-
زيت
سلام عليكم سؤال
عربية سيراتو 2010 ماشية 60 الف كيلو صاحبها من الزيرو بيحط زيت 3 الاف موبيل 20w50
ينفع اغير الزيت لتخليقى 5w40 ولا لأ لان اللى اعرفة انت الزيت المعدنى 20w50 بيتحط للمواتير اللى ماشية 100 الف علشان خلوصات الموتور بتكون وسعت ومحتاجة زيت تقيل
واية هيكون تاثير الزيت المعدنى اللى كان بيتحط للموتور وهى زيرو لحد دلوقتى والموتور ماشى دلوقتى 60 الف
وشكرا
-
غير للزيت وفقا لمواصفات الكتالوج اللى هو هيكون غالبا 5w30 وتابع مستوى الزيت
لو لقيته ماشى معاك تمام ومش بينقص كمل عليه
-
موضوع الخلوصات اللي بتوسع والكلام الجميل ده أسطورة شايعة ومبنية على تصورات غير صحيحة..
الزيت المعدني لو موصى عليه في الكتالوج وبيتغير في مواعيده حسب الكتالوج فتأثيره السلبي على الموتور = صفر..
إنما أنا شايف المشكلة مش في استخدام الزيت المعدني.. إنما في استخدام زيت مستوى الجودة بتاعه أقل من طلبات الكتالوج..
كتالوج السيراتو بيطلب مستوى جودة الزيت لا يقل عن API SM... والمؤكد إن زيت ال3000 اللي حضرتك بتقول عليه ده لن تزيد درجة جودته عن API SJ بأي حال من الأحوال .. وده للأسف تأثيره سلبي على الموتور...
المتوثع دلوقتي في الموتور عندك إن فيه نسبة كبيرة من تكون الرواسب والشمع داخل الموتور. . ده غير إن فعلا ممكن يكون حصل تآكل أكتر من المعتاد أو الطبيعي بالنسبة لموتور مشي 60 ألف بس..
زي ما قلتلك.. العيب مش في الزيت المعدني... العيب في الاختيار الخاطئ جدا للزيت.
من الآخر.. العمر الحقيقي لموتورك دلوقتي لا يقل عن 150 ألف كيلومتر... ولو عايز تحط زيت تخليقي توقع بعض الظواهر السلبية. . زي تسريب زيت من جوانات وأويلسيلات الموتور .. بالإضافة إلى نقص الزيت .
لو عايز تعرف معلومات أكتر.. أنصحك تدخل على الموضوعين دول
http://www.nilemotors.net/Nile/341680-a.html
http://www.nilemotors.net/Nile/477071-100.html
...
-
رد
انا امبارح نزلت الزيت 3 الاف دة 20w50 وحطيت شيل 5w40
Content Relevant URLs by
vBSEO 3.6.0 PL2