الموضوع: صوت شخللة خفيف في الماروتي

المشاركة الأصلية كتبت بواسطة poula

السلام عليكم
انا معايا ماروتي 2010 ماشية 42000
بقالي فترة بسمع صوت زي شخلله خفيف في العربية من قدام بس مش قادر أحدد من العجل ولا من الكبوت و بعد التدقيق أكتشفت الأتي
1- الصوت بيظهر بعد ما أمشي مسافة بالعربية و ليس مع بداية الحركة
2- يظهر عن سرعات معينة و هي (30 - 45 - 60)
3- يظهر الصوت منتظم عن أي سرعة لو الطريق غير ممهد أو فية زلط سن كتير
دخت علي الصنيعية واحد يقلي دة بلي العجل الي قدام و واحد يقلي علبة الشكمان و الجديد بقي واحد بيقلي ممكن في السيور مش عارف أصدق مين
أرجو الأفادة ضروري

لو مكنتش غيرت سير التقسيمة و سير الدينمو غيرهم سواء الصوت منهم او لأ لان سير التقسيمة المفروض يتغير بعد 40000 كم
خلى حد بتاع عفشة يكشفلك على العربية

الشخللة فى الارض المكسرة بيبقى غالبا البارات بتاعة الدريكسيون او علبة الدريكسيون نفسها

المشاركة الأصلية كتبت بواسطة abdoelhalawany

لو مكنتش غيرت سير التقسيمة و سير الدينمو غيرهم سواء الصوت منهم او لأ لان سير التقسيمة المفروض يتغير بعد 40000 كم
خلى حد بتاع عفشة يكشفلك على العربية

أنا غيرت سير الدينامو و سير الكاتينة علي 35000 من 5 شهور

المشاركة الأصلية كتبت بواسطة hardmind_doc

الشخلله فى الارض المكسرة بيبقى غالبا البارات بتاعة الدريكسيون او علبة الدريكسيون نفسها

طيب هل الصوت علي سرعات معينة بيبقي بسببها بردة؟؟؟
و أتأكد أزاي؟؟؟؟ و متشكر علي الرد

المشاركة الأصلية كتبت بواسطة scientist9508

بسم الله الرحمن الرحيم

أخى الفاضل

فى سياره مثل الماروتى فإن مسببات إطلاق مثل هذا الصوت تشمل نصف مكونات السياره بلا أى مبالغه. كنت أود أن أكتبها لك و لكنها جد كثيره جدآ

لذلك توفيرآ للوقت و المجهود توجه من فضلك إلى ميكانيكى محترف ماهر و أمين ليتتبع و بصبر مصدر الصوت.

هناك مسببات شائعه و منتشره فى الماروتى سأكتبها لك بإختصار (هذه ليست كل المسببات و لكنها أشهرها)

1 - مسمار عمة الكاربوراتير غير مربوط جيدآ

2 - تصادم بين ماسورة إدخال الهواء للكاربوراتير و جسم المحرك

3 - المحرك غير مضبوط ضبطآ دقيقآ (كهرباء و هواء و وقود)

4 - قطع غيار الكهرباء غير أصليه فتحدث رجرجه فى المحرك حتى لا تدرى من يصطدم بمن و قد لا تلاحظ هذا الصوت و السياره واقفه و لكن بزيادة السرعه و زيادة حرق الوقود تزداد إهتزازات المحرك فيظهر

باقى الإحتمالات كثيره و تشمل العجل و العفشه و أحيانآ صاج السياره نفسها . . . و لا يتبين ذلك إلا بالكشف العملى على السياره.

هداك الله لأرشد أمرك و أقومه

السلام عليكم و رحمة الله و بركاته

متشكر جداً علي الأفادة بس السؤال أروح لميكانيكي ولا لعفشجي؟؟؟؟

هو أنا أفتكرت حاجة
أخر مرة قبل ما الصوت يظهر رحت لواحد بتاع فرامل علشان يخرط الطنابير علشان كان في رعشة مع الفرامل بس كان عنده صبي غبي كان عمال يتعافي علي الطنابير مكانتش عيزة تتفك معاه فهل ممكن يكون بوظ أيه؟؟؟