السلام عليكم
لو سمحت عايز اعرف الشبكة الايام دى بتكون فى حدود كام ؟
انا محدد 10 الف للشبكة بس معرفش الاسعار اية دلوقتى وكمان انا لما اتكلمت مع اهلها ناس محترمة جداا ومتفاهمين
هل ال 10 دول كافين للشبكة ؟
والشبكة بتكون عبارة عن اية ؟
عرض للطباعة
السلام عليكم
لو سمحت عايز اعرف الشبكة الايام دى بتكون فى حدود كام ؟
انا محدد 10 الف للشبكة بس معرفش الاسعار اية دلوقتى وكمان انا لما اتكلمت مع اهلها ناس محترمة جداا ومتفاهمين
هل ال 10 دول كافين للشبكة ؟
والشبكة بتكون عبارة عن اية ؟
والله علي حسب يعني فابريكا بره وجوه ولا رشة
وصيانتها في التوكيل ولا عند الصنايعية
لاحول ولا قوة إلا بالله
الاستاذ مش قصده حاجه
هو حضرتك يعني الأمور دي مش متحدده بالمسطره
دي قدراتك ولو الناس شاريينك الكلام ده مش هيفرق خالص فما تشغلش بالك خالص يعني
قول ان امكانياتك من 7 الى 10
نصيحه الناس اللى تلاقيهم عايزين شبكه معينه وشقه معينه ومرتب معين....حاول تتفاهم معاهم مفيش استجابه اهرب ياولد
10 الاف كويسين اوى لو ناس مش بتبص للعادات الباليه والتقاليد الممزقه.....يعنى لو فى الصعيد سلامو عليكم ب 80 جرام دهب فما فوق.....اومفيش حاجه اسمها انت اللى تقول...انت بتقول لابوها تحت امرك وتسمع ...لقيت ترحيب واالى تجيبه فل..ما لو الناس عايزه زى صاحبتها وبنت خالتها اهرب يولد
و عليكم السلام
حاسس انك مهزوز
قل قدراتك و شوف استجابتهم ايه
و الامور اخذ و رد و الناس بتظهر فى المواقف دى بايعه و لا شاريه غاويه مناظر و لا مش فى دماغها
انا اخويا من كام شهر راح لواحده هو واهلى
قالوا شبكة 25 الف و مؤخر 25 الف انا بنتى دكتورة
يا عم يا باشا يا بغاشه راح وشه مكشوف و قال ده الى عندى و الى عاجبه و بعد كده حب يصلح غلطته و يتكلم بالراحة(ما هو الناس فى المواقف دى بتلبس دور اهل الاصول الى عاوزين راجل)
خلاص يا باشا انت اتكشفت و ان اسلوبك هيبقي اسلوب شوارع
فنصيحتى بلاش تبقى مهزوز
انا يا جماعه امكانياتى كذا كذا كذا
علي ايامي كنت شاري ٥٠ جرام ب٢٠٠٠ جنيه
الجرام كان ب ٢٨ جنيه تقريبا
حاليا ١٠ الاف يادوبك
دبله وحبس وخاتم
ولاءن مفيش عرسان والشباب حالهم صعب
هايوافقوا ومش هايقولوا حاجه
عرفهم بكل ظروفك...المفروض هيكونوا اهلك بعد كده....وبعدين الحاجات دى بالوزن مش كلام هنقوله ويطلع صح
يعنى ممكن نقولك دبله ومحبس والعروسه تختارهم وزنهم تقيل سعرهم هيعدى.........ربنا معاك
بص مبدئيا انت حتى لو جيبت بجنيه زى مليون جنيه بالنسبه لأهلها لو شاريينك هيفرحوا لكن بالنسبالك متبالغش لانك هتحس ان الحاجات دى بلا قيمه و اسئل مجرب
ثانيا ممكن تجيب بالعشرة دول
دبلتنين ليك و ليها و خاتم كده هتدخل فى 4 الاف
و اسورة صغيرة او تبدل الاسورة بغويشتين افرنجى صغيرين عشان العربى اغلى و بيتكسر بسرعه و مصناعية الغوايش قليله عن الاسورة يعنى الواحدة لو ب3 الاف هتبقى حلوة
و محدش ياخد الموضوع بتاع الراجل بهزار او تريقه لان دى تعتبر حياته الشخصيه و بيشارككم فيها
مفيش معيار وسط عند كل الناس و لا كل الطبقات دى تقدير منك و حسب امكانياتك و طلبات و مستوى اهل العروسه يعنى مش سلعه او خدمه نقدر نقولك متوسطتها وصل كام دلوقتى
بتبقى على حسب امكانياتك وموافقه اهل العروس بتختلف حسب تفكيرهم وحسب سكنهم
جيب بالمبلغ ال هتقدر عليه علشان تبق راجل فى كل كلامك اهم حاجه فى الجواز انك تبق راجل فى كلامك معاهم
السلام عليكم
رأيي الشخصي إن حضرتك تستفسر من خطيبتك علي متوسط الشبكه في عيلتها كام
لو في مقدرتك تجيب زيه يبقي فضل و عدل
أكتر من إمكانيات حضرتك الحاليه صارحهم بإمكانياتك و توصل لهم إن ده مش تقديرك للعروسه أو الأسره و لكنها إمكانياتك الفعليه الحالية و رد فعلهم يجب أن يكون مفتاح لقرارك بالإستمرار أو إنهاء الموضوع
بالتوفيق و جزاكم الله خيرا
ربنا يوفقك ....
واضح انك محترم و هما كمان ...ز ربنا يباركلك......
بس معلش انا مش فاهم مشكلتك ايه بالظبط .......... ال 10 الاف شبكه محترمه و للا لا ؟؟ طبعا على حسب كل بيت و كل اسره ..............ما فيش معايير في الحته دي خالص
الناس سالتك امكانياتك ايه ..كان المفروض ترد عليهم بسرعه كذا ...........
و اهم حاجه الشفافيه و الصراحه .................
يعني لو قلنالك لا... ال 10 الاف و حش..... مش هاتقولهم ؟؟؟؟
توكل على الله و قولهم امكانياتك و خليك صريح معاهم هاتستريح و هما هايستريحم
في الزواج مفيش أسعار .. فيه مستوى مناسب
الوضوح والصراحة أهم شيء .. يعني وضح إمكانيتك الفعلية في الهدية
لإن دا مؤشر على تقديرك للزوجة ومؤشر على المستوى اللي الأسرة هتعيش فيه
يعني متبلغش في الهدية فوق استطاعتك ومتقدمش هدية أقل من مستواك المادي
وازن
ربنا يباركلك
ياباشا انا سبقتك في شهر 10 الي فات
الموضوع كله ببنزين العربيه بدستتين جاتوه بالدبلتين وبالتتين كانزات قطع 2000 جنيه
ونص الكلام كالتالي
الشبكه علي الفرح وحسب مقدرتك ولو مفيش دي مراتك وبعد الجواز عايز تجبلها هديه دي حاجه ترجعلكوا
اتفق انت وعروستك مع بعض