نهى .....زهرة المنتدي اليانعة .... الي اللقاء و ألف مبروك

**aif** · 24-11-2008 08:50 PM

بصراحة .... المنتدي فعلا افتقد اختنا وزميلتنا العزيزة نهى Onna سابقا
الطبيعية والتلقائية والروح الخفيفة والمرح والتدين والاخلاق ....
كل الصفات دي ...صعب جدا انهم يتواجدو في شخص واحد .... لكنهم موجودين في نهى
صعب اوي يكون فيه موضوع تهنئة او مواساة لأي زميل غير ونهى فيه ....
اي موضوع بناتي لازم تلاقي نهى احد اطرافه ....
الحاجة الوحيدة اللي بتصبرنا علي عدم وجود نهى معانا هي انها سابت المنتدي بناء على رغبتها .... عشان تتفرغ لتأسيس اسرتها ....وده طبعا اهم حاجة في الحياة
....فعلا نهى انا كنت باعتبرها زي بنتي .....يمكن انا اولادي لسة صغيرين ... لكن لو كنت اتجوزت بدري .... وربنا رزقني ببنت .... كانت ح تكون في عمر نهى
انا عملت الموضوع ده لسببين ....
اولا دي اقل حاجة نقدمها لنهى اننا نتمنى ليها التوفيق والسعادة في دنيتها الجديدة واسرتها السعيدة باذن الله ...
ثانيا : ان فيه ناس كتير بتسأل ... ليه نهى banned فكان لازم الجميع يعرف انها تركت المنتدي برغبتها للتفرغ لتأسيس بيتها و الاستعداد لترتيبات الزواج لوازمه ....

ربنا يوفقك يا نهى :k10:.... ومين عارف يمكن بعد فترة .... نلاقي نهى ومحمود معانا في المنتدى :k9:.... ويبقى كسبنا اخ وزميل جديد ....
بالتوفيق يا نهى

**alaa_dash** · 24-11-2008 09:02 PM

ربنا يهنيهم ...رغم اني في اغلب الاحوال متابع فقط ..الا ان المنتدى هيبقى ناقص حاجة :)
تانب مرة ربنا يتمم لهم بخير ..

**دموع الثلج** · 24-11-2008 09:10 PM

الف شششششكر لك يا استاذ احمد انك عملت الموضوع ده

انا بصراحه مقدرتش اعمل موضوع وداع للمجنونه دى
لانى بحس انها موجوده فى المنتدى لو مفضلش ولا عضو فيه

ربنا يسسسسسعدها يارب

وتجيب لنا شومخر صغنن كده وتصدره للمنتدى ههههه

**MoDyBeNz2008** · 24-11-2008 09:11 PM

فعلا المنتدى تحس انه ناقص حاجة كانت عاملة حس للمنتدى و ان شاء الله ربنا يوفقها و نياركلها قريب و ان شاء الله ترجعلنا تاني

و ان مرجعتشش يبقى الموضوع دة ذكرى ليها

و في الاخر نقول انتي غالية علينا يا نهى ياريت ترجعيلنا تاني

**Chicco** · 24-11-2008 09:24 PM

onna سابقا :(... باذن الله ترجعلنا تاني ... نحن في الأنتظار .... خدي وقتك بس أوعي تطولي .... إن شاء الله يبقى موضوعك اللي جاي دعوة عامة لجميع أعضاء المنتدى لحضور فرح نهى و محمود :)

دايما سباق بالخير يا أحمد باشا

**Hassan Khalil** · 24-11-2008 09:56 PM

عنوانك لعب في دماغي يا حاج احمد ...
و دخلت الموضوع و انا باقول يا ريت كل شئ يكون علي ما يرام
و الحمد لله طلعت الاخبار حلوة ...
بعد كده يا حاج ابقي حط سمايلي و اللا حاجة في العنوان :)
***********

ربنا يباركلك يا حاج احمد ..
و فعلا .. علي أد ما الواحد حيفتقد وجودها معانا في المنتدي ..و روحها الحلوة الخفيفة ...
الا ان الواحد بيدعيلها فعلا ان ربنا يباركلها ..
يباركلها في زواجها
و يباركلها في بيتها
و يباركلها في اسرتها
و يباركلها في دينها
و يباركلها علي الوقت الحلو اللي قعدتو معانا ... و فرحتنا كلنا فيه :)
*******
بالتوفيق يا نهي
و في انتظار الاخبار الحلوة :)

**shery103** · 24-11-2008 10:06 PM

بجد يا نهى هتوحشينا جدا ، من غيرها المنتدى هيبقى مختلف اكيد

بس طبعا الف مبروك مقدما و ربنا يسعدك ان شاء الله و تجيبى بيبيهات يبهدلولك عربيتك خالص و تبقى مبسوطة دايما يارب

**mo7amed_omara** · 24-11-2008 10:07 PM

فعلا نهى ليها اسلوب خاص فى كلامها و اسلوبها و كانت عاملة حركة و حس فى المنتدى
و ندعولها ان ربنا يكرمها فى حياتها الزوجية

**sa3dawy** · 24-11-2008 10:11 PM

ربنا بيوفقها كانت بتضيف روح خفيفة للمنتدى ... بس يعنى هيا لازم تسيب المنتدى علشان تتجوز؟؟ هيا رايحة تحارب ؟؟
على العموم ربنا يفقكهم ويشاركو هما الاتنين فى المنتدى تانى

الموضوع: نهى .....زهرة المنتدي اليانعة .... الي اللقاء و ألف مبروك

LinkBack

أدوات الموضوع

عرض

نهى .....زهرة المنتدي اليانعة .... الي اللقاء و ألف مبروك - انشر الموضوع فى :

-

-

-

-

-

المواضيع المتشابهه

مبروك افتتاح قسم فيس بوك المنتدي

مبروك لكل اللي اتكرم من قسمنا في احتفاليه المنتدي

المنتدي داخل علي صيانة الثلاثون الف عضو :) الف مبروك نايل موتورز

الف الف الف مبروك يا بايو باشا علي المنتدي الجميل

الكلمات الدلالية لهذا الموضوع

المفضلات

المفضلات

ضوابط المشاركة