سؤال لاهل الخبرة في 128

**ahmed29** · 10-01-2016 11:15 AM

السلام عليكم ورحمه الله وبركاته

انا ياشباب معايا عربية 128 1100 سي سي بقالي 5 سنوات من النضال والكفاح عملت طقم شنبر مرتين وبعد كدة سمعت صوت رنة سبيكة فقولت اريح دماغي واشتري موتور استيراد نزلت عزبة شلبي واشتريت الموتور من هناك بس جبت 1300 سي سي بفتيسه 6 سرعات
الموتور بالفتيس والورق 3150 جنيه
وميزان 6 غيار 300 جنيه
وعصاية فتيس 6 غيار 150 جنيه
ومصنعية حل وتركيب 500 جنيه
وطبعا زيت للموتور وفلتر 120 جنيه
وزيت للفتيس 85 جنيه
وصليبة كوبلن داخلي للفتيس لانه جنب وجنب 60جنيه
ومشترك شكمان 1300 بالجوان والتركيب 130 جنيه
وطبعا ده غير العفشجي والزوايا والرفايع الي بتطلع من غير حساب

المهم ركبت الحجات دي كلها وجربت العربية زي الفل
بس بعد يومين تجربة لقيت دخنة بيضة بتطلع من الشكمان لما بدوس بنزين ومعاها مية
وخرطوم العمة مفيهوش حاجة ولا نفخ ولا حاجة
النهاردة الصبح لقيت ان في نفخ حاجة بصيطة اوي من خرطوم العمة يكاد لا يذكر وبردة دخنة الشكمان زي مهيا لما بدوس بنزين
هل ده معناه ان العربية محتاجة طقم شنبر ولا ده جلد صباب ولا الدخنة دي من الركنة وهتاخد وقتها وتروح ولا ابيع العربية دي الي صرفت من ساعة مجبتها وزنها فلوس ولا اعمل ايه ياشباب

اسف على الاطالة

**Mecha** · 10-01-2016 01:03 PM

شوف، اطلع بيها مشوار حلو تسخن
وارجع شوف الدخنه والميه مع الامبليه
ان فضلت الدخنه المكنه تعبانه وتشوف معاها دخنة سيخ المقاس وغطا الزيت.
ان راحت . دورها الصبح ، لو لقيتها يبا جلد صباب
متنساش تاخد معاك جركن ميه ، وتراقب نقص الميه يبا
الوش.

**ahmed29** · 10-01-2016 01:03 PM

فين ياشباب الردود انا بجد محتاج لخبراتكم وارائكم في الموضوع ده

**ahmed29** · 10-01-2016 01:06 PM

انا متشكر جدا لمرورك انا هخبط بيها مشوار لحد اسكندرية واشوف هتعمل معايا ايه
بس هي الدخنة من غير زيت يعني مفيش تعريق زيت في خرطوم العمة ولا ده ملوش دعوة
واسف على الاطالة

**Mecha** · 10-01-2016 01:12 PM

متطلعش مشوار جامد زي اسكندريه، لتعملها في الطريق.
الاول جوه القاهره وعندك الداءري وغيره وانقاذك يكون سهل.

**ahmed29** · 10-01-2016 01:38 PM

عندك حق بدل متبقى حوسة

**ahmed29** · 10-01-2016 03:32 PM

في صديق قالي انه ممكن يكون جلد صباب ناشف
وقالي على وصفة كدة اعمل مشوار يسخن العربية وبعد كدة اجيب ربع كيلو زيت
وافك العمة وابتدي احط شوية شوية زيت في الكاربيراتير واضغط بنزين جامد لحد مخلص الزيت الي معايا ولحد مالدخنة الي موجودة في الشكمان تروح خالص
وبعد كدة اغير البوجيهات بغيرها جديد وبالطريقة دي يبقى نزل زيت في الغرفة ولو شنبر لازق هيفك ولو جلد ناشف هيطرى
هل دي فكرة سليمة ؟
معلش بقا انا مطلول عليكم

وبعدين في سؤال تاني
هو لما بتكون العربية في وضع المور بدون غيرات وارفع العجل في عجلة بتلف وفي عجلة بلقيها قافشة وبتحرك الموتور هل ده طبيعي

**Mecha** · 11-01-2016 03:53 AM

فكره غير سليمه بالمره ، الجلد الناشف مش هيطري ولا شنبر هيفتح لكن هتكتم بكات الكربواتير وتفتح مشكله
بزياده.
احيانا الفرده بتلف مع المتور لكن لو قرصت عليها بتقف
غير ريت فتيس

**ahmed29** · 11-01-2016 08:46 AM

متشكر جدا ليك يا mecha على اهتمامك بالردود على استفساراتي بس معلش هرخم عليك بسؤال تاني معلش
امبارح وانا ماشي بالعربية لقيت زي صوت خروشة كدة بس مش عارف في الفتيس ولا العجل بس انا حاسس انه من الفتيس ولما بدوس دبرياج برضه موجود ولما بمور برده موجود فهل ده عيب في الفتيس ولا حاجة تانية والصوت ده مش دايما بيروح على طول يعني ممكن يفضل معايا دقيقتين كدة وبعد كدة بيروح
وانا حاطط في الفتيس زيت 90 شيل