مشكلة في ثبات ريو 2016

**dr_me** · 08-01-2016 07:24 PM

السلام عليكم

ريو 2016 سيدان عاملة 1500 كيلو، جنط 17 نيتروجين ضغط 30

العربية على الطريق الممهد ثبات لحد 160 حلو جداً، لكن لما باخد نقرة أو مشيت على جزء من الطريق مش ممهد فجأة حتى لو على سرعة 80 بلاقي الشنطة بتحدف بطريقة واضحة !

الموضوع بيبقى واضح جداً لو اخدت النقرة على دوران، لكنه موجود و محسوس برده حتى لو أخدتها على طريق مستقيم.

الموضوع مش بيزيد مع دورانات أو فرامل، بيبان مع النقر فقط.

أرجو الإفادة لو سمحتوا

**scientist9508** · 08-01-2016 10:24 PM

بسم الله الرحمن الرحيم

أخى الفاضل

لست متأكد من إننى أفهم ما تريد.

لقد كنت مندهش عندما قرأت وصفك بأنك وصلت لسرعة 160 كم/ ساعه و السياره ثابته معك (على حد وصفك)

السيارات الكوريه عمومآ ثباتها ضعيف و خاصة الشرائح المتوسطه (الريو) و الصغيره (البيكانتو).

أخى الفاضل. . . . سيارتك سليمه جدآ و لا تقلق و إطمئن تمامآ. كل ما فى الأمر أنك لا تعلم (كما يبدو لى) القدرات الفعليه لسيارتك.

متعك الله بها و منحك كل خيرها و كف عنك كل شرها

السلام عليكم و رحمة الله و بركاته

**dr_me** · 09-01-2016 01:47 AM

المشاركة الأصلية كتبت بواسطة scientist9508

بسم الله الرحمن الرحيم

أخى الفاضل

لست متأكد من إننى أفهم ما تريد.

لقد كنت مندهش عندما قرأت وصفك بأنك وصلت لسرعة 160 كم/ ساعه و السياره ثابته معك (على حد وصفك)

السيارات الكوريه عمومآ ثباتها ضعيف و خاصة الشرائح المتوسطه (الريو) و الصغيره (البيكانتو).

أخى الفاضل. . . . سيارتك سليمه جدآ و لا تقلق و إطمئن تمامآ. كل ما فى الأمر أنك لا تعلم (كما يبدو لى) القدرات الفعليه لسيارتك.

متعك الله بها و منحك كل خيرها و كف عنك كل شرها

السلام عليكم و رحمة الله و بركاته

عليكم السلام و رحمة الله
أولا بشكرك علي ردك
انا كان معايا لانوس ٩٩ قبل الريو و مكانش بيحصل كده ابدا، السيارة بتحس ان الشنطة بتتزحلق علي الارض لما بدوس علي نقرة ف الارض بسرعة قليلة ٦٠ او ٩٠ كم/س

**svneleven** · 09-01-2016 05:17 AM

شوف يا باشا الموضوع ده موجود في كل العربيات لكن بدرجة بتزيد و تقل من عربية للتانية حتي يكاد ينعدم ف العربيات الجامدة و ممكن ما تحسش بيه لكن هو محسوس و بشكل واضح في السيراتو الشكل القديم و الجديد و الانترا الشكل الجديد.
الملف طالما نضيف تلاقي العربية عنكبوت في الارض. تلاقي فاصل من فواصل الكباري او مطب رفيع في الملف تلاقي ديل العربية راح منك شوية. شئ طبيعي تعامل معاه للاسف.

**dr_me** · 09-01-2016 02:16 PM

المشاركة الأصلية كتبت بواسطة svneleven

شوف يا باشا الموضوع ده موجود في كل العربيات لكن بدرجة بتزيد و تقل من عربية للتانية حتي يكاد ينعدم ف العربيات الجامدة و ممكن ما تحسش بيه لكن هو محسوس و بشكل واضح في السيراتو الشكل القديم و الجديد و الانترا الشكل الجديد.
الملف طالما نضيف تلاقي العربية عنكبوت في الارض. تلاقي فاصل من فواصل الكباري او مطب رفيع في الملف تلاقي ديل العربية راح منك شوية. شئ طبيعي تعامل معاه للاسف.

شكرا لحضرتك
هو ده اللي بيحصل بالظبط
بس عنى اللانوس القديمة اقوى ن الريو الزيرو !
الموضوع واضح جدا و محسوس بطريقة تقلق

**Hany Saad** · 09-01-2016 03:06 PM

سمة أساسية من سمات العربيات الهيونداى و الكيا بصفة عامة، الناس بتبقى فرحانة أن العربيات الهيونداى و الكيا بتجرى و بتسحب زى الصاروخ و ناسيين أو متناسيين أن مع الجرى ده لازم ثبات عالى يكافؤه و منظومة أمان متكاملة تخدم عليه.
حضرتك حاسس بالموضوع ده و أنت معاك جنط 17 و نيتروجين و ظابط ضغط كاوتشك....مبالك باللى معاه جنط 16؟
للأسف ده ديزاين عربية و من زمان و هو كده و مش راضيين يحسنوه....كل اللى بيعملوه أنهم عماليين يخفضوا ارتفاع العربية عن الأرض و لكن دون حل فعلى.

و ده السبب الأساسى اللى بيخلى الناس تروح للسيارات الأوروبى (فورد، فولكس، سيات، رينو، سكودا، بيجو...) بالرغم من قلة سحبها و يمكن كتره أعطالها مقارنة بالكورى و لكن.......موضوع الثبات و الأمان مختلف إختلاف كلى و بتحس أنك راكب دبابة مكلبشة على الأرض و عربية أمينة عليك و على أسرتك و أحبابك

تحياتى