الموضوع: اختيار بنك

السلام عليكم

عندى سؤال عارف انه مش جديد وكل شويه ناس بتسأل فيه ولكن الموضوع فعلا يستحق.

دلوقتى انا فى QNB وقرفت منه اخر قرف ..واخر حاجه انى كنت بدفع على النت بأستخدام الفيزا انترنت (العادى يعنى)لقيته بيقولى فيه كود حيتبعت على الموبايل لاتمام العمليه.....استنى الكود مفيش استنى الكود ولا الهوا
وفى الاخر مفيش كود ....دى اول مرة يتطلب منى كود زى دا.....حاولت مرة تانيه نفس الكلام
فى الاخر اتصلت بخدمه العملاء وقالولى الكود اتبعت والمشكله فى شركة المحمول....اتصلت بخدمة المحمول قالولى ملناش اى تحكم فى الرسايل اللى جيه ...احنا ممكن نوقف اللى رايح علشان الرصيد انما اللى جاى مفيش اى تحكم فيه ولا ينفع نفتحه علشان الخصوصيه
رجعت تانى لخدمة عملاء البنك واتكلمت معاهم وفى النهايه قالولى حنرد على حضرتك لان الموضوع حصل مع كذا عميل.
المهم انا دوشتكوا بس خلاص عايز اغير البنك والسؤال بقى....انا عايز اغير لل HSBC او الاهلى المصرى ولكن انا عايز اتاكد من شويه حاجات وانه بنك احسن فى الخدمات دى:
*يكون فيه فيزا انترنت استخدمها زى بتاعة الQNB او حاجه شبيه ( فيزا دفع عن طريق النت غير فيزا الATM)
*يكون فيه خدمة زى تحويل الفلوس من الفيزا الاساسيه الى الفيزا انترنت , والعمليه تتم عن طريق النت( يعنى اقذر احول من الحساب للفيزا انترنت عن طريق النت مش ايداع باليد)
*خدمة رسايل فى حالة السحب او الدفع عن طريق الفيزا

من الاخر عايز بنك ال Internet banking بتاعه يكون قوى وسهل ....فيا ريت اللى عنده فكرة حتى لو عن بنك من البنكين دول يقول .....وبالمرة بقى اجراءات فتح الحساب .

كل المطلوب موجود في اغلب البنوك لو لم يكن جميعها
الا تحويل عن طريق النت... ممكن تحويل عن طريق (المكنة)
الاختيار يرجع حسب منطقة السكن الخ