افيدونى بالله عليكم لانسر1600 خليجى و لا ماتريكس خليجى برضه هااااااام

**eslam206** · 24-11-2008 08:06 PM

السلام عليكم ., أنا بشتغل فى الامارات و عايز اشترى سياره أستعملها هنا بس بصراحه محتار جدا بين الـ لانسر 1600أوتوماتيك رقم 2 سعرها 52 الف درهم و بين هيونداى ماتريكس 1600 أوتوماتيك سعرها 42 الف درهم . . . يا ترى مين فيهم و لا حد عنده اقتراح تالت غيرهم و مع اعتبار انى ممكن انزلها مصر نهائى فى يوم من الايام . . . افيدونى بالله عليكم مع التوضيح

**eslam206** · 25-11-2008 08:56 PM

ايه يا جماعة معقوله تعملوا كده معايا فى اول مره احتاجكم فيها و لا رد لحد دلوقتى انا مش طالب غير النصيحه

**tutankhamoun** · 25-11-2008 09:04 PM

السلام عليكم
أنا شايف ان العربيتين حولين و منتشرين في مصر لو فكرت تنزل بيهم مصر

اللأنسر بياعة قوي في مصر و الماتركس برضه بس اللانسر أسرع في البيع
و في الأخر الموضوع ده نصيب و رزق

شوف أنت مستريح لأيه و أشتريه علشان أهم حاجة الراحة النفسية خصوصا لما تكون المقارنة بين عربيتين مفيش فروق كبيرة قوي بينهم

**eslam206** · 25-11-2008 09:23 PM

السلام عليكم
أنا شايف ان العربيتين حولين و منتشرين في مصر لو فكرت تنزل بيهم مصر
اللأنسر بياعة قوي في مصر و الماتركس برضه بس اللانسر أسرع في البيع
و في الأخر الموضوع ده نصيب و رزق
شوف أنت مستريح لأيه و أشتريه علشان أهم حاجة الراحة النفسية خصوصا لما تكون المقارنة بين عربيتين مفيش فروق كبيرة قوي بينهم

متشكر اوى على اهتمامك و ردك و انا مرتاح نفسيا للاتنين الصراحة لكن اللى مخوفنى من الهيونداى انها كورى مع انها عجبانى جدا و بالنسبة للانسر انت عارف طبعا اليابانى و هل السيارات دى فى الخليجى فعلا كويسه لو اشتريتهم من هنا و لا المصرى احسن .... أرجو الافادة

**NaviGator_13** · 25-11-2008 11:00 PM

طبعا ال لانسر افضل بكتير
وبياعه فى مصر جدا وقطع غيارها فى كل مكان
وال لانسر الخليجى كويسة برده

**limo** · 25-11-2008 11:02 PM

لو محتاج وسع صالون يبقى ماتركس
لو مش محتاج الوسع بتاع الصالون بتاع الماتركس يبقى هات لانسر

**eslam206** · 26-11-2008 11:27 AM

لو سمحت انا محتاج الافضل فيهم من كل الجوانب على سبيل المثال( الثبات و العفشة و الموتور والكماليات و استهلاك البنزين) مش بس الصالون اكيدهو الفرق و خاصة ان فى اختلاف فى بلد الصنع للسياراتين .. معلش انا تاعبكم معايا بس فانا فعلا محتاج خبرة شخص فى السيارات و الخليجى بالذات .

**abou_ruqi** · 26-11-2008 11:48 AM

يبقي اللانسر

**limo** · 26-11-2008 11:59 AM

المشاركة الأصلية كتبت بواسطة eslam206

لو سمحت انا محتاج الافضل فيهم من كل الجوانب على سبيل المثال( الثبات و العفشة و الموتور والكماليات و استهلاك البنزين) مش بس الصالون اكيدهو الفرق و خاصة ان فى اختلاف فى بلد الصنع للسياراتين .. معلش انا تاعبكم معايا بس فانا فعلا محتاج خبرة شخص فى السيارات و الخليجى بالذات .

الثبات معرفش الماتركش ثباتها عامل ازاى بس الانسر كثبات حلوه
العفشه :من حيث قوه التحمل يبقى لانسر ومن حيث النعومه اعتقد ان الاثنين زى بعض
المتور :لانسر بالتأكيد
الكماليات :زى بعض
الامان : لو المقارنه ده بين عربتين الوكيل المصرى هيبقى لانسر لان الانسر فيها اير باج وفرامل abs لو الماتركس الخليجى فيها الحاجات ده يبقى الاثنين متساوين
استهلاك الينزين الانسر بتعمل فى حدود180فى الصفيحه والماتركس الاتوماتيك بتعمل فى حدود 160 كم فى الصفيحه.
انا عن نفسى الى يخلينى افكر فى الماتكرس الوسع بتاعها فقط غير يبقى الانسر احسن بكل تأكيد

**eslam206** · 26-11-2008 12:30 PM

[QUOTE]الثبات معرفش الماتركش ثباتها عامل ازاى بس الانسر كثبات حلوه
العفشه :من حيث قوه التحمل يبقى لانسر ومن حيث النعومه اعتقد ان الاثنين زى بعض
المتور :لانسر بالتأكيد
الكماليات :زى بعض
الامان : لو المقارنه ده بين عربتين الوكيل المصرى هيبقى لانسر لان الانسر فيها اير باج وفرامل abs لو الماتركس الخليجى فيها الحاجات ده يبقى الاثنين متساوين
استهلاك الينزين الانسر بتعمل فى حدود180فى الصفيحه والماتركس الاتوماتيك بتعمل فى حدود 160 كم فى الصفيحه.
انا عن نفسى الى يخلينى افكر فى الماتكرس الوسع بتاعها فقط غير يبقى الانسر احسن بكل تأكيد[QUOTE]
انا متشكر اوى على ردك و فعلا استفدت لكن عندى سؤال كمان ايه الفرق بين العفشه الرياضيه اللى فى اللانسر المصرى و العفشه العاديه اللى فى الخليجى و ايهما افضل و هل فى خليجى اماراتى بعفشه رياضيه ؟