مشكله عجيبه ابيزا ٩٩ العربيه تدور وشويه متدورش

السلام عليكم

انا معايا ابيزا ٩٩ فيها مكنه ١٤٠٠ انجكشن بالامبليزر . العربيه بتدورها الصبح بتدور عادى . لو رحت بيها اى مشوار قريب او بعيد وبطلت وحبيت ادور تانى . احط المفتاح وادور الكونتاكت العربيه متنطقتش . لازم اسيبها نص ساعه علشان اعرف ادورها تانى . وبردو احيانا تدور عادى . المشكله دى جننتنى لانى احيانا كتير بتبقى العربيه عايزه تتزق علشان تدور .

جربت غيرت البطاريه . المشكله زى ما هى
جربت غيرت المارش . المشكله زى ماهى
جربت غيرت الموبينه . بردو المشكله زى ما هى

ياريت تفيدونى ممكن تبقى مشكله ايه ؟؟

مرحبا اخى الكريم
هحكيلك قصه غريبه قريتها من عده سنوات وهى تتلخص فى شكوى لعميل يملك سياره شيفروليه لمركز الخدمه وكانت الشكوى كالآتى
شكوتى اليوم قد تبدو غريبه حيث انى سيارتى حين اقودها من المنزل الى متجر الايس كريم وهو يبعد نصف ساعه من المنزل ثم اقوم بإبطالها واذهب لاشترى ايس كريم فانيليا واعود للسياره لاقوم بتشغيلها لا تعمل
لكن حين اذهب لاشترى ايس كريم شوكولاته واعود للسياره واقوم بتشغيلها تعمل بشكل طبيعى
قام مدير مركز الخدمه بالتوجه للعميل وكله دهشه من مضمون الشكوى
وقام بالركوب معه وتجربه ما قيل فى الشكوى وعندها فوجىء بصحه كلامه وعند البحث اكتشف الاتى
حين يذهب لشراء الفانيليا يستغرق ٤ دقائق وحين يذهب لشراء الشيكولاته يستغرق ١٠ دقائق للعوده للسياره لان المسافه ابعد
والمشكله كانت تكمن فى المده اللتى يترك فيها السياره لتبرد حين يعود سريعا تكون ساخنه وتتقوف عن العمل ولاكن حين تبرد تدور بشكل طبيعى
اسف جدا انى طولت عليك لكن حبيت احكى القصه لغرابتها
من الممكن ان يكون هناك ترابط بين حراره المحرك ووقف السياره عن العمل بسبب مشكله فى التبريد

ساعة لما تفطع لازم تعرف قاطعه بنزين ولا شراره
ممكن مشط اشعال، كتاوت اشعال او للطرمبه

حساس الكامة او حساس الكرنك وفى الاغلب حساس الكامة فيه مشكلة