ارتفاع السياره سيراتو

**khmshry** · 11-01-2016 07:49 AM

السلام عليكم ورحمة الله وبركاته
حضراتكم كنت بسال علي السيراتو ٢٠١٥و٢٠١٦ هل هناك فرق بينهم وارتفاع السياره ١٣٩هل السياره كده واطيه وتحك في المطبات لاني بسافر المنصورة وهناك مطبات عاليه وهل هتحك مع المطبات لاني كان معايا نيواكسنت ٢٠١٠ومكانتشي بتحك خالص وهي ولا النيسان سنترا ولا السيات توليدو في فئه من السيراتو فيها فتحة سقف وكرز كنترول ومثبت سرعه وفرامل abs وفتحة تكييف خلفي هي وكيل وهل العفشه ناشفه ولا مريحة وهي جنط 16 جدا بس ارتفاع السياره والمطبات مش لاقي اجابه عليها ومحتار بينها وبين السنترا لان السنترا مرتفعه عن الارض واسف علي الاطاله

**shake** · 11-01-2016 10:02 AM

السيراتو واطية

**khmshry** · 11-01-2016 10:39 PM

كنت محتاج اعرف قطع غيار السياره السيراتو ولو خليجي ايه افضل ضمان للسيارة

**khmshry** · 18-01-2016 09:31 PM

مفيش حد هنا ولا ايه
محتاج اعرف خلوص ارتفاع السيراتو عن الارض وكمان محاج اعرف هل في فرق بين ٢٠١٥و٢٠١٦
وهل في فرق بين الخليجي والوكيل
ومعروض عليا سيراتو خليجي كامله ماعدا البصمه والكاميرا ٢٠١٥ عامله ١٨٠٠٠٠ج
ايه رايكوا وايه افضل ضمان
وهل بها end ولا لاه

**Omar Sarray** · 19-01-2016 08:29 PM

اخويه العزيز العربيه ارتفاع مناسب جدا 14سنتى مش بتحك زى القديمه والعفشه 50 فى الميه كويسه ولا أى حاجه فيها عيوب تذكر وخد العربيه وعلى ضمانة وعندى سيراتو 2016 اعلا فئه لون اسود سعرها الآن 203 الف جنيهه وكويسه جدا وربك المستعان تحياتى لك

**memo823000** · 19-01-2016 09:27 PM

انا اعرف واحد اول معاه السيراتو جنط 16 غير المقاس من 16\55\205 وخلاه 16\60\205 وطبعن نوع كويس بردجستون زى مقاس الكروز والشارك والفلوانس وبقت 10 على 10 وبيسافر زراعى كتير وهو بيحمل اوزان فالعفشجى عامله صدادات والعربيه موديل 2014 وزى اللوز ماشاء الله ونسي حاجه اسمها حك فى المطبات
والحاجه الثانيه انا شايف سعر الخليجى بالكماليات افضل بكتير من الوكيل فتوكل على الله وهات خليجى

**Omar Sarray** · 20-01-2016 10:19 AM

الخليجى ميجيش كامل لمصر لمه تدخل من المينا متجيش كامله زى ما احنا متخيلين ان الخليجى كامل يجى لمصر لا خد التوكيل احسن واضمن

**khmshry** · 23-01-2016 11:04 AM

المشاركة الأصلية كتبت بواسطة omar sarray

الخليجى ميجيش كامل لمصر لمه تدخل من المينا متجيش كامله زى ما احنا متخيلين ان الخليجى كامل يجى لمصر لا خد التوكيل احسن واضمن

قصد حضرتك ان التجار او المعارض بيكملوها جوه مصر

**khmshry** · 23-01-2016 11:05 AM

وايه اخبار قطع الغيار هل منتشره بره ولا لاه واسعارها في التوكيل ايه

**Omar Sarray** · 24-01-2016 07:07 PM

لا يا استاذى العزيز مش اقصد كده الكيا حاليا مش بتتجمع فى مصر بس الموضوع انو الخليجى يجى لمصر فيه عيوب فى صناعه ورداءه فى الجوده او الى معاد تصنيعها وكان فيها عيب زى فاتح ايرباج او فيها عيوب يرحلوها لغير دوله كانها جديده وانت وحظك لو لقيت عربيه كويسه فى الخليجى الى بتيجى لمصر انا اقصد ديما نخلى بالنا من موضوع العربيات لان كتره الاشاعات ان الخليجى احسن من توكيل وهوا العكس صحيح التوكيل افضل واضمن وده راى الشخصى