترى من اجانس بيكونوا فاصلين كابل الكيلوا وماشيين بالعربيه براحتهوم خالص لدرجه ممكن توصل 500 كيلو او 1000 كمان وده مش كلام وبس انا متأكد
وخصوصا ان اغلب الاجانسات بتقعد بتدل العربيات مع بعض وتسافر القاهره وترجع وكده يعنى ولما تستلم تستلمها عامله حوالى 30 كيلو
سؤال صغير..
بما أن السيارات تحمل من المصنع في بلد المنشأ (ماليزيا) الى السفن على سبيل المثال للشحن وهي على ناقلات...
معنى الكلام ده انها مش بتكون متجربة نهائي ...
يعني من التقفيل على الشحن مباشرة من غير تجربة...ممكن من هنا تكمن المشكلة في عيوب التقفيل نتيجة لعدم تجربتها في بلد المشأ..
من جهة أخرى...
مع احترامي لأراء الاخوة والأخ مزاجنجي بيؤيد الكلام ...
وهو..
طالما متؤكدين ان أصحاب المعرض بيفصلوا كابلات العدادات وبيمشوا بالسيارات مسافات تصل لألاف الكيلو مترات
مادام احنا متأكدين من تلك النقطة...
ايه الحكمة من موضوووع تليين الموتور وان المفروض يمشي ألف كيلو وبعدين ناخد راحتنا سواء بالتكييف او السرعة المطلقة
تقبلوا رأيي المتواضع...
صباح الورد يا بن حميدو :
- هو زي ما وليد قال كــدة احنا بنشتري من التوكيل اللي بيجيب العربية على ناقلات مخصوصة ( تريلات) يبقي معدل حركة العربية ضئيل .
- الاجنس / المعرض : بيجيب العربية هو وضمير السائق ، يعني فى محترم بيمشي على ال 100 ما بيكسرش لانة عارف ان العربية بتلين ، و في منعدم الضمير بيقولك هى بتاعه ابونا دى ناس معاها فلوس مش ها تفرق معاهم .... و القصة دي ما تقدرش تحكمها (ضمـــير + أخلاق السائق ) .
و طبعاً اى معرض مش عايز يدخل في جدال عقيم مع اى زبون حول العربية و الكيلو و التليين .... فبيفصل عداد الكيلو مترات في العربية و يريح دماغة ( دي بالبلاستيك يا بييييية ) .
---> أنا عرفت القصة دى منين :
كان واحد حبيبي بيشترى عربية موديل السنة ، و بعد ما فحص + أشتري + استلم = خرج بالعربية و سائقها بتاع 30 كيلو بيبص على العداد لقاه واقف عند 20 كيلو و مش بيتحرك ، لف و رجع للمعرض ... الولد اللى هناك ضحك و قال معلش تلاقي بس الكلبس بتاع الجاك مش متثبت كويس ... و فتح و ركب ... و مشي العداد زي الفل و من البحث و السؤال عرفنا اية اللى حصل و بيحصل .... بس خلاص .
-----------------------------
ممنوع كتابه الحروف العربيه بحروف اجنبيه
يرجى مراجعة قواعد المنتدى
مشرف القسم
اعتقد الضمير قليل شوية في مصر عموما
واعتقد ان الضمير اقل بالنسبة للناس بتوع البيع ( الاجنسات)
واعتقد ان الضمير اقل عند السواقين
يعني احتمال انك تستلم عربية وانتا مطمن 0.25
انا استلمتها من عز العرب السابع عاملة 56 كيلو.
انا استلمت من الصحراوى عاملة 28 كلم
لأ العربية بتتجرب قبل التسليم و بتدخل على جهاز ال pdi اللى بيكشف عليها بعد ما تمشى حوالى 30 كم
انا استلمت من الصحراوى عاملة 4 كلم فقط (أربعة كيلو متر فقط )
أنا أستلمت عربيتى من فرع عز العرب فى مدينة نصر وكانت عامله 55 كم.
انا استلمت من التوكيل في الصحراوي وكانت عامله 15 كيلو