مشكله ف جيب شيروكي2012 ارجو الافاده

**hesham 45** · 10-01-2016 07:02 PM

العلامه الصفرا ديه ظهرت وانا مش عاااارف السبب هي البطاريه كانتت نايمه هل ليها علاقه ارجو الافاده

**م/أحمد عبد الفتاح** · 10-01-2016 10:04 PM

اللمبة دى اسمها check engine ودى بتحصل لما يكون فيه عطل فى مجموعة الموتور وملحقاته زى مثلا الحساسات بتاعة الموتور - بس لو البطارية نامت لوحدها كده انصحك الاول تجرب ببطارية تانية كويسة او تروح لبتاع بطاريات محترم يقيسها لأنها فى الغالب بدأت تفيص وتعمل معاك حركات اللمبة بتاعة التشك انجن - وتخليه بعد كده يقيس شحن الدينامو وكمان تتأكد إن سير المجموعة والشدادات كويسين علشان ماتعملش كده تانى وده فى حالة ان اللمبة طفت - ولو ماطفتش يبقى تحطها على الجهاز وتشوف كود العطل ايه السبب . بس فى الغالب حاتكون البطارية. عموماً البطاريات مش بتعيش كتير فى الجيب (حوالى من سنة الى سنة ونص) علشان السخونة العالية للموتور بتأثر عليها وعلشان كده إتأكد إن العزل بتاع البطارية (موجود حوالين البطارية طبقة زى الصوف الزجاجى السميك ) موجود ومش متشال .
فيه كمان حركة ممكن تعملها وهى انك تشيل كابل الارضى (سالب البطارية) ربع ساعة وتركبه تانى ممكن اللمبة تطفى بس حتعمل كده تانى لو البطارية تعبانة. عموما جرب وابقى طمننا على النتيجة.