شراء سيارة زيرو من المانيا

**Ayliz_2009** · 09-01-2016 05:10 PM

السلام عليكم
اكيد كلكم سمعتوا عن موضوع الغاء الجمارك لى السيارات اللي 1300 سي سي او اقل.
طيب دلوقتي انا اقدر اجيب عربية زيرو من المانيا؟
هيكون مصاريفها كام (شحن، ضريبة، رسوم تنمية...) نقول مثلا ان سعرها 100000 جنية و طبعا انا هكون المالك الاول ليها هناك بس مش هتترخص هتتشحن على طول
انا لاقيت فولكس بولو و سكودا فابيا و سيات ليون
ارجو الافادة
شكرا

**Ahmed emad has** · 09-01-2016 06:48 PM

مينفعش تشحن من غير مترخص الا بسجل تجاري وحاجات كتير كانك تاجر وهتبعها هنا زيرو . لو عاوز تدخلها استعمال شخصي لازم ترخص هناك وتبقي انتا المالك الاول وبتاخد خصم 10% بس الموضوع طويل واجراءات وحوارات كتير وفي الاخر هتجبها بنفس السعر اللي بتتباع بيه في مصر فملوش لزمة

**Ayliz_2009** · 09-01-2016 07:01 PM

يعني لو انا مثلا اعرف حد تاجر يستوردها الموضوع ده هيفرق؟
اصل عشان ارخصها هناك لازم ادفع ضريبة و لو هشحنها على طول يبقى من غير الضريبة
فانا عايز اعرف لو في شركة استيراد هي اللي هتبقى في الصورة هيبقى ايه الموقف و الاجراءات التفصيلية؟

**محاسب صعيدى** · 10-01-2016 01:15 AM

متابع باهتمام لان الموضوع بجد شيق جدا
وهل لو واحد معاه سجل شركة استيراد وتصدير ممكن يستورد سيارة خاصة لصاحب الشركة ولا اية النظام للاستعمال الشخصى للشركة

**Fawzy.Abdelnour** · 10-01-2016 12:06 PM

اي حد يقدر يشتري عربيه و يشحنها من غير ترخيص، استخدام شخصي.
لو كذا عربيه هيكون لازم سجل تجاري و بطاقه ضريبيه و بطاقه استيراديه.

**abokoko** · 10-01-2016 12:33 PM

اي حد تشمل المقيم للعمل وتشمل المسافر للسياحه ?

**Ayliz_2009** · 10-01-2016 02:03 PM

المشاركة الأصلية كتبت بواسطة mankindforce

اي حد يقدر يشتري عربيه و يشحنها من غير ترخيص، استخدام شخصي.
لو كذا عربيه هيكون لازم سجل تجاري و بطاقه ضريبيه و بطاقه استيراديه.

طيب ايه المطلوب في الحالة دي و المصاريف هتبقى كام؟
لو حضرتك تعرف حد ممكن نكلمه نسأله

**Ahmed emad has** · 10-01-2016 06:03 PM

علشان تستوردها عن طريق شركة هتوصلك اغلي من السوق . عشان تستورد من غير ماترخص اللي اعرفه انا ان مينفعش تشتري اصلا لو كنت سائح و عشان تستورد زيرو لازم بطاقه ضريبة وسجل وما الي ذلك وقيمة اللي هتتدفعه في دخولها بالطريقة دي كتير . هتخلي تمن العربية اغلي من السوق . لو حضرتك ترخص هناك هتاخد خصم استعمال شخصي 10 % هتعادل قيمة ضريبة الترخيص اللي هتدفعها . عامة الموضوع ده متعب ومش مفيد و غب الاخر هتدفع نفس اللي هتدفعة في العربية لو جبتها من هنا .

**Ayliz_2009** · 10-01-2016 06:16 PM

المشاركة الأصلية كتبت بواسطة ahmed emad has

علشان تستوردها عن طريق شركة هتوصلك اغلي من السوق . عشان تستورد من غير ماترخص اللي اعرفه انا ان مينفعش تشتري اصلا لو كنت سائح و عشان تستورد زيرو لازم بطاقه ضريبة وسجل وما الي ذلك وقيمة اللي هتتدفعه في دخولها بالطريقة دي كتير . هتخلي تمن العربية اغلي من السوق . لو حضرتك ترخص هناك هتاخد خصم استعمال شخصي 10 % هتعادل قيمة ضريبة الترخيص اللي هتدفعها . عامة الموضوع ده متعب ومش مفيد و غب الاخر هتدفع نفس اللي هتدفعة في العربية لو جبتها من هنا .

ممكن حضرتك توضحلي اكتر يعني لو العربية مثلا ب ١٠٠٠٠٠ في ايه تفاصيل اللي هيتدفع؟ يعني عشان نقدر نقارن اكتر بقد ايه

**Fawzy.Abdelnour** · 11-01-2016 10:30 AM

اللي اعرفه ان اي حد يشتري عربيه، مش مقيم هناك يبقي ماليكش ترخيص، انما تشتري و تشحن عادي.
المقيم فالخارج له تخفيض جمركي 10% علي اول سنة استخدام، و 5% للسنوات التي تليها، بحد اقصي 50%.
في شركات سيارات عامله برامج خاصة للاجانب اصلاً، و منها مرسيدس.