السلام عليكم
يا أهل الخبر انا محتاج عربية جدا كان معايا 128 1100 وطلع 3 عين الي جابوني مصاريف انا بعتها ومعايا 30000 حاليا ومحتار بين الإكسيل والبرايد والمستعمل كلة بصراحة ومش عارف اجيب اية يستحمل مشاويري مابين الشغل والبيت وللعلم المسافة يوميا رايح جاي 60 كيلو تقريبا خايف من الإكسيل لاني سمعت انها ضعيفة والبرايد برضو مش عارف عنها حاجة اجيب اية ياريت تفيدوني
اسف على الإطاله
خليك في البرايد لو قطع غيارها رخيصة، من وجهة نظري
الشاهين اختيار مناسب
افضل من البرايد والاكسيل
لو وجدت مرسيدس خنزيرة موديل 1975 نضيفة ...يكون احسن
الاكسيل ال 1300 مش ضعيفة ما بالك لو 1500؟ لو قدامك اكسيل نضيفة ما تفرطش فيها. البرايد حلوه بردو لكن ال اكسيل اوسع و رايي شكلها احلي.
لو هتجيب اكسيل او برايد هيبقى موديلها بقاله 18 سنه فى السوق وساعتها هتحتاج مصاريف كتير برضه
الاحسن تجيب عربيه موديلها قريب ولتكن سوزوكى ماروتى
فولكس بولو أو أصبر شوية وكملهم 35 وهات اسبيرانزا a113
شاهين لو مش فارقه الكماليات وعاوز حاجه تستحمل وق\ع غيار سهله ومحفوظه من الميكانيكى
برايد حلوه لو نضيفه ومفهاش بارومه
جولف -ايبيزا تسعينات لو عاوز جري وكده
بلاش اكسيل ...صاج ضعيف ونادرا مماتلاقى حاله نضيفه
انا ارشح الشاهين
انا ارجح التمبرا صراحه عربيه شقي وممتازه واسعه وبتستحمل السفر
عندي لك شاهين 2007 حالتها نضيفه
فيها مرمات بس من الخارج وبتترش دلوقتي المرمات دي
انا شوفتها قبل الحاجات دي وكانت فبريكه بالكامل
موجوده في طنطا
لو عايز رقم صاحبها ابعتلي رساله وانا ابعتهولك