ما هو شعورك عندما ركبت الطائرة لأول مرة في حياتك

**3abdo.it** · 13-01-2016 04:24 PM

بخصوص الاذن .. واحد قلى حط فيها قطن وانتا راكب

انا لسة جى من عند دكتور انف واذن وحنجرة

اول مرة اكشف عند دكتور فى التخصص دا

قلى التهاب شديد فى الجيوب الانفية وفى الحنجرة وهيا الى مسببالك الموضوع دا

يارب يطلع كلامة صح هو كتبلى علاج وبخاخ وحاجات كدا وطلب 2 تحليل

**A_H_M_A_D** · 13-01-2016 04:27 PM

المشاركة الأصلية كتبت بواسطة 3abdo.it

ربنا يطمنك بس انا عايز اقلك لما اكون راكب موصلة ويكون طلع كوبرى .. فى نزلة الكبرى بحس كان جسمى بيتسحب لتحت وبتخض :d

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

**3abdo.it** · 13-01-2016 05:43 PM

المشاركة الأصلية كتبت بواسطة a_h_m_a_d

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

لا ولا يهمك متخوفنيش انا اوردى خايف ههههههههه

**ahmed_eng2001** · 14-01-2016 12:33 AM

المشاركة الأصلية كتبت بواسطة a_h_m_a_d

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

لازم الطيار يعمل السحبة دى فى بداية حركته من ممر الاقلاع ... و ده نتيجة احساسك بالتسارع ... ممكن حضرتك تسند دماغك على الكرسى و تغمض عينيك و تسترخى خلص و ممكن تنام

**amr.elsayed** · 14-01-2016 01:43 AM

اول مرة كانت ممتعة جدا وكان احساسى انى عايز اسوق الطيارة هههههه المضيفة كانت بتتحايل عليا علشان اقفل الموبايل وانا ابدا حموت عايز اصور فيديو اقلاع الطيارة وفعلا صورته دى المرة الاولى ...
بعد كدة شعور بالملل ببقى هاين عليا اطلب من الكابتن انه يدوس شوية بنزين علشان نوصل و نخلص بسرعة
...........
اكتر وقت بكرهه فى الرحلة ساعت الاكل ..... لا وما شاء الله الاكلة الشعبية الاولى على الطيارة السمك الفيليه !!!

**mohamedbook** · 14-01-2016 06:52 AM

اكني راكب أتوبيس نقل عام
والأعمار بيد الله

**Mecha** · 14-01-2016 07:43 AM

ياريت تبلغ شركة الطيران انك محتاج support للموضوع دا.فيه شركات ممتازه زي Singapore
بيساعدوا الحالات دي.حالتك بتحصل للناس اللي عايشه في جو نضيف زي الريف ويفاجيء بتلوث المدن.في الطرمك البس كمامه عشان فيه ريحة جاز شديده.
وفيه بردك ear plugs عشان انخفاض وارتفاع الضغط، مهم ميكونش عندك كلستروفوبيا
اي رهاب الاماكن المغلقه او الارتفاعات فهتتجنب نظر النافذه.الصعود صعب عشان العجله الشديده والارتفاع السريع والكرسي هيميل ممكن اكتر من ٤٥ درجه. الهبوط بردك والتاتش.
فجهز نفسك.

**ahmed_eng2001** · 14-01-2016 08:13 AM

المشاركة الأصلية كتبت بواسطة mecha

ياريت تبلغ شركة الطيران انك محتاج support للموضوع دا.فيه شركات ممتازه زي singapore
بيساعدوا الحالات دي.حالتك بتحصل للناس اللي عايشه في جو نضيف زي الريف ويفاجيء بتلوث المدن.في الطرمك البس كمامه عشان فيه ريحة جاز شديده.
وفيه بردك ear plugs عشان انخفاض وارتفاع الضغط، مهم ميكونش عندك كلستروفوبيا
اي رهاب الاماكن المغلقه او الارتفاعات فهتتجنب نظر النافذه.الصعود صعب عشان العجله الشديده والارتفاع السريع والكرسي هيميل ممكن اكتر من ٤٥ درجه. الهبوط بردك والتاتش.
فجهز نفسك.

الله ينور عليك ... سؤال صغير ... ايه هو الطرمك ده ؟؟!!!

**Mecha** · 14-01-2016 08:23 AM

المشاركة الأصلية كتبت بواسطة ahmed_eng2001

الله ينور عليك ... سؤال صغير ... ايه هو الطرمك ده ؟؟!!!

ياباشا دا ملعبك.عيب اقول وانت هنا. واللي مربي قرد عارف لعبه هههه .والله اعلم الناس بتطلق طرمق او طرمك علي منطقة المهبط. ياريت تصحح.

**A_H_M_A_D** · 14-01-2016 09:18 AM

المشاركة الأصلية كتبت بواسطة ahmed_eng2001

لازم الطيار يعمل السحبة دى فى بداية حركته من ممر الاقلاع ... و ده نتيجة احساسك بالتسارع ... ممكن حضرتك تسند دماغك على الكرسى و تغمض عينيك و تسترخى خلص و ممكن تنام

انام ايه بس ده بيبقى حالتي مايعلم بيها الا ربنا :)

انا عارف ان الطيارة و هي بتعمل take off لازم تشد جامد بس المشكلة عندي في الثواني اللي بعد مالطيارة تسيب ال runway , ودي على فكرة بتختلف من طيار للتاني ,

انا من حوالي شهر كنت جاي من الاقصر للقاهرة , عايز اقلك الطيار كان محترف جدا و محستش معاه بأي مشكلة في السحبة دي خالص وطلع بسلاسة تامة كأنه لسه على الأرض , والله كنت عايز أخده بالحضن

واحد تاني بقى تلاقيه أول مايسيب الممر يقوم فاتح (بنزين) عشان يعلى بسرعة ويديها كمان واحد دوران 180 درجة في نفس اللحظة , أكون أنا بقى ساعتها لازق في الكرسي و مغمض عيني و جازز على سناني وقلبي واقع في رجلي و حالتي حالة

صدقني بتفرق جامد من طيار للتاني