citadeldeath:
انا حاطه لأنه أحد الأنواع و أكيد فيه ناس بتستخدمه و إحنا منتدى ديموقراطى
عرض للطباعة
citadeldeath:
انا حاطه لأنه أحد الأنواع و أكيد فيه ناس بتستخدمه و إحنا منتدى ديموقراطى
فعلا ياجماعا بجد النسر ده من اردء الكاوتشات عن تجربه طبعاا وسبب فى حوادث كتير من ضمنهم حادثه عربيتى
المفروض الكاوتش ده يعملوه بس للزينه يعنى مثلا يتعلم بيه بتوع الكاوتشات اللى على الصحراوى مش اكتر
انا بصراحه خبرتى فى انواع الكاوتشات على قدى وانا متابع الموضوع ده لاني ان شاء الله هشترى اربع فرد قريب ومستنى نتيجه الاستطلاع ؟
ايام الشاهين انا جربت الكومهو والميشلان والجى تى افضلهم على الاطلاق الكومهو ثم الجى تى اما الميشلان ماكملش معايا 3 شهور وباظ والكاوتش طلع فيه كور هوا على رأى بتوع الكاوتش علشان كده انا متعقد من الميشلان
كنت مركب بريللي وكنت باحس اني ماشي في هيصة وظيطة
فغرت 4 فرد كلها بريدجستون بصراحة الصوت قل وان لم يمنعه بس هو انعم في المطبات
عشان كدا انا بارشح البريدجستون
الأخ العزيز،
أول مرة ألاقي واحد يشتكي من الميشلان، أنا كان معايا في عربيتي كاوتش النسر، متهيألي لو كنت ركبته كنت غيرت رأيك عن الميشلان..
عموماً، أنا واحد صحبي مركب كومهو جديد مكملشي أسبوع وعمل كور وكل يوم بينام منه فردة.. بس على ما أعتقد أنها أنواع وفئات.. يعني أنا مركب دلوقتي ميشلان.. بسم الله ما شاء الله.. العربية كإنها عربية تانية، مشيت عليه على جميع أنواع الزجاج ومركبه بقالي أكتر من شهرين، كل إللي بعمله إني بزوده بالهواء فقط!
وشكراً
اية يا جماعة انتوا خليتنوا اقلق من الكومهو انا مركبة بقالة شهر و كام يوم اهوة والحمد الله مفهوش اى حاجة نهائى خااااااااالص اية حكاية الكور دية؟؟؟؟؟؟ وكمان مفيش اى فردة نامت معايا خالص .
انا استخدم بريدجستون .... حلو و لا تعليق على الأنواع الأخرى لأنى معرفش