ما هو شعورك عندما ركبت الطائرة لأول مرة في حياتك

**3abdo.it** · 13-01-2016 09:12 AM

انا مسافر يوم 21. طيران سعودي. مرعوووب جدا من الطياره. غير الخوف منها

للاسف انا عندي حاله مزمنه مسببالي ازمه طول حياتي.. شعور الغثيان والقيئ ملازمني في معظم يومي... لما اقوم من النوم بيستمر نص ساعه

ولما اركب اي نوع موصله بريه... باص. تاكسي مترو قطر.. اي حاجه لازم بطني تقلب طول الطريق وابقي عايز ارجع.. بتغلب أحيانا علي المشكله دي يحقنه اسمها برمبلان. او برشام اسمه درامنيكس بس طبعا مش كل الاوقات بيبقا متوفرين وبالتالي بتعب اوي خصوصا كمان لو شميت ريحت بنزين او عطر. فوااح

معلش انا تشعبت كتير.. الي همني دلوقتي الموصلات بتتعبني كدا. امال هعمل ايه في الطياره . واتغلب ازاي علي شعور الخوف والغثيان

ومتنسوش تجوبو بردو علي السؤال شعوركم ايه لما ركبتو طياره اول مره وتعبتو ولا لاء

**M.Radwan** · 13-01-2016 09:49 AM

أنا سافرت طيران كتييير
أول مرة كنت مستمتع جدا ومحستش بأي ملل
بعد ما اتفرجت على تقارير الحوادث الجوية بتاع ناشيونال جيوجرافيك بقيت اترعب طول الطريق :)
متقلقش هي الإقلاع والهبوط بس هما اللى صعبين شوية، غير كده بتحس إنك ع الأرض عادي

**ahmed_eng2001** · 13-01-2016 10:08 AM

تروح و تيجى بالسلامة .... تعامل مع الامر انه عادى جدا .... و متقلقش نفسك ... و حاول متملاش بطنك قبل ما تركب الطائرة ... و حيكون فيه كيس ورق فى ظهر الكرسى المقابل ليك .... استعمله لو حبيت ترجع .. و ان شاء الله الدنيا حتكون كويسة

**حسام الغرباوي** · 13-01-2016 10:09 AM

مفيش تعب ولا حاجة الطيارة مجرد انترية متحرك ...الحوار كلو في الهبوط والاقلاع ولو طيار كويس ولا هتحس بهبوط ولا اقلاع

عامةً اعتقد الناس اللي بتسافر كتير هيقلك شعور ممل وانتا قاعد حاسس ان الطيارة مبتتحركش وانتا عايز توصل بسرعة هههه

**3abdo.it** · 13-01-2016 10:16 AM

تمام طيب هو وقت الاقلاع بياخد قد اية والهبوط قد اية . يعنى الفترة الى هحس فيها بتعب

**pepo2011** · 13-01-2016 10:35 AM

عادي جدا بس بلاش تاكل كتير قبل الطيارة ب 4 ل 6 ساعات
وتاخد الحقنة او البرشام برضو قبل الطيارة
وماتحطش الموضوع في دماغك واستمتع وانطلق براحتك الاقلاع والهبوط لو مفكرتش فيهم مش هاتحس بيهم اساسا
وعموما هو بيستغرق دقيقة او دقيقة ونصف

**3abdo.it** · 13-01-2016 10:39 AM

المشاركة الأصلية كتبت بواسطة pepo2011

عادي جدا بس بلاش تاكل كتير قبل الطيارة ب 4 ل 6 ساعات
وتاخد الحقنة او البرشام برضو قبل الطيارة
وماتحطش الموضوع في دماغك واستمتع وانطلق براحتك الاقلاع والهبوط لو مفكرتش فيهم مش هاتحس بيهم اساسا
وعموما هو بيستغرق دقيقة او دقيقة ونصف

ربنا يطمنك بس انا عايز اقلك لما اكون راكب موصلة ويكون طلع كوبرى .. فى نزلة الكبرى بحس كان جسمى بيتسحب لتحت وبتخض :d

**fares_311** · 13-01-2016 10:44 AM

ثواني‏ ‏على‏ ‏المدرج‏ ‏اقلاع‏ ‏وزيهم‏ ‏هبوط‏ ‏يعني‏ ‏مش‏ ‏حتلحق‏ ‏تخاف‏ ‏ولا‏ ‏حاجه‏ ‏وابقى‏ ‏خد‏ ‏من‏ ‏الدوا‏ ‏بتاعك‏ ‏قبل‏ ‏الاقلاع‏ ‏علشان‏ ‏موضوع‏ ‏الدوخه‏ ‏اللي‏ ‏عندك‏ ‏ودمتم

**marsguy** · 13-01-2016 10:56 AM

ركوب الطياره ممتع جداً ما تقلقش

بالعكس أنا باحب الطيارات جداً وأتمنى أركبها كتير

خد معاك لبان وإمضغه قبل وأثناء الهبوط عشان الضغط بيتغير كتير ساعتها وممكن ودانك تتسد شويه

بالتوفيق