محتار بين سيات توليدو ولا رينو فلوينس ؟!

**Mwafik2** · 13-01-2016 01:48 AM

أيهما احسن
من ناحية التوكيل واسعار قطع الغيار والاعتمادية ووسائل الأمان (بسافر كتير)

ولو حد عنده اقتراحات افضل
الميزانية اخرها ١٧٠٠٠٠ ج

انا مائل اكتر للتوليدو لكن مش شايفها منتشرة زي الفلوينس

مش فارق معايا اعادة البيع اهم حاجة تكون بتستحمل مطبات مصر المحترمة

**hanyyacot** · 13-01-2016 09:13 AM

فى رأيى الفلوانس افضل ك موتور و فتيس و ثبات ووسع و علو عن الارض واسعار قطع غيار نظرا لانتشارها وتوكيل . انا عاجبنى شكل التوليدو لكن ماحدش يعرف عنها حاجة غير شكلها . اعتقد الفلوانس صفقة مضمونة.

**Fawzy.Abdelnour** · 13-01-2016 02:48 PM

انا معايا توليدو، العربيه اغلب قطع غيارها فولكس الماني، و مشتركه في حاجات كتير مع Skoda Rapid
واسعه و شنطه كبيره جدا و ثباتعالي و شيك.
عيبها صوت الموتور عالي و العفشه ناشفه

**Mwafik2** · 15-01-2016 09:03 PM

المشاركة الأصلية كتبت بواسطة mankindforce

انا معايا توليدو، العربيه اغلب قطع غيارها فولكس الماني، و مشتركه في حاجات كتير مع skoda rapid
واسعه و شنطه كبيره جدا و ثباتعالي و شيك.
عيبها صوت الموتور عالي و العفشه ناشفه

فيه ناس قالتلي برده سوزوكي سياز ادخلها في المقارنة مع سيات توليدو ٢٠١٦

عندك اي فكره يا باشا عنها ؟!

**Mwafik2** · 15-01-2016 09:07 PM

المشاركة الأصلية كتبت بواسطة hanyyacot

فى رأيى الفلوانس افضل ك موتور و فتيس و ثبات ووسع و علو عن الارض واسعار قطع غيار نظرا لانتشارها وتوكيل . انا عاجبنى شكل التوليدو لكن ماحدش يعرف عنها حاجة غير شكلها . اعتقد الفلوانس صفقة مضمونة.

الفلوينس مش عارف مش مرتاحلها اوي كشكل للصالون بتاعها مش شيك زي السيات توليدو
لكن هي اكيد كعربية ممتازة ...

**Fawzy.Abdelnour** · 16-01-2016 04:48 AM

المشاركة الأصلية كتبت بواسطة mwafik2

فيه ناس قالتلي برده سوزوكي سياز ادخلها في المقارنة مع سيات توليدو ٢٠١٦

عندك اي فكره يا باشا عنها ؟!

اتفرجت عليها لكن ماعجبتنيش، هي اوبشنز ممتازه، بس رأيي التقفيل سيء.

**K.Ossama** · 16-01-2016 10:53 AM

المشاركة الأصلية كتبت بواسطة mwafik2

فيه ناس قالتلي برده سوزوكي سياز ادخلها في المقارنة مع سيات توليدو ٢٠١٦

عندك اي فكره يا باشا عنها ؟!

السياز تقفيلها على قده خالص. بلاش منها.

**ayman salem** · 17-01-2016 04:36 AM

فكر في السياز و اركبها عربيه محترمه وتوكيل محترم بيهتم بيها ومحدش اشتكي منها لحد دلوقتي وتقفيلها معقول جدا

**Fawzy.Abdelnour** · 17-01-2016 09:49 AM

المشاركة الأصلية كتبت بواسطة ayman salem

فكر في السياز و اركبها عربيه محترمه وتوكيل محترم بيهتم بيها ومحدش اشتكي منها لحد دلوقتي وتقفيلها معقول جدا

اسمحلي اختلف مع حضرتك.
توكيلها ايه اللي محترم؟؟ مودرن موتورز؟؟ ده معموله قضية غش تجاري، بيركب قطع غيار صيني و بيقول عليها اصلي عنده في مراكز الخدمة.
http://www.elwatannews.com/news/details/655479
دي القطع اللي كانت عنده، و لينك الخبر.
الحملة تمكنت من ضبط عدد 97 كشافًا أماميًا مقلدًا للكشاف ماركة "نيسان صني" موديل 2015، حيث أثبت على الكرتونة الخارجية عبارة NASSIV CHINA، و 52 وش مراية للسيارة صني بدون أي بيانات عن الشركة المستوردة أو المصنعة، عدد 42 سبويلر غير مدون على العبوة الحاوية لها أي بيانات، وعدد 26 شبكة أمامية للسيارة سوزوكي جراند فيتارا غير مدون عليها أي بيانات، وعدد 293 طقم تيل فرامل سوزوكي في علب كرتونية ذات ملصقات عليها عبارة صنع في تايوان باللغة الإنجليزية وبدون بيانات للشركة المستوردة، وعدد 6 علب كرتونية بها أجهزة مدون عليها BLUETOUCH ® للاستخدام في توصيل الهاتف بالسيارة، وعدد 4 صرة عجل، و 2 وحدة تحكم و دشمة فرامل غير مدون عليها أي بيانات.