مشكلة في اوبل استرا ٢٠٠٧

**samo202020** · 09-01-2016 05:41 PM

السلام عليكم ...لو سمحتم يا اهل المنتدي الكرام انا عندي مشكله في العربيه مجنناني ..انا عربيتي اوبل استرا ٢٠٠٧ انجوي عندي غربله علي ال ١٢٠ فيما فوق بتزيد لو دوست فرامل انما لو دوست فرامل علي اي سرعه تانيه تحت ال ١٢٠ مفيش غربله ولا في اي مشكله اصلا يعني هي المشكله بتبدأ من عند ال ١٢٠ فيما فوق مع العلم بقي اني مغير طنابير امامي وتيل امامي جي ام لسه من شهر وجايب جنوط زيرو من شهر وكاوتش جديد بريدجستون من اسبوع و رصصت العربيه عند ٦ مراكز ترصيص و ظبط زوايا مختلفين وجايب رينجات نضيفه عشان الجنوط الجديده ...دلوقتي انا شاكك في كام حاجه وكنت عاوز استفسر من حضراتكم .. اولا انا عندي الطنابير ورا مش تمام اوي بس مغير تيل خلفي وخرطتهم من اقل من شهر فا هل ممكن يكون الموضوع ده بسبب الطنابير الخلفيه ؟؟ تاني حاجه انا معلي العربيه ورا شويه عن الطبيعي يعني ٣ سنتي زياده هل ده يسبب المشكله دي ؟؟ اخر حاجه هل ممكن العربيه تكون محتاجه جنط استيراد مثلا والجنط الاندونيسي التعبان ده يعمل المشكله دي؟؟ نسيت اقول ان قواعد الموتور تمام .. بالله عليكم يا جماعه انا زهقت واحتارت ياريت حد يفيدني :(

**tasaka** · 09-01-2016 06:47 PM

على حد علمى ( لو مفيش مشاكل تانيه فى العربيه ) .. و الترصيص جيد

السرعه اللى بتظهر عليها الغربله بتبين السبب .. ان كان بسبب جنوط او كاوتش

موش فاكر مين فيهم اللى بيسبب الغربله على سرعه عاليه

قبل كل شيى .. رصص عند واحد كويس و جرب

و ممكن بتاع الترصيص يعرف ان كان كاوتش او جنط لو الاجهزه اللى عنده حديثه ( على ما اظن ) ..

و ممكن برضه تشيل الكاوتش و تكشف على اتزان الجنط ( بدون كاوتش )

**samo202020** · 09-01-2016 07:07 PM

المشاركة الأصلية كتبت بواسطة tasaka

على حد علمى ( لو مفيش مشاكل تانيه فى العربيه ) .. و الترصيص جيد

السرعه اللى بتظهر عليها الغربله بتبين السبب .. ان كان بسبب جنوط او كاوتش

موش فاكر مين فيهم اللى بيسبب الغربله على سرعه عاليه

قبل كل شيى .. رصص عند واحد كويس و جرب

و ممكن بتاع الترصيص يعرف ان كان كاوتش او جنط لو الاجهزه اللى عنده حديثه ( على ما اظن ) ..

و ممكن برضه تشيل الكاوتش و تكشف على اتزان الجنط ( بدون كاوتش )

اشكرك علي ردك بس انا لسه جايب الجنط زيرو ١٥ اندونيسي والكاوتش بريدجستون زيرو ورصصت عند ٦ مراكز ترصيص وظبط زوايا مختلفين ومحدش فيهم فلح ... ياريت لو حد عنده حلول يقدمها وشكرا لحضراتكم

**tasaka** · 09-01-2016 08:27 PM

المشاركة الأصلية كتبت بواسطة samo202020

اشكرك علي ردك بس انا لسه جايب الجنط زيرو ١٥ اندونيسي والكاوتش بريدجستون زيرو ورصصت عند ٦ مراكز ترصيص وظبط زوايا مختلفين ومحدش فيهم فلح ... ياريت لو حد عنده حلول يقدمها وشكرا لحضراتكم

هل المشكله ظهرت قبل و لا بعد تغيير الجنوط و الكاوتش ؟ .. و هل هى غربله شديده ؟؟

لو كانت موجوده قبل التغيير .. جرب تربط عفشه و سكاتره .. و شوف حاجه مبوشه عايزه تتغير عند العجلات ( رولمان بلى مثلا ) .. ارفع كل عجله لوحدها و هى راكبه و خليه يتأكد ان مفيش بوش

و كمان موضوع التعليه ورا ده .. هل ظهرت الغربله بعده ام لا ؟ .. و راجع ان التعليه محكمه و متربطه كويس و كمان هل هى مناسبه لمكانها فى العربيه ام لا

بالتوفيق

**samo202020** · 09-01-2016 08:33 PM

المشاركة الأصلية كتبت بواسطة tasaka

هل المشكله ظهرت قبل و لا بعد تغيير الجنوط و الكاوتش ؟ .. و هل هى غربله شديده ؟؟

لو كانت موجوده قبل التغيير .. جرب تربط عفشه و سكاتره .. و شوف حاجه مبوشه عايزه تتغير عند العجلات ( رولمان بلى مثلا ) .. ارفع كل عجله لوحدها و هى راكبه و خليه يتأكد ان مفيش بوش

و كمان موضوع التعليه ورا ده .. هل ظهرت الغربله بعده ام لا ؟ .. و راجع ان التعليه محكمه و متربطه كويس و كمان هل هى مناسبه لمكانها فى العربيه ام لا

بالتوفيق

اشكرك بس العفشجي بيأكد لي ان العفشه بحالة ٨٠ في الميه ومفيش اي بوش نهائي والغربلة دي ظهرت فعلا بعد الجنوط .. انا بفكر اركب الجنوط الحديد بتاعتها واجرب واشوف عشان اقطع الشك باليقين

**tasaka** · 09-01-2016 09:27 PM

المشاركة الأصلية كتبت بواسطة samo202020

اشكرك بس العفشجي بيأكد لي ان العفشه بحالة ٨٠ في الميه ومفيش اي بوش نهائي والغربلة دي ظهرت فعلا بعد الجنوط .. انا بفكر اركب الجنوط الحديد بتاعتها واجرب واشوف عشان اقطع الشك باليقين

الجنط و الكاوتش مقاسات معتمده لعربيتك ؟؟ .. يعنى اصلا بتنزل فى العربيه حسب كمالياتها ؟؟ .. ام انت اخترت بمزاجك ؟؟

لو غيرت للجنوط القديمه .. يبقى اكشف على الاتزان الجنوط الجديده بدون كاوتش ( عند بتوع الترصيص ) .. الافضل روح لمركز بريدجستون نظيف

وجايب رينجات نضيفه عشان الجنوط الجديده

ايه معنى الكلام ده ؟؟ .. ده علشان العجله تخرج بره الرفرف ؟؟ .. لو علشان كده فده غلط .. لان العجله ستكون معرضه للهواء على السرعات العاليه

لو الرينجات دى حاجه اضافيه علشان العجله تخرج بره الرفرف .. شيلهم الاول و جرب بالجنط و الكاوتش الجديد .. قبل اى حاجه

**tasaka** · 09-01-2016 09:53 PM

و لو كنت مرصص و العجلات راكبه فى العربيه ( بدون فكها ووضعها على جهاز الترصيص ) .. يبقى لو حبيت تجرب بدون الرينجات .. يبقى الافضل انك تفك العجلات و ترصص العجلات على الجهاز بعد فكها .. لان الترصيص فى الحاله دى اخذ الرينجات فى الاعتبار

اما ان كنت بترصص العجلات بعد فكها من العربيه .. يبقى ممكن تشيل الرينجات و تجرب على طول

الكلام عن الرينجات بأعتبار ان الكاوتش موش بيحك فى الرفرف .. و هى موش راكبه

بمعنى أخر .. انك ركبت جنط و مقاس كاوتش مسموح بيهم اصلا لعربيتك فابريكه ( بالتالى الرينجات موش مطلوبه ) .. ده اذا انا كنت فاهم صح انها شيئ اضافى غير لازم

**samo202020** · 09-01-2016 10:38 PM

المشاركة الأصلية كتبت بواسطة tasaka

و لو كنت مرصص و العجلات راكبه فى العربيه ( بدون فكها ووضعها على جهاز الترصيص ) .. يبقى لو حبيت تجرب بدون الرينجات .. يبقى الافضل انك تفك العجلات و ترصص العجلات على الجهاز بعد فكها .. لان الترصيص فى الحاله دى اخذ الرينجات فى الاعتبار

اما ان كنت بترصص العجلات بعد فكها من العربيه .. يبقى ممكن تشيل الرينجات و تجرب على طول

الكلام عن الرينجات بأعتبار ان الكاوتش موش بيحك فى الرفرف .. و هى موش راكبه

بمعنى أخر .. انك ركبت جنط و مقاس كاوتش مسموح بيهم اصلا لعربيتك فابريكه ( بالتالى الرينجات موش مطلوبه ) .. ده اذا انا كنت فاهم صح انها شيئ اضافى غير لازم

ياباشا الرينجات دي البتاعه البلاستيك اللي بتركب علي السره عشان تحكم الجنط وميكونش في بوش انما مقاس الكاوتش هو هو مقاس العربيه اللي هو ١٩٥ علي ٦٥ r15 شكرا لاهتمامك