-
عايزة عربية للإيجار
السلام عليكم يا جماعة الخير..
انا نازلة مصر اجازة اسبوع و محتاجة عربية من يوم 22 يناير لحد يوم 28 يناير عشان باتخنق من التاكسيات "بيحسسوني اني باشحت منهم المشوار مثلاً و اللي يقولي لأ و اللي يقفل العداد !"
حد يعرف مكان كويس للتأجير أو الأفضل سيارة شخصية يكون صاحبها مش عايزها الاسبوع ده عشان اقضي بيها مشاويري؟
مش فارقة معايا نوع العربية اوي سواء مانيوال او اوتوماتيك.. محتاجة عربية متعطلش بيا بس و انا على كوبري اكتوبر :pffft:
و شكراً !
-
هو استخدام حضرتك للعربية هايكون كتير
يعني مشاوير كل يوم وطول اليوم؟؟؟
-
كل يوم اه.. طول اليوم لأ .. الاستخدام مش هايبقى كتير اوي يعني انا غالباً بازور ناس و كده فهاروح المكان اركنها لحد ما اروح و هكذا.. كله داخل القاهرة كمان..
-
الافضل لحضرتك تستخدمي خدمة uber
-
‘uber كويسة بس انا مش بابقى عارفة مواعيدي و ساعات بتأخر فبابقى عايزة عربية تحت رجلي..
-
نصيحة لوجه الله لحضرتك مهما كان مواعيدك قبل ماتنزلي بربع او نص ساعة اطلبي العربية هايجيلك مكانك ويوصلك للمكان اللي حضرتك عاوزاه بدون مشاكل وامان جدا وسواقين محترمين جدا وعربيات زيرو وتشتري دماغك من العربيات والتكلفة والبنزين والاعطال والايجار
عموما العربيات الايجار موجودة بس انا بقول نصيحة لحضرتك شوفي حضرتك وانا تحت امرك
-
Content Relevant URLs by
vBSEO 3.6.0 PL2