انا مريض بمرض القلق

**amr011111** · 12-01-2016 01:43 PM

المشاركة الأصلية كتبت بواسطة msobhy

الطبيعى من 9 الى 4.30
لكن اوقات بتبقى من 9 الى 10 بالليل واوقات بطبق فى حالة السفر

طبعا لما بانشغل جامد القلق بيقل لكن ده ميمنعش انى اول لما اروح اقعد افكر

لما تروح حاول تشغل وقتك وانت هتلاقى بتفكر برضه بس مش بدرجه كبيره.

**Moustafa.yonis** · 12-01-2016 01:45 PM

انت محتاج علاج
وغالبا علاج بسيط بس لازم يستمر لفترة يحددها الطبيب طبقا لحالتك
متسكتش علي نفسك، لان كل الموضوع ما بياخد وقت كل لما يبقي اصعب في العلاج
الصلاة والرياضة حاجات حلوة جدا ولكن مش هتعالج
عندك مشكلة كيميكال محتاجه الانتظام علي علاج معين زي فافرين او بروزاك او مودابكس لفترة من 3 شهور ل 6 شهور، او لسنة علي حسب الحالة
انت عندك وساوس قهرية وقلق وغالبا ده ممكن يخليك عندك اكتئاب بعد فترة
كلنا هذا الراجل بس بنختلف في النسبة والتعامل
محتاج تروح لدكتور ومتبسبش نفسك علشان انت من حقك تعيش سعيد وتستمتع باهلك واولادك وحياتك وكمان الاخطر متنقلش المرض ده لاولادك
الاب القلوق غالبا ما بيربي اطفال قلولين مزاج غير مستقر وعصبية او خوف
ربنا يعافيك ويعافينا جميعا

**ام حبيبة** · 12-01-2016 01:56 PM

انا بتهيالى الموضوع محتاج عرض نفسى
لان اكيد القلق ماثر على تركيزك
اكيد لو مش عندك القلق هتكون افضل فى اداءك و تركيزك فى الامور

**Bassem Youssef** · 12-01-2016 01:59 PM

الظروف المحيطه بينا هي السبب

**amr.elsayed** · 12-01-2016 01:59 PM

اولا لازم تكون عارف انك بتشتكى من مرض عصر ... بمعنى ان معظم البشر خاصتا سكان الدول النامية بيشعروا بالقلق والتوتر
لكن بتختلف حدته من شخص لاخر لكن موجودة عندنا كلنا وعلى فكرة كتير مننا بيجيلوا قلق وتوتر بسبب اشياء خارجة عن ارادته مثلا بسبب مشكلة الازعاج المستمر اوالزحام او الحذر الدائم بسبب كثرة الغش حولنا
...........
وجه نظرى انك لازم تعمل شوية حاجات صغيرة
اول حاجة امسك ايدك شوية وتجنب بعض المصاريف اللى مالهاش لازمة وتبدأ تعمل شوية مدخرات فى البنك
حتى لو بمبالغ قليلة ... وتعمل كارت سحب مكنة وتخليه فى محفظتك وبكدة تقدر تبعد عنك موضوع القلق
من انك تحتاج مبلغ مالى مفاجا واطلق عليه اسم كارت (الطوارئ) وارمى قلقك عليه
ولا تجعل احد يعلم اى شيئ عن هذا الكارت
...
تانى حاجة لازم تعمل رياضة خفيفة ولتكن المشى وبلاش العاب عنيفة واحمال تقيلة لانك بتشتغل الصبح وجيم بالليل
وابقى قابلنى لو عرفت تنام من فرط النشاط الجسدى مع القلق .. فكرة الرياضة لازم تكون للاسترخاء (والمشى جميل)
....
اكتب ثم اكتب ثم اكتب .... اكتب كل المشاكل التى تواجهك فى ورقة ويا حبذا لو بعض الحلول (المقترحة)
لحل كل مشكلة
....
صل رحمك ... لو فيه ناس قرايبك مش بتكلمهم من فترة كبيرة حاول تتصل بيهم وتسال عنهم
....
واخيرا وهى فعلا اخر حاجة لكن مهمة جدا انك لا تتردد فى زيارة طبيب نفسي وطبعا حيكتبلك علاج ..
بعد اسبوعين اذا لم تشعر ( بتحسن ) على العلاج تقوم ( بتغير الدكتور)

**amr011111** · 12-01-2016 02:08 PM

طيب هى ادويه الاكتئاب ليها مخاطر

**kemoelord** · 12-01-2016 02:15 PM

المشاركة الأصلية كتبت بواسطة msobhy

انا قعدت فتره كبيره اخد دوجماتيل لغاية لما بقى ملوش اى تأثير
بعدها واحد صديقى صيدلى ادانى دواء باخد حبيه منه كل 10 أو 15 يوم بيخلينى انام على الاقل 12 ساعه واقعدت متنح لمدة يوم او اتنين
صديقى قالها لى قبل كده ان احسن حاجه فى حالتى ان دماغى خفيفه جدا خصوصا بعد ما بطلت شرب قهوه وشاى اللى كنت تقريبا مدمنهم

بخصوص الرياضه حضرتك جيت على الجرح تماما
انا كنت رياضى بشكل عنيف وانا صغير وفجأه بطلت وده تقريبا من سنة 1999 وده من احد الاسباب اللى مخليه نفسيتى زى الزفت فى كل حاجه
احد الخطط انى ان شاء الله من أول شهر 3 القادم هابدأ اروح جيم وده علشان الظروف الماديه وفى نفس الوقت انى مشغول جدا الايام ديه
الغريب ان انا وانت متفقين فى نقطه معينه
انا فعلا بحس انى مستريح جدا لما بادعى كتير - لدرجة انى اوقات باقعد احكى بالدقايق لربنا وانا ساجد
واوقات باحس ان لسانى مش قادر يقول اللى جواى وبافضل اقول يا رب انت حاسس بيه وعارف اللى جوايا

شوف يا صديقى
انت عايز تعمل اقتباس لكذا شخص
هاتلاتلاقى جنب كلمة الرد او الاقتباس هاتلاقى علامه زى ورقه وعليها قلم
دوس على العلامه ديه لغاية اخر واحد انت عايز ترد عليه ساعتها اختار اقتباس
هاتلاقى الاقتباس طالع بشكل متعدد

على فكره من فتره كبيره جدا اتكلمنا مع بعض وكان بسبب عربيتك لو تفتكر - بصراحه انا مستغرب انك لسه متجوزتش - هو انت عندك كام سنه

ربنا يخليك يا باشا تسلم ,, لا مش انا اكيد واحد تاني :d , انا عندي 28 سنه

**samyyousef** · 12-01-2016 02:48 PM

الوسواس القهري و القلق من اخطر امراض العصر، ربنا يعينك و يعنا جميعا

**Moustafa.yonis** · 12-01-2016 02:49 PM

المشاركة الأصلية كتبت بواسطة amr011111

طيب هى ادويه الاكتئاب ليها مخاطر

الاخطر من ادوية الاكتئاب، الاكتئاب نفسه
فيه انواع تأُثيرها اقل علي الجسم
بس يفضل يكون عن طريق دكتور امين
لان الموضوع ده فيه سبوبة محترمه

**إنسانة** · 12-01-2016 03:01 PM

انا كنت بعاني من قلق مميت , مكنتش بقدر انام , قلق مصاحب لخوف حاد من كل شيء

في لحظة اخدت قرار اني اما اغير حياتي او اغير حياتي , ومكنتش بحاول حل مشكلة القلق لاني مكنتش اعرف مصدره

كنت بعاني من ضغط نفسي رهيب وعايزة اخرج منه

لما حليت مشاكلي المسببة للضغط النفسي انتهى القلق والخوف وابتديت انام 7 و 8 ساعات متواصلة وهادئة مش فاكرة امتى اخر مرة اتعصبت البكاء المتواصل كل ليلة انتهى تماما بحس بطعم الاكل وباخد نفسي براحة كبيرة

انا النهردة بصحى معنديش اي مشكلة في حياتي قلقاني , بحس راحة وطمئنينة لا يمكن وصفها

الرياضة كمان بعدها بحس ان فيه مهدئ ومخدر بيمشي في عروقي وبنام نوم عميق

لدرجة اني حاسة اني مكنتش عايشة

شوف مصدر اي ضغط نفسي وسخر كل شيء ممكن لحله